Otʼteachar Zalʼlea Bailam Pasot Modot
“SONVSARBHOR lakʼkhamnim bailancher ani cheddvancher otʼteachear zata. Tumkam-i kednam oxem ghoddlam kai? Tumi surokxit aslolim Devak kiteak zai ani tea pasot to kitem kortolo tem zannam zaiat.”
JW.ORG-acher aslolo “Bailo Kednam Tori Surokxit Astoleo Kai?” hea lekhachi survat voir aslolea utramnim zata. Tea lekhachea xevottak ek link asa, jea vorvim tumi tea lekhacho PDF download korunk zata ani uprant to chhapun, char panamnim fold korunk zata. Amerikentli bhoinn Stacy sangta: “Hanvem ani sobhentle eke bhoinnin hem ttrektt chhaplem ani mhojea porgottnnechea vattarant aslolea eka ghorant gheun gelim zoim bailanchi kallji ghetat.”
Thoim kam kortolea eklean tea bailank diunk amchea lagim anikui kopi magleo. Tor don bhoinnamnim, thoim anikui 40 ttrekttam ani 30 jw.org karddam vhoron dilim. Uprant thoim ravtolea bailank Bible koso xikcho tem Sakxeamnim tankam dakhoilʼlem apleak zai mhunn manager-an amkam sanglem.
Osleach anik eka ghorant, Stacy ani don bhoinnamnim hea ttrekttacheo panch kopi dileo ani thoinchea bailamnim tanchea lagim anik kopi magleo. Thoim kam kortole eke bailen oxem sanglem, “Amkam hachi goroz asa, karonn hanga aslolea bailank hem ttrektt modot kortolem.” Amcheo bhoinno thoim porot gelea uprant, Bible obheas koso zata tem pollounk thoim zaitim zannam ektthaim zalʼlim ani sumanachea xevottak zata tea mittingek ieunk don bailo toiar zaleo.
Bhoinn Stacy sangta: “Lok hem ttrektt vachun kitlim khuxal zatat tem polloun ami ojap zatat. Otʼteachar zalʼlea bailank oxe toren Rajeachi bori khobor sangop ek bori vatt zaun asa. Karonn tem ttrektt vachlea uprant tim khuxal zatat tem polloun amchea kallzak sontos bhogta. Tor, oslea bailank Rajeachi bori khobor sangonk ami zo vavr korit asat tacher Jehovachem besanv asom mhunn ami magtat.”