ઉપાસનાની જગ્યા બાંધવાનો અને સમારકામ કરવાનો લહાવો

ઈસ્રાએલના મંદિરને બાંધવા માટે ખૂબ મહેનત અને ખર્ચ થવાનાં હતાં. છતાં, ઈસ્રાએલીઓએ પૂરા ઉત્સાહથી એ કામ માટે સાથ-સહકાર આપ્યો. (૧કા ૨૯:૨-૯; ૨કા ૬:૭, ૮) બાંધકામ પછી, તેઓએ મંદિરની જે રીતે સંભાળ લીધી એના પરથી દેખાઈ આવ્યું કે તેઓને યહોવા માટે પ્રેમ છે કે નહિ. (૨રા ૨૨:૩-૬; ૨કા ૨૮:૨૪; ૨૯:૩) આજે પણ રાજ્યગૃહ અને સંમેલનગૃહના સફાઈકામ, સમારકામ અને બાંધકામ માટે યહોવાના સેવકો પોતાનો સમય અને શક્તિ વાપરે છે. આ રીતે યહોવા સાથે કામ કરવું એક અજોડ લહાવો અને આપણી પવિત્ર સેવાનો ભાગ છે.—ગી ૧૨૭:૧; પ્રક ૭:૧૫.

આપણે આમ કરી શકીએ

• 

  દરેક સભા પછી પોતાની આસપાસની જગ્યાને સાફ અને વ્યવસ્થિત કરીએ. બની શકે તો, આસપાસનો કચરો કે વસ્તુઓ ઉપાડી લઈએ.

• 

  નિયમિત રીતે રાજ્યગૃહના સફાઈકામ અને સમારકામમાં ભાગ લઈએ. બધાના સાથથી કામ હળવું થશે અને એનાથી ખુશી મળશે.—lv ૧૦૭ ¶૧૮.

• 

  પ્રદાનો આપીએ. પૂરા દિલથી આપેલા ‘બે નાના સિક્કાથી’ પણ યહોવાને આનંદ થાય છે.—માર્ક ૧૨:૪૧-૪૪.

• 

  બની શકે તો, ઉપાસના માટેની જગ્યાના બાંધકામ અને સમારકામમાં રાજીખુશીથી સેવા આપીએ. એ માટે બાંધકામનો અનુભવ હોવો જરૂરી નથી.