યુદ્ધ અને લડાઈઓમાં પણ શાંતિ મેળવવી શક્ય છે

કઈ રીતે મદદ મળી?: “આ કલમથી મને ખાતરી મળે છે કે યહોવા દયાળુ છે. હું જાણું છું કે અગાઉ યુદ્ધમાં ભાગ લીધો ત્યારે મેં જે કર્યું હતું, એ બધા માટે તે મને માફ કરવા તૈયાર છે.”—વીલ્મર, કોલંબિયા.

કઈ રીતે મદદ મળી?: “હું સેનામાં હતી એ વખતના ખરાબ બનાવોને લીધે મને પોસ્ટ ટ્રોમેટિક સ્ટ્રેસ ડિસઓર્ડર અને ડિપ્રેશન નામની બીમારી થઈ છે. એના લીધે ઘણી વાર મને ગભરામણ થાય છે, હું ચિંતામાં ડૂબી જાઉં છું અને રાતે ખરાબ ખરાબ સપનાં આવે છે. પણ યશાયાની આ કલમ મને યાદ અપાવે છે કે યહોવા જલદી જ મારા મનમાંથી બેચેન કરતા વિચારો અને ખરાબ યાદો કાયમ માટે ભૂંસી નાખશે. એ ખરાબ બનાવોથી હું ફરી ક્યારેય પરેશાન નહિ થાઉં. એ સમયની હું આતુરતાથી રાહ જોવું છું.”—ઝાફીરા, યુનાઈટેડ સ્ટેટ્‌સ.

કઈ રીતે મદદ મળી?: “હું ઘણી વાર કલમના એ શબ્દોનો વિચાર કરું છું. જલદી જ યુદ્ધ અને એના લીધે થતી ખરાબ અસરોનો અંત આવશે. આપણે સગાં-વહાલાંની સલામતીની ચિંતા નહિ કરવી પડે.”—ઓલેક્સાન્ડ્રા, યુક્રેઇન.

કઈ રીતે મદદ મળી?: “તુત્સી જાતિના બધા લોકોને મારી નાખવાની કોશિશ કરવામાં આવી ત્યારે, મેં કુટુંબના મોટા ભાગના સભ્યોને મરણમાં ગુમાવ્યા હતા. પણ યશાયાની આ કલમથી મને ખાતરી મળી કે હું તેઓને ફરીથી મળીશ. તેઓ મરણમાંથી જીવતા થશે ત્યારે, તેઓના હસતા ચહેરા જોવા હું આતુર છું.”—મેરી, રુવાન્ડા.

કઈ રીતે મદદ મળી?: “ભલે યુદ્ધનો અંત આવ્યો હોય, અન્યાય અને ખરાબ લોકો તો હજુ પણ છે. ગીતશાસ્ત્રની આ કલમોથી મને ઘણી મદદ મળી છે. હું જાણી શક્યો કે યહોવા બધું જ જુએ છે અને મારા સંજોગો સારી રીતે સમજે છે. તેમણે વચન આપ્યું છે કે તે જલદી જ આ મુશ્કેલીઓનો અંત લાવશે અને આપણી યાદોમાંથી પણ એને કાઢી નાખશે.”—દલેર, તાજિકિસ્તાન.