ચિત્રોમાંથી શીખો

આપણાં સાહિત્યમાં ઘણાં ચિત્રો હોય છે. એનાથી આપણને મહત્ત્વના મુદ્દા શીખવા મળે છે. ચિત્રોમાંથી શીખવા તમે શું કરી શકો?

• લેખ વાંચતા પહેલાં એમાં આપેલાં ચિત્રો જુઓ. ચિત્રો જોઈને કદાચ તમારી જિજ્ઞાસા વધે અને તમને લેખ વાંચવાનું મન થાય. એ તો એના જેવું છે કે જાણે એક સ્વાદિષ્ટ વાનગી જોઈને તમને એ ખાવાની તાલાવેલી થાય. એટલે પોતાને પૂછો: ‘ચિત્રોમાં મને શું દેખાય છે?’—આમો. ૭:૭, ૮.

• લેખ વાંચો તેમ વિચારો કે કેમ એ ચિત્ર પસંદ કરવામાં આવ્યું છે. ચિત્રની નીચે આપેલી માહિતી વાંચો. જો ચિત્રની સમજ આપેલી હોય તો એ પણ વાંચો. વિચારો કે ચિત્ર કઈ રીતે ફકરા કે લેખ સાથે જોડાયેલું છે અને તમે કઈ રીતે એમાંથી શીખેલી વાત લાગુ પાડી શકો.

• મુખ્ય મુદ્દા યાદ કરવા, લેખ વાંચ્યા પછી ફરીથી ચિત્રો જુઓ. પછી આંખો બંધ કરો અને વિચારો કે લેખમાં કયાં ચિત્રો છે અને એમાંથી શું શીખવા મળે છે.

• અજમાવી જુઓ: આ અંકમાં આપેલાં ચિત્રો પર ફરીથી નજર કરો અને જુઓ કે તમને શીખેલી વાતો યાદ છે કે નહિ.