Bible-antleo Ghoddnneo Dolleam Mukhar Haddat

Bible-antlea ghoddnnentlean ami mhotvachim lisanvam xikonk xoktat. Teo ghoddnneo amchea dolleam mukhar haddlolean, ami vachtat tem anik bore toren somzonk pavtolim ani amkam chodd faido zatolo. Tor hem ami koxem korunk zata?

• Vhoddlean vachat. Bible vhoddlean vachlolean tumi teo ghoddnneo anik bore toren dolleam mukhar haddunk pavtolim. Famili sangata Bible vachtana dor eka munxacho bhag tumi dor ekleak vachunk diunk zata. Oxem kelʼlean ti ghoddnni tumchea dolleam mukhar ghoddtta oxem distolem.

• Dolleam mukhar haddat. Tea ghoddnnent aslolea munxachi poristhiti vo taka koxem bhogta tem somzon gheiat. Zoxem, tumkanch vicharat: ‘To oso kiteak uloilo vo tannem oxem kiteak kelem? Tachea zagear hanv aslom zalear mhaka koxem distolem aslem vo hanv kitem kortolom aslom?’

• Chitr kaddat. Chitram kaddlolean ti ghoddnni anik bore toren tumchea dolleam mukhar haddunk ani ugddasak dovrunk tumkam modot zatoli. Oxem korunk tumkam khub borim chitram kaddunk ieunk zai mhunn goroz na.