AMCHEM KRISTI JIVIT
Amchea Trasancho Fuddo Korunk Jehova Amkam Modot Korta
Nimannea disamnim amcher zaite tras ietole. Ani thodde pavtti te tras amchean sosunkuch zainant oxem amkam disonk puro. Punn ami Jehova sangata amchi ixttagot ghott korit ravlear, amchean sosunk zainant toslea trasancho fuddo korunk Jehova amkam modot kortolo. (Iz. 43:2, 4) Punn trasanchea vellar ami Jehova sangata amchi ixttagot koxi ghott korunk zata?
Magnnem korat. Ami kallzantlean ani ukteponnim Jehova lagim magnnem kortat tednam Jehova amkam monachi xanti ani trasancho fuddo korunk ghottai dita.—Filp. 4:6, 7; 1Tes. 5:17.
Mittingek hajir zaiat. Bible-antli mahiti ani bhav-bhoinnanchea ixttagotichi, amkam poilim poros aiz chodd goroz asa. Ani hem Jehova amkam mittinge udexim dita. (Heb. 10:24, 25) Tor ami mittinge pasot toiari kortat, mittingek hajir zatat, ani mittingent bhag ghetat tednam Jehovache povitr xokte thaun melltta tea modoticho ami purnn toren faido gheunk pavtat.—Prok. 2:29.
Porgottnnent bhag gheiat. Porgottnnent bhag gheunk amchean zata tem soglem ami kortat tednam amchem dhean borea vostuncher dovrunk amkam sompem zatolem. Toxench, Jehova ani amchea bhav-bhoinnam sangata amchi ixttagot ghott zatoli.—1Kor. 3:5-10.
JEHOVA TUKA APNNAITOLO, HO VIDEO POLLOIAT ANI UPRANT HEA PROSNANCHE ZOBAB DIAT:
Tras aile tednam Jehovak lagim ravonk Malu-k koxi modot zali?
Malu bhaxen amcher tras ietat tednam Stotr 34:18-ntlean amkam bhuzvonn koxi mellonk xokta?
Malu-chea onubhovantlean, Jehova amkam trasanchea vellar ‘vorti podvi vo xokti’ dita mhunn amkam koxem kollon ieta?—2Kor. 4:7