૨૦૨૨: આફતોથી ભરેલું વર્ષ—બાઇબલ શું કહે છે?

વર્ષ ૨૦૨૨ દરમિયાન આપણે યુદ્ધો, આર્થિક સમસ્યાઓ અને કુદરતી આફતો વિશેના ઘણા સમાચાર સાંભળ્યા. આપણને એ બનાવો પાછળનું ખરું કારણ સમજવા ફક્ત બાઇબલ જ મદદ કરે છે.

૨૦૨૨ના બનાવો શું બતાવે છે?

આ વર્ષે જે બનાવો બન્યા, એનાથી બાઇબલની આ વાત સાબિત થાય છે કે આપણે “છેલ્લા દિવસોમાં” જીવી રહ્યા છીએ. (૨ તિમોથી ૩:૧) એ છેલ્લા દિવસોની શરૂઆત ૧૯૧૪થી થઈ. ધ્યાન આપો કે બાઇબલમાં જે બનાવો વિશે લખ્યું હતું, એ આપણા સમયમાં બની રહ્યા છે.

“યુદ્ધો.”—માથ્થી ૨૪:૬.

• “૨૦૨૨માં યુરોપે ફરીથી યુદ્ધની ભયંકર અસરો અનુભવી.”a

“દુકાળો.”—માથ્થી ૨૪:૭.

•  “૨૦૨૨: સખત ભૂખમરાનું વર્ષ.”b

“રોગચાળો.”—લૂક ૨૧:૧૧.

• “પોલિયોએ ફરીથી માથું ઉંચક્યું, મંકી પોક્સે દેખા દીધી અને કોવિડ-૧૯નો કહેર તો હજુ ચાલુ જ છે. એનાથી જોવા મળે છે કે આ ખતરનાક ચેપી રોગો સામે માણસો કેટલા લાચાર છે.”c

“ડરાવી નાખતા બનાવો.”—લૂક ૨૧:૧૧.

• “૨૦૨૨નાં ઉનાળામાં હવામાનમાં જે ફેરફારો થયા, એ કોઈ ભૂલી નહિ શકે. જેમ કે, કાળઝાળ ગરમી, દુકાળ, જંગલમાં લાગતી ભયાનક આગ અને પૂર. એના કારણે દુનિયાભરમાં ઘણું નુકસાન થયું, હજારો લોકોએ જીવ ગુમાવ્યો અને લાખો લોકોએ પોતાનું ઘરબાર છોડીને નાસી જવું પડ્યું.”d

“ઘોંઘાટ અને હુલ્લડો [અથવા “ઊથલ-પાથલ; બળવાઓ” ફૂટનોટ].”—લૂક ૨૧:૯.

• “૨૦૨૨માં ઘણા લોકો આર્થિક સમસ્યાના કારણે ગુસ્સે ભરાયા અને સરકારનો વિરોધ કર્યો, ખાસ કરીને વધતી જતી મોંઘવારીને લીધે.”e

આવતું વર્ષ કેવું હશે?

આપણામાંથી કોઈ નથી જાણતું કે ૨૦૨૩માં શું થશે. પણ આપણે એ જાણીએ છીએ કે ઈશ્વરનું રાજ્ય જલદી જ આવશે. એ રાજ્ય પૃથ્વી પર મોટા મોટા ફેરફારો લાવશે. (દાનિયેલ ૨:૪૪) એ રાજ્ય માણસની બધી જ તકલીફો દૂર કરશે અને પૃથ્વી પર ઈશ્વરની ઇચ્છા પૂરી કરશે.—માથ્થી ૬:૯, ૧૦.

અમે તમને ઈસુની આ સલાહ પાળવા અરજ કરીએ છીએ: “જાગતા રહો!” (માર્ક ૧૩:૩૭) એટલું જ નહિ, ધ્યાન આપો કે દુનિયાના બનાવો કઈ રીતે બાઇબલની ભવિષ્યવાણીઓ પૂરી કરે છે. બાઇબલ અત્યારે તમને અને તમારા કુટુંબને કઈ રીતે મદદ કરી શકે? ભવિષ્ય વિશે બાઇબલ કઈ આશા આપે છે? આ સવાલોના જવાબ જાણવા, અમારો સંપર્ક કરો.