ત્રણેય દિવસ યહોવાહના આશીર્વાદ પામીએ

૧. આ વર્ષના સંમેલનમાંથી કેવો લાભ થશે?

^૧ શેતાનની દુનિયા પાસે યહોવાહનું જ્ઞાન નથી. જ્યારે કે યહોવાહ પોતાના ભક્તોને તાજગીભર્યું જ્ઞાન આપે છે. (યશા. ૫૮:૧૧) એ જ્ઞાન પૂરું પાળવા યહોવાહે અનેક ગોઠવણો કરી છે, એમાંથી એક છે ડિસ્ટ્રીક્ટ સંમેલન. આ વર્ષનું સંમેલન નજીકમાં આવી રહ્યું છે. એમાંથી શીખવા અને તાજગી પામવા આપણે કેવી રીતે તૈયાર થઈ શકીએ?—નીતિ. ૨૧:૫

૨. સંમેલનમાં જવા આપણે કેવી તૈયારી કરવી જોઈએ?

^૨ જો તમે સંમેલનમાં જવાની તૈયારી ન કરી હોય, તો હમણાંથી જ કરો. એ માટે તમારાં રોજિંદા કામો અને નોકરી-ધંધામાં જરૂરી ગોઠવણ કરો. એમ કરવાથી તમે ત્રણેય દિવસ સંમેલનનો આનંદ માણી શકશો. શું તમને ખબર છે કે સંમેલનની જગ્યાએ પહોંચતા કેટલો સમય લાગશે, જેથી કાર્યક્રમ શરૂ થતાં પહેલા જગ્યા મળે? યહોવાહે તાજગી આપવા સંમેલનની મિજબાની ગોઠવી છે, એનો લાભ લેવાનું ચૂકીએ નહિ! (યશા. ૬૫:૧૩, ૧૪) સંમેલનમાં કેવી રીતે જશો અને ક્યાં રોકાશો, એની શું તમે ગોઠવણ કરી દીધી છે?

૩. કાર્યક્રમમાંથી પૂરો લાભ લેવા દરેકને કઈ સૂચનાઓ મદદ કરશે?

^૩ ચાલુ કાર્યક્રમમાંથી તમારું મન ભટકી ન જાય એ માટે શું કરશો? બની શકે તેમ દરરોજ રાત્રે પૂરતી ઊંઘ લો. પ્રવચન આપનારા ભાઈઓને ધ્યાનથી સાંભળો. કલમો જોવાનું કહેવામાં આવે ત્યારે તમારા બાઇબલમાં જુઓ. ટૂંકી નોંધ લો. કુટુંબ સાથે બેસવાથી મા-બાપ બાળકોને ધ્યાનથી સાંભળવા મદદ કરી શકશે. (નીતિ. ૨૯:૧૫) દરરોજ સાંજે એ કાર્યક્રમમાંથી શીખેલા મુદ્દાઓની કુટુંબ સાથે ચર્ચા કરો. એ જ રીતે કુટુંબ તરીકેની ભક્તિની સાંજે પણ સંમેલનમાંથી જે શીખ્યા એની ચર્ચા કરો. તેમ જ, એમાં કુટુંબને લાગુ પડતા મુદ્દાઓની ચર્ચા કરો, જેથી સંમેલન પછી પણ બધાને તાજગી મળતી રહે.

૪. મંડળના ભાઈ-બહેનોને તાજગી મળે માટે શું કરવું જોઈએ?

^૪ બીજાઓને તાજગી મેળવવા મદદ કરીએ: આપણે ચાહીએ છીએ કે સંમેલનથી બીજાઓને પણ તાજગી મળે. શું તમારા મંડળમાં કોઈ મોટી ઉંમરના કે બીજા કોઈ ભાઈ-બહેનો છે, જેઓને સંમેલનમાં જવા મદદની જરૂર છે? શું તમે તેઓને મદદ આપી શકો? (૧ યોહા. ૩:૧૭, ૧૮) એવા ભાઈ-બહેનો સંમેલનમાં આવી શકે માટે વડીલોએ અને ખાસ કરીને ગ્રૂપ ઓવરસિયરે જરૂરી મદદ આપવી જોઈએ.

૫. સંમેલનની પત્રિકા આપણે કેવી રીતે આપીશું? (પાન ૫ ઉપરનું બૉક્સ પણ જુઓ.)

^૫ અગાઉની જેમ આ વખતે પણ ત્રણ અઠવાડિયા પહેલાં લોકોને સંમેલનનું આમંત્રણ આપીશું. એટલે દરેક મંડળે ધ્યેય રાખવો જોઈએ કે પોતાના હિસ્સાની આમંત્રણ પત્રિકા લોકોને આપે અને પ્રચાર-વિસ્તાર આવરે. વિરોધ થવાની શક્યતા હોય એવા વિસ્તારમાં ઘર-માલિકને રસ હોય તો જ આમંત્રણ આપીએ. આ ઝુંબેશ પૂરી થાય પછી પણ પત્રિકા બાકી હોય તો સંમેલનમાં સાથે લઈ આવો. એ તમે મુસાફરી કરતાં કે બીજા સમયે તક મળે ત્યારે લોકો સાથે વાત કરીને આપી શકો. એના વિષે વધારે માહિતી શુક્રવારે સંમેલનમાં આપવામાં આવશે. તમારા કુટુંબને લાગતું હોય કે બધી જ પત્રિકા વાપરી નહિ શકાય તો વધેલી પત્રિકા સંમેલનમાં અટેન્ડન્ટને આપી દો. પણ કુટુંબના દરેક જણ માટે એક પત્રિકા જરૂર રાખજો, એની તમને રવિવારના છેલ્લા પ્રવચનમાં જરૂર પડશે.

૬. સંમેલનમાં કઈ રીતે સારું વર્તન બતાવી શકીએ?

^૬ સારાં વર્તનથી બીજાને ઉત્તેજન આપીએ: આજે લોકો પોતાનો જ ‘સ્વાર્થ’ જુએ છે. તેઓને બીજાની લાગણીની કંઈ પડી નથી. જ્યારે કે આપણા ભાઈ-બહેનોના સારા વર્તનથી આપણને કેટલું ઉત્તેજન મળે છે! (૨ તીમો. ૩:૨) સંમેલન રાખવામાં આવેલા હૉલના દરવાજા સવારે આઠ વાગ્યે ખોલવામાં આવે ત્યારે શાંતિથી જઈએ. આપણી સાથે એક ઘરમાં રહેતા હોય, કારમાં મુસાફરી કરતા હોય અથવા હાલમાં બાઇબલ અભ્યાસ કરતાં હોય તેઓ માટે જ જગ્યા રોકવી. દરેક કાર્યક્રમ શરૂ થાય એ પહેલાં ચૅરમૅન આપણને બેસી જવા અને સંગીત સાંભળવા ઉત્તેજન આપે ત્યારે એ પ્રમાણે કરીએ. મોબાઇલ ફોન કે પેજર હોય તો સાઇલેન્ટ પર મૂકીએ, જેથી ચાલુ કાર્યક્રમમાં ખલેલ ન પડે. તેમ જ, ગુસપુસ કરવાનું, એસ.એમ.એસ કરવાનું, ખાવાનું અને બિનજરૂરી બહાર આંટા મારવાનું ટાળવું જોઈએ. એમ કરવાથી આપણે સારું વર્તન બતાવીએ છીએ.

૭. સંમેલનમાં ભાઈ-બહેનોની સંગત માણીએ ત્યારે શું કરવાથી ઉત્તેજન મળશે?

^૭ ઉત્તેજન આપતી સંગત: સંમેલનમાં ભાઈ-બહેનોની સંગત માણવાની અને ઉત્તેજન પામવાની સુંદર તક રહેલી છે. (ગીત. ૧૩૩:૧-૩) કેમ નહિ કે તમે પણ “પ્રફુલ્લિત હૃદયવાળા” બનો. સંમેલનમાં બીજા મંડળમાંથી આવેલા ભાઈ-બહેનોને મળવાની પહેલ કરો. (૨ કોરીં. ૬:૧૩) સંમેલનમાં દરરોજ એક નવું કુટુંબ અથવા નવી વ્યક્તિ સાથે વાત કરવાનો તમે ધ્યેય રાખો. બપોરની રિસેસમાં એમ કરવાની સુંદર તક મળશે. રિસેસમાં જમવા માટે આસપાસની રેસ્ટોરંટ કે હોટલમાં જવાનું ટાળો. એના બદલે હળવો ખોરાક લેતા આવો અને જમતા જઈને ભાઈ-બહેનોની સંગતનો આનંદ માણો. એમ કરવાથી નવા દોસ્તો બનાવી શકશો, જે કાયમ તમને સાથ આપશે.

૮. સંમેલનમાં રાજી-ખુશીથી કેમ સેવા આપવી જોઈએ? એ માટે શું કરવું જોઈએ?

^૮ યહોવાહની ભક્તિમાં ભાઈ-બહેનો સાથે કામ કરવાથી પણ કેટલું ઉત્તેજન મળે છે! તમારા મંડળને સાફ-સૂફ કરવાની સોંપણી મળી હોય તો, શું તમે એમાં સાથ આપી શકો? અથવા બીજા કોઈ વિભાગમાં રાજી-ખુશીથી મદદ કરી શકો? (ગીત. ૧૧૦:૩) જો તમને કોઈ કામની સોંપણી ન મળી હોય તો સ્વયંસેવા વિભાગમાં તમારું નામ આપો. ઝાઝા હાથ રળિયામણા! તમારી મદદથી કામ સહેલું બનશે.

૯. સંમેલનના ત્રણેય દિવસ આપણા વાણી-વર્તન અને પહેરવેશ વિષે કેમ ખાસ ધ્યાન રાખવું જોઈએ?

^૯ આપણા વર્તનથી બીજાઓને ઉત્તેજન મળશે: આપણે કાર્યક્રમ ચાલતો હોય ત્યારે જ નહિ, પણ સંમેલનના ત્રણેય દિવસ યહોવાહના સાક્ષીઓ છીએ. સંમેલન રાખવામાં આવ્યું હોય એ શહેરના લોકો આપણામાં અને બીજા લોકો વચ્ચે ફરક પારખી શકવા જોઈએ. (૧ પીત. ૨:૧૨) આપણો પહેરવેશ યહોવાહને માન આપે એવો હોવો જોઈએ. પછી ભલે આપણે સંમેલનમાં, હોટલમાં કે રેસ્ટોરન્ટમાં હોઈએ. (૧ તીમો. ૨:૯, ૧૦) સંમેલનના ત્રણેય દિવસ લૅપલ કાર્ડ પહેરીશું તો લોકો પારખશે કે આપણે યહોવાહના સાક્ષીઓ છીએ. એનાથી તેઓને સંમેલન વિષે જણાવવાની તક મળશે.

૧૦. રેસ્ટોરન્ટ અને હોટલના સ્ટાફ પર આપણા સંમેલનની સારી અસર પડે માટે શું કરવું જોઈએ?

^૧૦ કઈ રીતે હૉટલ કે રેસ્ટોરન્ટના સ્ટાફને સાથ-સહકાર આપી શકીએ? આપણે જરૂર કરતાં વધારે હોટલના રૂમ બુક કરવા ન જોઈએ. એમ કરીશું તો બીજા ભાઈ-બહેનોને જોઈતા રૂમ નહિ મળે. તેમ જ એનાથી હોટલના માલિકોને ધંધામાં નુકશાન થઈ શકે. હોટલના રૂમની ચાવી લઈએ કે આપીએ ત્યારે સ્ટાફ કામમાં હોય તો ધીરજ બતાવવી જોઈએ. (કોલો. ૪:૬) રેસ્ટોરન્ટમાં જઈએ તો રિવાજ પ્રમાણે વેઇટરને ટીપ આપીએ. હોટલમાં રોકાયા હોઈએ તો રૂમ સાફ-સૂફ કરનારા, બેગ ઉપાડનારા કે બીજી જરૂરી સેવા પૂરી પાડનારાઓને પણ ટીપ આપીએ.

૧૧. સારા વર્તનથી કેવા પરિણામ આવે છે એના અનુભવો જણાવો.

^૧૧ સંમેલનમાં આપણા વાણી-વર્તનની લોકો પર કેવી અસર પડશે? એક છાપા પ્રમાણે જ્યાં આપણા સંમેલનો રાખવામાં આવ્યા હતા, ત્યાંના એક મેનેજરે કહ્યું: ‘યહોવાહના સાક્ષીઓ પ્રેમભાવથી વર્તે છે. અમે ચાહીએ છીએ કે તેઓ દર વર્ષે અહીં આવે.’ ગયા વર્ષે સંમેલનમાં ભાઈ-બહેનો જે હોટલમાં રોકાયા હતાં ત્યાં એક માણસનું પાકીટ ખોવાયું હતું. પછી પાકીટ મળી ગયું અને જેમ હતું તેમ મૅનેજરને સોંપવામાં આવ્યું. તેમણે એ પાકીટ એના માલિકને પાછું આપતા કહ્યું: ‘યહોવાહના સાક્ષીઓ તેઓના સંમેલન માટે આ હોટલમાં રોકાયા હતા. જો કોઈ બીજા લોકો હોત તો તમારું પાકીટ કદાચ મળ્યું ન હોત.’

૧૨. સંમેલન આવે છે તેમ આપણે કયો ધ્યેય રાખવો જોઈએ અને શા માટે?

^૧૨ આ વર્ષના સંમેલનો નજીકમાં જ આવી રહ્યા છે. સંમેલનો યોગ્ય જગ્યાએ રાખવા અને કાર્યક્રમો તૈયાર કરવામાં સખત મહેનત કરવામાં આવી છે. એટલે આપણે આ ધ્યેય બાંધવા જોઈએ: સંમેલનના ત્રણેય દિવસ જરૂર હાજર રહીએ. યહોવાહ તેમના સંગઠન વડે જે શીખવે એનો પૂરો લાભ લેવા તૈયાર રહીએ. પોતાના વાણી-વર્તન અને સંગતથી બીજાઓને ઉત્તેજન આપીએ. એવું કરીશું તો ગયા વર્ષના સંમેલનમાં આવનાર એક બહેનની જેમ આપણે અને બીજાઓ પણ અનુભવશે. તેમણે લખ્યું, “મને આવી મજા બીજે ક્યાંય આવી હોય એ યાદ નથી.”

[પાન ૪ પર ચિત્રનું મથાળું]

અગાઉની જેમ આ વખતે પણ ત્રણ અઠવાડિયા પહેલાં લોકોને સંમેલનનું આમંત્રણ આપીશું

[પાન ૫ પર ચિત્રનું મથાળું]

આમંત્રણ પત્રિકા કઈ રીતે આપીશું?

તમારા મંડળનો વિસ્તાર આવરી શકાય માટે ટૂંકી રજૂઆત રાખો. તમે આમ કહી શકો: “કેમ છો! એક ખાસ પ્રસંગ માટે અમે આખી દુનિયામાં લોકોને આમંત્રણ આપી રહ્યાં છીએ. આ આમંત્રણ તમારું છે. વધુ માહિતી તમને એમાં મળશે.” આ પત્રિકાનું આગળનું પાનું આકર્ષક છે. ઘર-માલિકને હાથમાં આપો જેથી તે જોઈ શકે. એમ કરવામાં ઉત્સાહી બનો. શનિ-રવિમાં પત્રિકા આપતી વખતે યોગ્ય હોય તો મૅગેઝિન પણ આપી શકો.

[પાન ૬ પર ચિત્રનું મથાળું]

આપણો પહેરવેશ યહોવાહને માન આપે એવો હોવો જોઈએ. પછી ભલે આપણે સંમેલનમાં, હોટલમાં કે રેસ્ટોરન્ટમાં હોઈએ

[પાન ૭ પર ચિત્રનું મથાળું]

પોતાના વાણી-વર્તન અને સંગતથી બીજાઓને ઉત્તેજન આપવાનો ધ્યેય બાંધીએ

[પાન ૪ પર ચિત્રનું મથાળું]

૨૦૧૧ના ડિસ્ટ્રીક્ટ સંમેલન માટેના સૂચનો

▪ કાર્યક્રમનો સમય: ત્રણેય દિવસ કાર્યક્રમ સવારે ૯:૨૦ મિનિટે શરૂ થશે. દરરોજ હૉલના દરવાજા સવારે ૮:૦૦ વાગ્યે ખુલશે. કાર્યક્રમ શરૂ થતા પહેલાં સંગીત વગાડવામાં આવશે. એ સમયે પોતાની જગ્યાએ બેસી જવું જોઈએ, જેથી કાર્યક્રમ સારી રીતે શરૂ થઈ શકે. શુક્રવારે અને શનિવારે કાર્યક્રમ સાંજે ૪:૫૫ મિનિટે પૂરો થશે. રવિવારે સાંજે ૩:૪૦ મિનિટે પૂરો થશે.

▪ પાર્કિંગ: સંમેલનના દરેક સ્થળે આપણે જ પાર્કિંગની દેખભાળ કરીએ છીએ. તેમ જ પાર્કિંગ ફ્રી છે. જેઓ ત્યાં વહેલા પહોંચશે, તેઓને જગ્યા મળશે. પાર્કિંગની જગ્યા મોટે ભાગે ઓછી પડતી હોય છે, એટલે કારમાં ફક્ત એક-બે વ્યક્તિ જ આવવાને બદલ કાર ફુલ હોય તો વધારે સારું.

▪ વધારે સીટો ન રોકો: તમારા કુટુંબીજનો અથવા તમારી જોડે આવતા હોય કે હાલમાં તમારી સાથે બાઇબલ અભ્યાસ કરતા હોય તેઓ માટે જ સીટ રોકી શકો.—૧ કોરીં. ૧૩:૫.

▪ બપોરનું ભોજન: દરેકને વિનંતી કરવામાં આવે છે કે બપોરે જમવા માટે પોતાની સાથે કંઈક લઈને આવે, જેથી બહાર જમવા જવું ન પડે. તમે નાની બેગમાં જમવાનું લઈ આવો જેથી એ ખુરસી નીચે સહેલાઈથી આવી શકે. મોટાં ટિફિન કે ડબ્બા અને કાચના વાસણો લાવવા ન જોઈએ. સંમેલનના આયોજકો તરફથી ખાવા-પીવાની કોઈ ગોઠવણ કરવામાં આવશે નહિ.

▪ દાનો: ડિસ્ટ્રીક્ટ સંમેલનની ગોઠવણ માટે કદર બતાવવા પોતાની મરજી પ્રમાણે તમે સંમેલન સ્થળે દાન આપી શકો. એ જગતવ્યાપી પ્રચાર કાર્ય માટે વાપરવામાં આવશે. દાન આપવા તમે ચૅક લખવાના હો તો “The Watch Tower Bible and Tract Society of India” ના નામે લખો.

▪ ઍક્સિડન્ટ અને ઇમર્જન્સી: જો સંમેલન સ્થળે કોઈને તાત્કાલિક સારવારની જરૂર પડે, તો કોઈ પણ નજીકના અટેન્ડન્ટને જણાવો. તે પ્રાથમિક સારવાર વિભાગના ભાઈઓને જાણ કરશે. તેઓ જરૂરી મદદ પૂરી પાડશે અને લાગે તો ઍમ્બ્યુલન્સ બોલાવશે. એનાથી તાત્કાલિક મદદ આપનારા ભાઈઓને વધારે પડતા ફોન કોલ લેવા નહિ પડે.

▪ દવા: તમે કોઈ દવા લેતા હોવ તો એ તમારી સાથે લઈ આવજો કેમ કે એ સંમેલન સ્થળે મળશે નહિ.

▪ બૂટ-ચંપલ: જોવા મળ્યું છે કે દર વર્ષે બૂટચંપલને લીધે કોઈને કોઈ અકસ્માત થાય છે. એટલે તમારા બૂટ-ચંપલ એવા ન રાખો કે ચાલવા કે ચઢવા-ઉતરવામાં તકલીફ પડે કે પડી જવાય.

▪ પરફ્યુમ: હમણાંથી અમુક સંમેલનો બંધ હૉલમાં રાખવામાં આવે છે. એમાં પંખા કે એ.સી.નો ઉપયોગ કરવો પડે છે. માટે આપણે તેજ પરફ્યુમ, અત્તર કે પછી ક્રીમનો ઓછા પ્રમાણમાં ઉપયોગ કરીએ તો સારું. એનાથી જેઓને શ્વાસની તકલીફ હોય કે એની ઍલર્જી હોય તેઓને ઓછી તકલીફ પડશે.—૧ કોરીં. ૧૦:૨૪.

▪ પ્લીઝ ફૉલો-અપ (S-43) ફૉર્મ: સંમેલન પહેલાં કે પછી કોઈ પણ તકે પ્રચાર કરતા તમને કોઈ રસ ધરાવતી વ્યક્તિ મળે તો પ્લીઝ ફૉલો અપ (S-43) ફૉર્મનો ઉપયોગ કરો. પ્રકાશકે ઘરેથી એક-બે ફૉર્મ લાવવા જોઈએ. ફૉર્મ ભરીને સાહિત્ય વિભાગના ભાઈઓને અથવા તમારા મંડળના સેક્રેટરીને આપો.—નવેમ્બર ૨૦૦૯ની આપણી રાજ્ય સેવાનાં પાન ૪ પર જુઓ.

▪ રેસ્ટોરન્ટમાં: જમવા માટેની જગ્યાએ યહોવાહને મહિમા મળે એવા વાણી-વર્તન રાખો. રિવાજ હોય એ મુજબ વેઇટરને ટીપ આપો.

▪ હોટલમાં:

(૧) તમારી જરૂરિયાત પ્રમાણે રૂમ બુક કરો. એમાં રહી શકે એનાથી વધારે લોકોને રાખશો નહિ.

(૨) રૂમ બુક કર્યા પછી કેન્સલ કરવો હોય તો, હોટલને અગાઉથી જણાવો.—માથ. ૫:૩૭.

(૩) અમુક હોટલમાં સામાન રૂમ પર લઈ જવા માટે ટ્રૉલી હોય છે. કાઉન્ટર પરથી ટ્રૉલીમાં તમારો સામાન રૂમમાં લઈ જવો હોય, ત્યારે જ એનો ઉપયોગ કરજો. અને પાછી એને કાઉન્ટર પર મૂકી આવો, જેથી બીજા પણ એનો ઉપયોગ કરી શકે.

(૪) રૂમમાં રસોઈ બનાવવાની મનાઈ હોય તો એમ કરશો નહિ.

(૫) રિવાજ પ્રમાણે રૂમની સાફ-સફાઈ કરનાર સ્ટાફ માટે રોજ ટીપ રાખો.

(૬) અમુક હોટલના માલિકો, પોતાના ગેસ્ટને ખુશ રાખવા મફત નાસ્તો, ચા, કૉફી અને બરફની વ્યવસ્થા કરતા હોય છે. એનો ખોટી રીતે ફાયદો ન ઉઠાવો.

(૭) હોટલના સ્ટાફે ઘણા લોકોની સંભાળ રાખવાની હોય છે, તેથી દરેક સમયે સારા ગુણો બતાવો. જેમ કે માયાળુ બનો, ધીરજ રાખો અને સમજી-વિચારીને વર્તો.

(૮) મંડળોને મોકલેલા હોટલના લિસ્ટમાં આપેલા રૂમના ભાવ એ પૂરા દિવસ માટે છે. એમાં ટૅક્સનો સમાવેશ થતો નથી. તમે મંગાવી કે વાપરી ન હોય એવી વસ્તુને લઈને તમને બીલમાં વધારે ચાર્જ કર્યો હોય તો એ સ્વીકારશો નહિ. રૂમીંગ ડિપાર્ટમેન્ટને એના વિષે શક્ય એટલા જલદી જણાવો.

(૯) હોટલના રૂમને લઈને તમને કોઈ મુશ્કેલી હોય તો સંમેલન સ્થળે રૂમીંગ ડિપાર્ટમેન્ટને એ વિષે જણાવો, જેથી તેઓ જરૂરી મદદ પૂરી પાડે.

(૧૦) જો તમે ડેબિટ કે ક્રૅડિટ કાર્ડથી હોટલનો રૂમ બુક કરવાના હો, તો આ બાબત ધ્યાનમાં રાખો: ઘણી હોટલમાં રૂમ બુક કરતી વખતે ભાડા સાથે અમુક વધારાની રકમ કાપી લેવામાં આવે છે. એટલા માટે કે તમારા રહેવા દરમિયાન જે કાંઈ વધારાનો ખર્ચ થયો હોય કે પછી કોઈ નુકસાન થયું હોય તો, એ રકમમાંથી વસૂલ કરી શકે. હોટલ છોડ્યા પછી, હિસાબ ચૂકતે થયા બાદ તમને બાકીની રકમ પાછી મળશે. એ માટે અમુક દિવસો પણ લાગી શકે.

▪ વૉલન્ટિયર: સંમેલનમાં હાજર રહીને જે ખુશી મળે છે, એ વધશે જો આપણે વૉલન્ટિયર તરીકે કામ કરીશું. (પ્રે.કૃ. ૨૦:૩૫) જો તમે સહાય કરી શકો તો, સંમેલનના વૉલન્ટિયર સર્વિસ વિભાગને જણાવો. ૧૬ વર્ષથી નાના બાળકો પણ માબાપ કે અન્ય જવાબદાર વ્યક્તિની દેખરેખ હેઠળ કામ કરી શકે.