Sexamos mellores mestres. Axudemos a quen estuda a Biblia con nós a adquirir bos hábitos de estudo

Por que é importante? Para que os estudantes cheguen a ser maduros en sentido espiritual deben alimentar as súas mentes e corazóns con algo máis que as ensinanzas básicas da Biblia (Heb. 5:12–6:1). Estudar esixe esforzo. Implica saber relacionar o que imos aprendendo co que xa sabemos, e recoñecer o seu valor práctico (Pr. 2:1-6). Se os estudantes aprenden a investigar pola súa conta, saberán como usar as nosas publicacións para responder a preguntas acerca da Biblia. Canto máis se esforcen por aplicar o que aprenden, mellor preparados estarán para superar os problemas que afronten como cristiáns (Lc. 6:47, 48).

Como fago?

Recálcalle a importancia de orar a Xehová para pedirlle a súa axuda antes de cada sesión de estudo (Xn. 14:26; 1^a Cor. 2:10).
Anímao desde o principio a prepararse con antelación. Podes ensinarlle a túa copia persoal da publicación e explicarlle como subliñar ou resaltar só as palabras ou frases clave.
Procura que responda coas súas palabras. A sesión de estudo non debe limitarse a unha fría serie de preguntas e respostas que o estudante lea directamente da publicación.
Anímao a ler a Biblia a diario. Podes ensinarlle o calendario de lectura da Biblia de jw.org, que contén suxestións moi prácticas ó respecto. Sen dúbida, coller o hábito de ler a Biblia tódolos días esixe determinación, pero paga a pena (Sal. 1:2, 3).
Ensínalle como atopar respostas a preguntas bíblicas na BIBLIOTECA EN LÍNEA Watchtower ou na Biblioteca Watchtower. Axúdalle a familiarizarse cos símbolos das publicacións que normalmente utilizamos nas reunións de congregación.

Por que non o probas este mes?

Ó rematar cada subtítulo ou capítulo, pídelle ó estudante que che resuma en poucas palabras o que aprendeu. Se non estudas a Biblia con ninguén, practica facendo resumos de pasaxes da Biblia ou de parágrafos de La Atalaya; deste xeito poderás mellorar a túa comprensión lectora.