દુઃખ જશે, સુખ આવશે સાહિત્યનો સેવાકાર્યમાં ઉપયોગ કરીએ

બાઇબલ અભ્યાસ ચલાવવા નવું સાહિત્ય મેળવીને આપણે કેટલા ખુશ છીએ! આની મદદથી ઘણા લોકો શિષ્યો બને એવી યહોવાને પ્રાર્થના કરીએ. (માથ ૨૮:૧૮-૨૦; ૧કો ૩:૬-૯) આ નવું સાહિત્ય કઈ રીતે વાપરીશું?

આ સાહિત્યને એ રીતે તૈયાર કરવામાં આવ્યું છે કે વિદ્યાર્થી સાથે સારી રીતે ચર્ચા કરી શકાય. એમાંથી તૈયારી કરતી વખતે અને બાઇબલ અભ્યાસ ચલાવતી વખતે આ મુદ્દા ધ્યાનમાં રાખો.a

• પાઠ વાંચો અને સવાલો પર ચર્ચા કરો

• જે કલમો વાંચવા જણાવી હોય એ વાંચો, વિદ્યાર્થીને એ કલમો સમજવા અને જીવનમાં લાગુ પાડવા મદદ કરો

• વીડિયો બતાવો અને આપેલા સવાલો પર ચર્ચા કરો

• અભ્યાસ ચલાવો ત્યારે, એક જ વારમાં આખો પાઠ પૂરો કરવાનો પ્રયત્ન કરો

કોઈને સેવાકાર્યમાં મળો તો પહેલા તેને દુઃખ જશે, સુખ આવશે ચોપડી આપો. તેને રસ છે કે નહિ એ પારખવાનો પ્રયત્ન કરો. (“પહેલી મુલાકાતમાં દુઃખ જશે, સુખ આવશે ચોપડી કઈ રીતે આપવી” એ બૉક્સ જુઓ.) જો આ ચોપડીમાંથી અભ્યાસ પૂરો થઈ જાય અને વિદ્યાર્થીને શીખવાની ધગશ હોય, તો તેને પુસ્તક આપો અને ચોથા પાઠથી અભ્યાસ શરૂ કરો. જો વિદ્યાર્થી સાથે બીજા કોઈ સાહિત્યમાંથી અભ્યાસ ચાલતો હોય, તો એ બંધ કરીને આ નવા સાહિત્યમાંથી અભ્યાસ શરૂ કરો. તમે નક્કી કરી શકો કે કયા પાઠથી અભ્યાસ ચાલુ રાખશો.

ચાલો, ઈશ્વર પાસેથી શીખીએ વીડિયો જુઓ અને પછી આ સવાલોના જવાબ આપો:

• નવા પુસ્તકમાંથી વિદ્યાર્થીને શું શીખવા મળશે?

• નવા વિદ્યાર્થીઓને આ વીડિયો કેમ બતાવવો જોઈએ?

• તમે કઈ રીતે વિદ્યાર્થીને પગલાં ભરવાં મદદ કરી શકો?—પાન ૧૬ પર આ બૉક્સ જુઓ: “દરેક ભાગમાં કઈ માહિતી હશે?”