Wekirajaainjatka anain sünain tü outkajawaakat Wakuwaʼipa otta Waʼyataain nümüin Maleiwa
© 2025 Watch Tower Bible and Tract Society of Pennsylvania
SETTIENPÜROʼU 1-7
KOROLO KOJUTUSÜ SULUʼUKA TÜ BIBLIAKAT PROVERBIOS 29
Wayouta sukuwaʼipapala wayuu mojukat saashin tü Bibliakat
Talatüinjatü waaʼin süka waʼyataain nümüin Maleiwa
Wanee kasa talateetka maʼin atuma waaʼin shia waaʼinrüle tü anakat noʼuluʼu Jeʼwaa (Sal. 35:27; 112:1). Nukumajala waya süpüla waaʼinrüin tia, anuujeseʼe sünüiki tü Wiwüliakat: «Mmoluwaa pia neema chi Maleiwa shiimainshikai otta paaʼinra tü nuluwataakalü anain pia. Süka jamüin, shiainjatüin naaʼinrüin wanee wayuu tia» (Ecl. 12:13, TNM). Sutuma nukumajüin waya Maleiwa süpüla waaʼinrüin tü keeʼireekat naaʼin, talatüsü maʼin waaʼin waʼyataale nümüin.
Tü alatakat nümüin wanee wayuu outapa nia
13 Nnojorüle watüjaain saaʼu mojuin noʼuluʼu Jeʼwaa wanee kasa aaʼinnaka nikiira müliashii, wachunta kaalinwaa nümüin Jeʼwaa süpüla watüjaain saaʼu anale jee mojule shia (paashajeʼera Santiago 1:5). Wekirajaa süchiki tia suluʼu tü karaloʼutairua eekat wamaʼana. Nnojorüle wayaawatüin saaʼu, wasakira na laülaashiikana suluʼu tü outkajaaleekat. Nnojoleerü naküjain wamüin tü waaʼinrüinjatkat, shia naküjeetka tü sümakat tü Wiwüliakat süpüla waneeküin tü waaʼinrüinjatkat. Müle shia watuma, wayaawateerü aaʼu tü kasa anakat süpüla waaʼinrüin jee tü kasa mojukat (Heb. 5:14).
«Oʼuneechi taya süchiirua tü shiimainkat»
12 Sukuwaʼipa wayuu niyoutaka Maleiwa. Eeshiijaʼa wounejaanüle sünain wanee miʼiraa natuma na wapüshikana jee natuma na waʼaleewainyuukana. ¿Kasa akaalinjeenaka waya süpüla nnojoluin woʼunüin sünain wanee miʼiraa niyoutaka Jeʼwaa? Soteesü maʼin waaʼin jamüin niyoutaka Jeʼwaa wanee miʼiraa otta anasü waashajeʼerüle tü karaloʼutairua eekat wamaʼana aashajaaka süchiki jamakuwaʼipalüin shia. Jülüjeesü waaʼin tü pütchi sümakat tü Wiwüliakat süchiki jamüin nnojoliika waya sünainpünaain tü miʼiraa niyoutakat Jeʼwaa. Müle shia watuma, watüjaajeerü aaʼu suluʼuin waya tü wopu anakat nümüin Maleiwa (Éf. 5:10). Weʼitaale maʼin waaʼin nünain Jeʼwaa jee sünain tü nümakat wamüin, nnojoleena waya mmoluwaain seema jameerüin nanüiki na waneinnua wachiki (Prov. 29:25).
Püchajaa süchiki kaaʼürüi suluʼu tü Bibliakat
w22.02 15 put. 8
¿Anasüche saaʼin wayuu sutuma tü pümakat namüin?
8 Na laülaashiikana nnojoishii nachiaamaatüinjachin wanee wawala. Anasü nasakireʼerüle naaʼin palajana sünain pütchikat tüü: «¿Choʼujaasüche maʼin taküjain tia nümüin? ¿Pansaasüche maʼin tamüin mojuin tü naaʼinrakat? ¿Mojusüche tü naaʼinrakat saashin tü Bibliakat? ¿Naaʼinrataapa wanee kasa nnojotka taaʼinreein amüin?». Wanee laülaashi eekai kekiin maʼin niyaawata aaʼu nünüiki (Prov. 29:20). Nnojorüle nütüjaain maʼin saaʼu wanee laülaashi choʼujaale nüchiaanüin wanee wawala, eeshi süpüla nüsakirüin wane laülaashi süchiirua tia natüjaaiwa saaʼu tü sümakat tü Bibliakat (2 Tim. 3:16, 17).
SETTIENPÜROʼU 8-14
KOROLO KOJUTUSÜ SULUʼUKA TÜ BIBLIAKAT PROVERBIOS 30
«Nnojo maʼletsein taya putuma jee nnojo washirüin taya putuma»
¿Jarat tü akuwaʼipaa talateetkat maʼin atuma waaʼin?
10 Shiimain choʼujaain tü nneetkat wamüin, süka jamüin, eein süpüla wayaʼlajüin wanee kasa süka (Ecl. 7:12). ¿Talateenache waya shiale neʼe eein wamaʼana tü kasa choʼujaakat wamüin? Jamüsaʼa (paashajeʼera Eclesiastés 5:12). Anuu nünüiki Agur nüchon Jaqué: «Nnojo maʼletsein taya putuma jee nnojo washirüin taya putuma. Shia neʼe paapa tamüin tü teküinjatkat». ¿Jamüsü niyoutaka chia wayuukai tü maʼletseekat? Suuliajachi nuʼluwajüin. Jamüshijaʼa nuʼluwajüle, mojuteechi Maleiwa sutuma wayuu. ¿Jamaka niyoutaka washirüü? Anuu nünüiki: «Suulia wainmajüin kasa tamaʼana otta suulia tounjulajüin püchiki sünain maa: ‹¿Jaraikai chi Jeʼwaakai?›» (Prov. 30:8, 9, TNM). Eesüjaʼa piʼraajüle wayuu eʼitaaka saaʼin sünain suwashirüin nuulialeʼeya Maleiwa.
11 Sülanaʼaleere sujutü tü nneetkat nümüin wanee wayuu, nnojoleechi talatüin Maleiwa nümaa. Anuu nünüiki Jesuu: «Maa aka kojutaʼatüle piamashii laama nütüma chi aʼyataaikai sünain alin nüpüla wane je sünain maalin nüpüla chi waneʼe, meechi aka Maleiwa jütüma müleka shiale kachiiruain jaaʼin tü washirüükat nuulialeʼeya». Anuu nünüiki Jesuu süpülapünaa tia: «Anakaja müleka nnojorule jünaajaain kasa anasü yaa mmaluʼu eere sheʼe mma ajaʼttirüinjatkat shia je eere suʼluwajünüin. Müleka jaaʼinrüle tü anasükat sümüin wayuu, naapeerü jümüin Maleiwa tü kasa anasü matüjainkat keʼewaa, matüjainkat ajaʼttaa, matüjainkat aʼluwajünaa, süka nümaʼanain shia Maleiwa chaa iipünaa» (Mat. 6:19, 20, 24).
12 Wainma aʼyataalii nümüin Jeʼwaa nnojoliika kachiiruain aaʼin wainma kasa. Naaʼinrüin tia süpüla talatüin naaʼin otta kooʼomüin naʼyataain nümüin Jeʼwaa. Müsü nukuwaʼipa Jack, wanee wawala kepiashi chaa Estados Unidos. Eejatü nümaʼana wanee piichi miyoʼu otta oikaashi nia. Nuikaka tia süpüla pürekutsoolin nia sümaa tü nuʼwayuusekat. Anuu nünüiki: «Kapüleesü wamüin woiküin wepia otta wanee mma eejatka wamaʼana. Tatüjaa aaʼu shapaapuʼuin taaʼin sutuma tü alatakat tamüin sünain taʼyataain. Eekajasaʼa tü taʼwayuusekat talatüsü maʼin saaʼin sutuma pürekutsoolüin shia. ‹Anashaatashi chi talaamainkai› mapuʼusü shia tamüin. Maaʼulu yaa, pürekutsoolüichipa taya otta aʼyataashii waya piamaleʼeya nümüin waneeshia laama, Jeʼwaa».
«¿Alanaʼaleesü taalin püpüla suulialeʼeya tüüirua?»
15 Maaʼulu yaa, wainma wayuu keeʼireekana aaʼin ayaʼlajaa tü kuluulu jeketkat ojuʼitüin, serulaat, computador jee waneeirua kasa. Shia kachiiruaka naaʼin kamaʼanaa wainma korolo otta washirüin naya. Anashii wasakirüle waaʼin wayakana anoujashiikana kasain wayuu tü alanaʼaleekat ojutü wamüin. Wasakireʼera waaʼin sünain tüü: «¿Shiache jülüjaka taaʼin waneepia ayaʼlajaa kemion jeketka ojuʼitüin jee tü kuluulu jeketkat ojuʼitüin suulialeʼeya tekirajaain sünain tü outkajawaakat? ¿Nnojoishiche taya oʼuraajüin maʼin otta nnojotsüche taashajeʼerüin maʼin tü Wiwüliakat sutuma wainmain kasa taaʼinraka?». Nnojorüle eejüin waaʼin, shieerü jülüjaka waaʼin kamaʼanaa wainma korolo otta maalinjeechi Kürisüto wapüla. Soto waaʼin tü nümakat Jesuu, müshi nia: «Jalia jia suulia kachiiruaa aaʼin tü washirüükat» (Luc. 12:15). ¿Jamüsü maka nünüiki Jesuu?
16 Anuu sooʼomüin nünüiki Jesuu: «Maa aka kojutaʼatüle piamashii laama nütüma chi aʼyataaikai sünain alin nüpüla wane je sünain maalin nüpüla chi waneʼe, meechi aka Maleiwa jütüma müleka shiale kachiiruain jaaʼin tü washirüükat nuulialeʼeya» (Mat. 6:24). Nnojoishi süpüla waʼwaajüinjachin Jeʼwaa sümaa kachiiruain waaʼin tü washirüükat. Sutuma waleʼeruʼuin tü kaainjalaakat, ayatüinjana waya eejiraain sümaa tü kasa suchuntaakat weʼiruku, maʼaka saaʼin keeʼirewaa aaʼin kamaʼanaa wainma korolo (Éf. 2:3, TNM).
17 Watta naalii wayuu naaʼinmaaka maaʼin tü suchuntaakat naaʼin, müsüjeseʼe shiain alanaʼaleein ojutü namüin kamaʼanaa wainma korolo (paashajeʼera 1 Corinto 2:14). Sutuma tia, isasü nachiki nayaawatüin saaʼu tü anasükat süpüla naaʼinrüinjatüin shia jee sünain tü mojusükat süpüla nayouktüinjatüin shia (Heb. 5:11-14). Eesüjaʼa suchuntaale maʼin naaʼin kamaʼanaa wainma korolo, jaʼitairü wainmain shia namaʼana, suchuntaain naaʼin sooʼomüin (Ecl. 5:10). Nnojoleerü jülüjain waaʼin kamaʼanaa wainma korolo waashajeʼerüle tü Wiwüliakat waneepia. Katsüinjeena waya sutuma süpüla eejiraain waya sümaa tia suchuntaakat waaʼin (1 Ped. 2:2). Jülüjasü naaʼin Jesuu waneepia tü nünüikikat Jeʼwaa, müshijeseʼe nüchecherüin naaʼin soʼu nuuʼulakünüin aaʼin nutuma chi Yolujaakai (Mat. 4:8-10). Süpüla nnojoluinjatüin kachiiruain waaʼin tü washirüükat, waaʼinrüinjatü tü nümakat Jeʼwaa wamüin. Waaʼinrüle tia, weeʼiyateerü nümüin Jesuu sünain alin maʼin nia wapüla suulialeʼeya kamaʼanaa wainma korolo.
w11-S 1/6 10 püt. 3
Cómo vivir dentro de sus posibilidades
Ahorre primero, compre después. Aunque este consejo parezca anticuado, es una de las fórmulas más sabias para evitar el endeudamiento. Además, lo ayudará a librarse de otras cargas, como los altos tipos de interés, que lo único que hacen es elevar el costo de lo adquirido. La Biblia pone como ejemplo a las hormigas y dice que son sabias porque guardan “alimento aun en la siega” en previsión para el futuro (Proverbios 6:6-8; 30:24, 25).
Ayataʼaya waya suluʼuin nipia Jehová
18 Wasakira waaʼin sünain tüü süpüla watüjaain saaʼu tü jülüjakat waaʼin süchiki nneerü: «¿Jülüjasüche taaʼin waneepia kamaʼanaa wainma nneerü? Kanneetsere taya, ¿jülüjasüche taaʼin waneepia tayaʼlajüin tü kasa keeʼireekat taaʼin? Taʼanapirüle nneerü, ¿kakaliasüche süpüla tawalaajüin shia? ¿Jülüjasüche taaʼin nnojoluin choʼujaain shia nümüin chi wayuu aʼanapajirakai taya? ¿Jülüjasüche taaʼin alanaʼaleein takuwaʼipa sutuma wainmain nneerü tamaʼana? ¿Kapüleesüche tamüin tasülajüinjachin? ¿Tayoujainche na wawalayuukana sünainjee washirüin naya? ¿Nayache neʼe taʼaleewajaaka amaa na wayuu washinnuukana noulialeʼeya na wayuu maʼletsesaliikana?». Kojuta wamüin süka suluʼuin waya nipia Jehová. Eejüle waaʼin suulia kachiiruain waaʼin washirüü ayateena waya suluʼuin nipia Jehová. Waaʼinrüle tia nnojoleena nüpütüin waya Jehová wamüiwaʼa (paashajeʼera Hebreokana 13:5).
Püchajaa süchiki kaaʼürüi suluʼu tü Bibliakat
¿Jamüsü joutka maʼin müliaa?
19 Nuuʼulaain Jeʼwaa waneeküin süka waaʼin wamüiwaʼa tü waaʼinrajatkat. Naata wakuwaʼipa suulia tü mürütkalüirua, aletüjülia sukumajia tü mürütkalüirua süpüla saaʼinrüinjatüin wanee kasa, nnojotsü sütüjaain aaʼu mojule jee anale wanee kasa (Proverbios 30:24-28). Naatapejeʼe wakumajia waya wayuukana, eeshii süpüla waneeküin tü waaʼinrajatkat otta waʼyataainjanale nümüin Jeʼwaa. Nnojoishii müin aka waya wanee maakina saainjaka neʼe tü akumajünakalü apüla shia. Eeshii süpüla waneeküin jamüinjatüin wakuwaʼipa otta jaraliinjanain na waʼaleewainkana. Shia keeʼireeka naaʼin Jeʼwaa talatüinjatüin waaʼin.
20 Keeʼireesü naaʼin Jeʼwaa alinjachin nia wapüla (Mateo 22:37, 38). Jeʼwaa müshi aka naaʼin wanee wayuu eekai kachooin. Jamüshijaʼa wanee wayuu eekai kachooin talatüsü naaʼin nümaa chi nüchonkai müleka «aishi pia tapüla» nümüle nümüin süka naaʼin nümüiwaʼa. Nuuʼulaain Jeʼwaa süpüla waneeküin süka waaʼin wamüiwaʼa waʼyataainjanale nümüin. Watüjaa aaʼu mojuin maʼin tü kasa nüneekakat Satanaa otta Adán sümaa Eva. ¿Kasa püneeküinjatka süka paaʼin pümüiwaʼa?
SETTIENPÜROʼU 15-21
KOROLO KOJUTUSÜ SULUʼUKA TÜ BIBLIAKAT PROVERBIOS 31
Tü watüjakat sünainjee anain sutuma wanee wayuu sukuwaʼipa nikirajia süchon
Kasa eekai anain suulia kasa eekai mojuin: Jalouisü wamüin tü sümakat tü Bibliakat
TÜ SÜMAKAT TÜ BIBLIAKAT: «Wuleinjatüin jukuwaʼipa jee nnojoliinjanain jia aʼluwajiraain jukuwaʼipa. Achecherüinjana jia jaaʼin waneʼewai jukua süpüla wuleinjatüin jukuwaʼipa jee anainjatüin shia noʼuluʼu Maleiwa. Nnojo jüshatüin nakuwaʼipapala na wayuu nnojoliikana eʼraajüin Maleiwa, jama shiain suchuntaain maʼin naaʼin kakuwaʼipain naya sümaa wanee jierü jee wanee jierü nümaa wanee toolo otta ayatataasia neʼe keeʼireein naaʼin tia» (1 Tesalónica 4:3-5).
JAMALUʼULU TIA: Ashajünüsü suluʼu tü Bibliakat süchiki tü aʼluwajirawaakalü akuwaʼipaa, shia tü naainjakat wanee wayuu eekai kawalaʼatain atuma nuʼwayuuse otta tü saainjakat wayuu eekai maaʼin, eeshii na aʼluwajiraakana nakuwaʼipa sümaa nnojoluin kasaalüin naya, eeshii na jaleetshiikana jee na aainjiraakana nakuwaʼipa sümaa mürüt (1 Corinto 6:9, 10). Saashin tü Bibliakat kasaalüinjachi palajana wanee wayuu toolo sümaa wanee wayuu jierü süpüla naainjiraain nakuwaʼipa, shia nüchekaka Maleiwa tia (Proverbios 5:18, 19).
JALOUISÜ TÜ SÜMAKAT TÜ BIBLIAKAT: Anuu sünüiki wanee wayuu Kylie sünülia, chejeʼewat Australia: «Jülüjapuʼusü taaʼin aneerüin taaʼin jee talateerüin taaʼin taʼluwajiraale takuwaʼipa, nnojotpejeʼe müin tia, mojusü neʼe taaʼin».
Ekirajaasü mapa Kylie sünain tü Bibliakat otta soonoo amaa tü sümakat tü Bibliakat süchiki tü aainjirawaakalü akuwaʼipaa. Müsü shia: «Ashajünüsü suluʼu tü Bibliakat tü nuluwataakalü anain Maleiwa süpüla anainjatüin wakuwaʼipa otta suulia weʼrüinjanain wamüliala. Talatüsü taaʼin jee kojutusü taya atumawaa maaʼulu süka taaʼinrüin tü nüchekakat Jehová».
Pütüjeere sooʼomüin süchiki tia, paashajeʼera suluʼu jw.org tü pütchikat «¿Kasa naaʼinrajatka wanee wayuu saashin tü Bibliakat kepiajiraale nia sümaa wanee wayuu sümaa nnojoliin kasaalüin naya?».
Chi Kakumalakai waya nükaalinjain waya süpüla wayaawatüin saaʼu kasain anain jee kasain mojuin. Eejeerü kaʼi kapüleejeetka oʼu wamüin waaʼinrüin tia, aneetpejeʼe waaʼin wachajaale sukuwaʼipa süpüla waaʼinrüin shia.
ijwhf-S ekirajaaya 4 püt. 11-13
Cómo hablar con los hijos sobre el alcohol
Tomen la iniciativa y hablen del asunto. “El alcohol puede ser un tema que confunda a los jóvenes”, comenta un padre de Gran Bretaña llamado Mark. “Le pregunté a mi hijo de 8 años si beber alcohol estaba bien o mal. Mantuve un ambiente relajado e informal, lo que le ayudó a decir lo que pensaba”.
El asunto quedará más claro si hablan de ello en varias ocasiones. Dependiendo de la edad de su hijo, hablen del alcohol junto con otros temas importantes, como la seguridad vial o la educación sexual.
Pongan un buen ejemplo. Los niños son como esponjas: absorben todo lo que los rodea. Hay estudios que indican que los padres son quienes más influyen en los hijos. Por lo tanto, si su primera opción para calmarse o combatir el estrés es tomar alcohol, su hijo entenderá que esa es la solución ante los problemas de la vida. Así que pónganle un buen ejemplo y consuman alcohol de manera responsable.
Nnojoluinjatü yaletüin naaʼin
Pikiraja püchonnii sünain akaalinjaa na waneinnua
TÜ SÜMAKAT TÜ WIWÜLIAKAT: «Nnojo yaletayaain jukuaippa suʼupala wayuu. Shia anaka aluʼu kojutule napüshua na juwalayuukana jütüma. [...] Sünain kapülain jaaʼin nakuaippa na juwalayuukana, nnojo kapülain jaaʼin jukuaippa neʼe jümüiwa» (Filipos 2:3, 4).
● Pikiraja püchonnii süpüla nakaalinjain sünain aaʼinraa wanee kasa piichipaʼa. Nnojoire puuʼulaain püchon sünain aaʼinraa wanee kasa piichipaʼa, müshi pümakai aaʼin nümüin: «Nnojotsü püpülajatüin tüü, wayuu kapülainshi pia». Akaalinjainjachi nia sünain aaʼinraa wanee kasa piichipaʼa süpülapünaa nüshaitüin. Püküja nümüin jalouijeechin nia sümüin wayuu naaʼinrüle tü aʼyatawaa eʼitaanakat nüpüleerua otta kojuteechin nia sutuma wayuu sünainjee tia.
● Pikiraja naya sünain akaalinjaa na waneinnua. Laülaajeerü naaʼin chi püchonkai kapürale naaʼin nakuwaʼipa na waneinnua. Jülüja paaʼin nümaa chi püchonkai jaralin choʼujaain amüin kaalinwaa otta tü eekat süpüla naaʼinrüin püchon süpüla nükaalinjain nia. Nükaalinjale chi püchonkai wanee wayuu, «anasü maʼin tü paaʼinrakat» püma nümüin otta pütütüleʼera naaʼin süpüla ayatüin naaʼinrüin tia.
Püchajaa süchiki kaaʼürüi suluʼu tü Bibliakat
Jia tooloyuu kaʼwayuuseshiikana jaaʼinmaja juʼwayuuse
16 Paapüinjatü tü analuʼutkat sümüin. Püküjainjatü sümüin puʼwayuuse jamüin kojutuka shia pümüin süpüla anainjatüin saaʼin. Jamüshijaʼa pia, paapüinjatü analuʼutka sümüin saaʼujee sükaalinjain maʼin pia (Col. 3:15). Püküjale sümüin puʼwayuuse jamüin aika shia püpüla aneerü saaʼin jee shiyaawateerü aaʼu alin shia püpüla sümaa kojutuin shia pümüin (Prov. 31:28).
SETTIENPÜROʼU 22-28
KOROLO KOJUTUSÜ SULUʼUKA TÜ BIBLIAKAT ECLESIASTÉS 1, 2
Ayataʼaya jikirajüin na jiirakainjanakana
Piʼitaa tia napüleerua na aaʼinrakana waneepia tü aluwataanakalü anain naya
3 Wayakana aʼyataashiikana nümüin Maleiwa, talatüsü maʼin waaʼin sünain aʼyatawaa nümüin otta kojutüsü wamüin shia. Eeshii wawalayuu kamalainkana maʼin amüin tü naʼyataakalü anain nümüin Maleiwa otta keeʼireesü naaʼin naʼyataain waneepia sünain tia. Watüjaapejeʼe saaʼu iseerüin wachiki waaʼinrüin wainma kasa laülaapa waya (Ecl. 1:4). Müsüjeseʼe choʼujaain wekirajüin na wawalayuu tepichijakana woulia. Aküjünüsü maʼin maaʼulu tü pütchi anasükat otta aainjünüsü tia sükajee tü tecnologíakat. Sutuma tia, eesü kapüleere namüin na wawalayuu laülaainnakana nekirajaain sünain wanee aʼyatawaa eekai jeketüin sukuwaʼipa (Luc. 5:39). Akaʼaya wayuu laülaapa nia, nnojoluichipa katsüin maʼin maʼakaapuʼu nümaiwa jimaʼaliiwaʼaya nia (Prov. 20:29). Choʼujaasüjeseʼe nekirajünüin na wawalayuu tepichijakana süpüla nayainjanain aapünüin amüin sooʼomüin aʼyatawaa suluʼu nupueulose Maleiwa. Anashii nekirajünüle natuma na wawalayuu laülaainnakana noulia (paashajeʼera Salmo 71:18).
4 Eesü kapüleere namüin na wawalayuu wainmakana aʼyataain suluʼu nupueulose Maleiwa, nekirajüin na tepichijakana noulia süpüla nayainjanain neeʼirakain. Eesüjaʼa mojule naaʼin naya wawalayuukana sutuma nooʼulaainjanain suulia wanee aʼyatawaa kamalainka namüin. Jee shiale sutuma naatainjanain na aaʼinrüinjanakana tia aʼyatawaa talatakalü atuma naaʼin. Eesü nnojoleerüle anain tü aʼyatawaakat naaʼinruʼu sutuma nnojoluin nayain oʼunirüin sukuwaʼipa. Eetaashii na nnojoliikana ekirajüin na tepichijakana noulia sutuma masetirain kaʼi napüla naashin. Nnojotpejeʼe anain süshapajaale naaʼin na wawalayuu tepichijayüliikana nnojorüle kooʼomüin atumawaa tü naʼyataainkat nümüin Jeʼwaa.
Püchajaa süchiki kaaʼürüi suluʼu tü Bibliakat
Kojuta wamüin tü naapakat Jeʼwaa wamüin
6 Süka nnojoluin wattaleein jee pejereein nutuma Maleiwa tü Mmakat nünain chi Kaʼikai, eesü wüin suluʼu. Pejere tü Mmakat nünain chi Kaʼikai, poolotusüjeʼe tü wüin eekat suluʼu. Jaʼisüje maʼin shia otta nnojotsüje kasain katüin oʼu yaa saaʼu. Eekajasaʼa wattaleere tü Mmakat nuulia chi Kaʼikai, saamatüsüje maʼin otta yeelosüje süpüshuaʼa. Süka nnojoluin pejereein jee wattaleein tü Mmakat nutuma Jeʼwaa nuulia chi Kaʼikai, katüsü soʼu kasa süpüshuaʼa süka eein wüin suluʼu. Sutuma naaʼayula chi Kaʼikai, jaʼisü tü wüinkat, shiasaʼa saaʼayula tü wüinkat, akaʼitsü iipünaamüin süpüla sirumainjatüin shia. Alatüsü tia sainküin mmakat süpüshuaʼa. Tia wüinkat chasü chaa iipünaa soʼu poloo kaʼi süpülapünaa juyain shia jee shiale shiʼitüin suluʼu nievein shia. Tü wüinkat aleʼeja müsia süchikuaʼa shirokumüin tü palaakat jee shirokumüin tü süchikalüirua. Jee mapa, sirumasü shia süchikuaʼaya. Maʼwaisü sukuwaʼipa tia waneepia süpüla eeinjatüin wüin yaa saaʼu tü Mmakat. Sünainjee tia, atüjaana aaʼu sünain kekiin maʼin Jeʼwaa jee sünain pülashin maʼin nia (Job 36:27, 28; Ecl. 1:7).
SETTIENPÜROʼU 29– OʼUTUUPÜROʼU 5
KOROLO KOJUTUSÜ SULUʼUKA TÜ BIBLIAKAT ECLESIASTÉS 3, 4
Jiakana kasaatshiikana jukooʼomüinra saalin jüpüla juʼwayuuse jee naalin Jehová jüpüla
ijwhf-S ekir. 10 püt. 2-8
Cómo mantener la tecnología bajo control
● Usar bien la tecnología puede ayudar al matrimonio. Por ejemplo, algunos matrimonios la usan para mantenerse en contacto durante las horas que no están juntos.
“Es genial recibir un simple mensaje de texto que diga ‘te quieroʼ o ‘te extrañoʼ” (Jonathan).
● Usar mal la tecnología puede perjudicar al matrimonio. Por ejemplo, algunos utilizan el teléfono o la tableta a todas horas y, claro, eso significa que le dedican menos tiempo y atención a su cónyuge.
“Estoy segura de que ha habido veces en las que mi esposo habría hablado más conmigo si yo no hubiera estado pegada al teléfono” (Julissa).
● Algunas personas dicen que pueden tener una buena conversación con su cónyuge mientras usan el teléfono o la tableta. La socióloga Sherry Turkle llama a eso “el mito de la multitarea”. Por eso, aunque muchos crean que hacer más de una tarea al mismo tiempo es algo bueno, en realidad, no lo es. La misma socióloga dice que “nuestro rendimiento decrece con cada nueva tarea que añadimos a la combinación”.
“Me encanta hablar con mi esposo, pero no cuando se pone a hacer otras cosas al mismo tiempo, porque eso me da a entender que estaría igual de feliz si estuviera solo con su teléfono” (Sarah).
Conclusión: La forma en la que usamos la tecnología puede ayudar a nuestro matrimonio o hacerle daño.
Ayataʼaya warattüin jutuma «nuwarala Jah»
12 ¿Kasa naaʼinrajatka na wayuu kaʼwayuusekana süpüla nashatüin nukuwaʼipa Áquila sümaa Priscila? Wainma tü kasa jaaʼinrajatkat waneʼewai jukua. Eesü süpüla jaaʼinrüin piamaleʼeya tü kasa jaaʼinrawaikat jümüiwaʼa. Jamüshijaʼa Áquila eepuʼushi waneepia sümaa Priscila sünain aküjaa pütchi. Müinjatü jukuwaʼipa jutuma jiakana, anashii jujuʼitawaire sümaa juʼwayuuse sünain aküjaa pütchi. Aʼyataajiraawaishi Áquila sümaa Priscila. Nnojorüle wanaawain tü niʼyataakalü anain chi puʼwayuusekai sümaa tü piʼyataakalü anain, anashii jükaalinjiraale sünain tü kasa jaaʼinrajatkat jipialuʼu (Ecl. 4:9). Jaaʼinrüle tia, paaʼinweena jia otta yootojiraajeena jia. «Sutuma tü waʼyataainkat, nnojotsü apütaawalin kaʼi wapüla süpüla yootojiraain waya. Toʼlojoopa iita sümaa tü taʼwayuusekat jee shiale wanaatüin tü jardín eekat wamaʼana, talatüsü waaʼin süka wakaalinjiraain. Sutuma waaʼinrawalin kasa, aleewashii maʼin waya jee aijiraashii maʼin waya», müshi Robert, wanee wayuu eetaaichika maʼaka 50 juya kasaalüin nia sümaa Linda.
13 Eesüjaʼa jülüjale naaʼin wanee wayuu paaʼinwain nia sümaa nuʼwayuuse sutuma kepiain nia sümaa. Anuu tü sümakat wanee wawala kaʼwayuusekat chejeʼewat shia Brasil: «Eesüjaʼa jülüjale waaʼin paaʼinwajiraain waya namaa waʼwayuuse sünainjee yalain neʼe waya namaa. Tayaawata aaʼu nnojoluin yalainjatüin neʼe taya nümaa taʼwayuuse, choʼujaasiaʼaya jülüjainjatüin taaʼin nünüiki». Anuu tü naaʼinrakat Bruno sümaa Tays, tü nuʼwayuusekat süpüla kachipünaain naaʼin nakuwaʼipa: «Süpüla waaʼinmaain tü kasa waaʼinrajatkat kottapa waya, nnojotsü waapaain waserulaatse».
14 Eesüjaʼa mamalainre pümüin aaʼinraa kasa kamalainka sümüin puʼwayuuse jee jashichire pia sünain aaʼinraa wanee kasa sümaa. Eesüjaʼa süpüla sülatüin tia namüin na jieyuu kaʼwayuusekana. ¿Kasa jaaʼinrajatka müle jukuwaʼipa? Jülüja waaʼin tü siki waashajaayütkalü achiki. Suchuwajaaiwaʼaya tü sikikat, joʼuuchon tü sejerolokot. Süpüla chuwatashaatain shia, eʼitaanajatü sooʼomüin siki miyoʼuyuu. Süpüla aijiraainjanain maʼin jia sümaa juʼwayuuse, müinjatü jiʼitaakai saaʼin siki miyoʼuyuu süpüla juuntuin tia. Eesü süpüla jaaʼinrüin wanee kasa soʼukaiwai. Mapa kiʼreena jia sünain aaʼinraa sooʼomüin kasa nnojoleenaka mojujiraain atuma jia (Sant. 3:18). Jaaʼinrüle tia, aijiraajeena maʼin jia.
Ayataʼaya warattüin jutuma «nuwarala Jah»
3 Ayatüinjana aijiraain na kaʼwayuuseshiikana. «Nuwarala Jah», münüsü tia aijirawaakat süka nümaʼanajeejatüin shia Jehová. Süpüla ayatüinjanain aijiraain na kaʼwayuuseshiikana, aleewainjana maʼin naya nümaa Jehová. ¿Jamüsü naaʼinrajatka tia? Aleewale wanee wayuu nümaa Jehová, naaʼinreerü tü nümakat. Sünainjee tia nnojoleerü naaʼinrüin kasa nnojoleechika aijiraain atuma nia sümaa nuʼwayuuse (paashajeʼera Eclesiastés 4:12). Nachajaain sukuwaʼipa na naʼaleewainkana Jehová süpüla nashatüin nukuwaʼipa. Kamaneeshii naya, nnojoishii kaashichijaaraliin otta motusü naaʼin naainjala na waneinnua (Éf. 4:32–5:1). Müle nukuwaʼipa wanee wayuu, aijiraajeechi sümaa nuʼwayuuse. Anuu sünüiki wanee wawala kanüliakat Lena, alatüirü suulia 25 juya süchikijee kasaalüin shia: «Mapüleesai kojutuin wamüin jee alin wapüla wanee wayuu aleewakai maʼin nümaa Jehová».
Püchajaa süchiki kaaʼürüi suluʼu tü Bibliakat
Eesü süpüla katüin woʼu süpüla kaʼikat süpüshuaʼa
7 Nukumajüin waya Jehová süpüla suchuntaain waaʼin ayatüin katüin woʼu. Süküjain tü Bibliakat niʼitaain Maleiwa suluʼu waaʼin katüinjatüin woʼu süpüla kaʼikat süpüshuaʼa (Ecl. 3:11). Müsüjeseʼe waʼünüüin tü outaakat (1 Cor. 15:26). Jülüjataa waaʼin tüü: mayeinre waya sutuma wanee ayuulii, ¿ayüülajaajeenache waya sümaa nnojoluin wachajaain süchiki tü shipinjatkat? Nnojottaa, tü waaʼinrakat shia woʼunuin nümaʼanamüin wanee tottoot süpüla watüjaain saaʼu tü shipinaseinjatkat tia ayuuliikat. Waaʼinrüin tia süka kateein woʼu. Outule wanee wayuu aikai wapüla, jaʼitaichi niain wanee tepichi jee niale wanee wayuu jaʼapüichi, aishaatasü wamüin tia, nnojotsü alatamaatüin tü saalinkat wamüin (Juan 11:32, 33). Süka alin waya nüpüla Jehová, nnojoishii nukumajüin waya süpüla outaa. Eesü waneirua kasa wayaawataka atuma eein süpüla katüin woʼu süpüla kaʼikat süpüshuaʼa. Wekirajaa sünain waneirua kasa naaʼinrapuʼuka Jehová otta naaʼinraka maaʼulu wayaawataka atuma nnojoluin nuʼwanajaain tü keeʼireekat naaʼin wapüleerua.
OʼUTUUPÜROʼU 6-12
KOROLO KOJUTUSÜ SULUʼUKA TÜ BIBLIAKAT ECLESIASTÉS 5, 6
Waʼwaaja chi Maleiwakai sümaa kojutuin maʼin nia wamüin
Anainjatü sukuwaʼipa waʼanaaya
Anainjatü sukuwaʼipa nüsheʼin wanee anoujashi, anainjatü naʼanaaya otta laülaainjatü naaʼin. Anainjatü naʼanaaya süpüla shiyaawatünüin aaʼu nuʼwaajüin Maleiwa (1 Timoteo 2:9, 10, TNM). Anuu pienchisü pütchi wayaawataka sünainjee tia wetsiikulokot. (1) Anainjatü sukuwaʼipa washeʼin. Naatayaa müsü sukuwaʼipa nasheʼinpala na suluʼukana nupueulose Jehová maʼaka piʼrüin shia sünain tü outkajawaakat. Jaʼyainjatpejeʼe waaʼu kojutuin wamüin chi Maleiwa waʼwaajakai sükajee anain sukuwaʼipa washeʼin otta anain shipeinajaaya waʼwala. (2) Anainjatü sukuwaʼipa waʼanaaya. Nnojotsü ichechoinjatüin washeʼin wanain suulia sünanajüin waya wayuu. (3) Laülaainjatü waaʼin. Laülaasü waaʼin wanaa sümaa nnojoluin waʼatamaatüin wanain wanee kuluulu eekai jeketüin ojuʼitüin. (4) Jaʼyainjatü saaʼu waʼanaaya waʼwaajüin chi Maleiwakai. Müle shia watuma, nayaawateerü aaʼu na wayuukana waʼwaajüin chi Maleiwa shiimainshikai (1 Corinto 10:31).
Kojutu pümüin oʼuraajaa nümüin Jehová
18 ¿Jama suchuntunule nümüin wanee wawala nuʼuraajüinjachin sünain tü outkajawaa süpülajatkat aküjaa pütchi jee shiale sünain tü outkajawaakat? Na oʼuraajüinjanakana naaʼu na wawalayuukana, jülüjainjatü naaʼin kasapülajatüin tia outkajawaakat. Nnojoishii oʼuraajüinjanain naya süpüla nachiaain na wawalayuukana jee shiale süpüla naküjain wanee kasa namüin. Süpüla tü outkajawaakat eʼitaanüsü jaʼrai minuuto süpüla shiiʼirajünüin tü jayeechikat otta süpüla suchuntunuin naaʼu na wawalayuukana. Müsüjeseʼe palirüinjatüin nünüiki wanee wawala nuchuntapa naaʼu na wawalayuukana, shialeekajaʼa nuʼuraajüinjachire suʼttianainjee tü outkajawaakat (Mat. 6:7).
«Paapüle pünüiki nümüin Maleiwa, pikeraaja shia»
12 Wanaa sümaa woutiisain pia, püküjüin nümüin Jeʼwaa niainjachin piʼyataaka amüin jee paaʼinrüinjatüin süpüshuaʼa tü nümakat. Ayatüinjatpejeʼe paaʼinrüin sooʼomüin kasa süchikijee woutiisain pia. Anashi püsakirüle paaʼin sünain tüü: «¿Alaüleʼerüichipache taya taaʼin sünain anouja süchikijee tawoutisaajünüin? ¿Ayatüshia taya aʼyataain nümüin Jeʼwaa süka süpüshuaʼa taaʼin? (Col. 3:23). ¿Waneepiashiche taya sünain oʼuraajaa? ¿Taashajeʼerüinche tü Wiwüliakat soʼukaiwai? ¿Oʼunawaishiche taya sünain tü outkajawaakat? ¿Aküjawaishiche taya pütchi waneepia? ¿Tashokulajaataapa neʼe?». Süpüla nnojoluin sümalajaain wanoula naashin Pedro, wakatsüinrüinjatü shia, ekirajaainjana waya sünain nünüiki Maleiwa, wachecherüinjatü waaʼin otta waʼwaajüinjachi Maleiwa sümaa kojutüin nia wamüin (paashajeʼera 2 Pedro 1:5-8).
Püchajaa süchiki kaaʼürüi suluʼu tü Bibliakat
Süsakiraka anain wayuu
Aashajaasü Eclesiastés 5:8 nüchiki wanee sülaülashi mma müliakai atuma na wayuu maʼletsekana. Nnojotpejeʼe sotuin naaʼin eein wanee laülaakai nuulia jülüjakai aaʼin süpüshuaʼa tü kasa naaʼinrakat otta eetaashii joo waneinnua laülaakana naaʼu. Aaʼinrapejeʼe kasa mojusü na sülaülashiikana mma, müshiijeseʼe müliain maʼin na wayuu maʼletsekana.
Mojule maʼin tü kasa naaʼinrakat na sülaülashiikana mma, watüjaa aaʼu niʼrüin Jeʼwaa süpüshuaʼa tü kasa mojusü naaʼinrakat süka Miyoʼushin nia noulia. Wachunta kaalinwaa nümüin Jeʼwaa jee waküja nümüin süpüshuaʼa tü alatakat wamüin (Sal. 55:22; Filip. 4:6, 7). Watüjaa aaʼu «niʼrüin Jeʼwaa süpüshuaʼa tü kasa alatakat sainküinpünaa tü mmakat otta nükaalinjain chi aʼyataakai nümüin süka süpüshuaʼa naaʼin» (2 Crón. 16:9).
Sünainjee tü sümakat Eclesiastés 5:8, wayaawata aaʼu eein wanee miyoʼushikai maʼin noulia na sülaülashiikana mma. Niapejeʼe Jeʼwaa chi Miyoʼushikai saaʼu tü kasakat süpüshuaʼa. Aluwataashi nia maaʼulu yaa nükajee Jesucristo chi Nüchonkai. Chi Maleiwa Pülashikai maʼin, niʼrüin süpüshuaʼa tü kasa alatakat, lotusü nukuwaʼipa otta lotusü nukuwaʼipa chi Nüchonkai.
OʼUTUUPÜROʼU 13-19
KOROLO KOJUTUSÜ SULUʼUKA TÜ BIBLIAKAT ECLESIASTÉS 7, 8
Wakatchinra naaʼin na anaajaakana apüshi
¿Kasa watüjaka sünainjee niʼyalajüin Jesuu?
9 Eeshi süpüla pümüliajüin na anaajaakana apüshi. Nnojoishi neʼe aʼyalajüin Jesuu sümaa Marta ooʼulaka María, naapajüinya nanüiki otta natütüleʼerüin naaʼin. Eesü süpüla waaʼinrüin tia napüleerua na anaajaakana apüshi. Anuu nünüiki Dan wanee laülaashi kepiakai chaa Australia: «Sünaajaapa taʼwayuuse choʼujaashi takaalinjünüin. Eeshii waneinnua wawalayuu sümaa naʼwayuuse aapajakana tanüiki jaʼitasü kaʼlein aikat naaʼu. Nnojoishii asoutuin pejeewa otta nnojotsü mojushiin namüin taʼyalajüin. Shiasaʼa nnojotpa taaʼin sünain aaʼinraa kasa, nakaalinjain taya sünain waneirua kasa, maʼaka saaʼin noʼlojuin teʼejena, ayaʼlajüshii kasa tamüin suluʼu oikaalee otta aʼlakajaashii naya tayaalu. Oʼuraajawaishii naya tamaa waneepia, shiimainjaʼa taʼaleewainyuuin naya jee tawalayuuin süka nakaalinjain taya soʼunnaa müliaa» (Prov. 17:17).
Wakaalinja na wawalayuu eʼrakana müliaa
15 Anaajaasü jekenainka nuʼwayuuse William, anuu nünüiki: «Anasü taaʼin sutuma naküjain tamüin na waneinnua tü kasa anasü saaʼinrapuʼukat taʼwayuuse. Tatüjaa aaʼu sünainjee tia namakat aipuʼuin shia napüla jee kojutuin shia namüin. Nakaalinjain taya sükajee tü namakat. Atütülaasü taaʼin sutuma nanüiki, süka jamüin, aichonpuʼuin maʼin tapüla tü taʼwayuusekat». Anuu sünüiki Bianca: «Atütülaasü taaʼin sutuma noʼuraajüin tapüleerua na wawalayuukana jee naashajeʼerüin tamüin waneesia jee shiale piamasü wetsiikulo. Anasü taaʼin yootule tamaa na waneinnua nüchiki chi taʼwayuusekai jee naapajüle tü tamakat nüchiki».
«Anashii jiʼyalajüle wanaa namaa na aʼyalajakana»
16 Tü wane eekat süpüla waaʼinrüin shia woʼuraajüle napüleerua na wawalayuukana jee eeshii süpüla woʼuraajüin namaa. Shiimainpejeʼe kapüleein woʼuraajüin suʼunnaa tia mojaakalü aaʼin. Eeshii waʼyalajüle jee isale wachiki wojuʼitirüin wanüiki. Woʼuraajüle süka süpüshuaʼa waaʼin, aneerü naaʼin sutuma tia. Anuu sünüiki Dalene: «Süntapa tü tawalayuukalüirua, tachuntuin namüin noʼuraajaiwa. Noʼuraajüinjanapa, isasü nachiki nojuʼitirüin nanüiki, shiasaʼa mapa, ojuʼita ojuʼita müsü nanüiki jee naaʼinrüin shia süka süpüshuaʼa naaʼin. Atütülaasü taaʼin sutuma teʼrüin katsüin maʼin nanoula otta aipüraliin naya wayuu».
«Anashii jiʼyalajüle wanaa namaa na aʼyalajakana»
17 Na anaajaakana apüshi, eeshii eeka kakaliain mojuin maʼin naaʼin otta eeshii eeka sülatamaatüin noulia tü mojuukalü aaʼin. Choʼujaasüjeseʼe wakaaliinjain naya soʼu kojuya kashi, nnojoishii neʼe wakaaliinjainjanain naya maʼaka jeʼra kaʼi süchikijee nünaajaain müliashii otta yalaiwaʼaya namaa naʼaleewainyuu jee napüshi. Müsü Proverbios 17:17: «Shiimainre alin nüpüla naʼaleewain wanee wayuu, aishi nia nüpüla waneepia, müshi aka naaʼin wanee nuwala müliale nia niʼrüin». Ayatüinjanaʼaya wamülialüin naaʼin na anaajaakana apüshi waneʼereʼeya anatpa naaʼin (paashajeʼera 1 Tesalónica 3:7).
18 Eejeerü kaʼi mojuwaijeetka oʼu naaʼin nüchiirua müliashii. Eeshi süpüla sotuin naaʼin müliashii saaʼujee sülüʼülüin sükalia kasaatka oʼu naya jee shiale tü kaʼi outakalü oʼu nia. Eesü shiale sutuma wanee muusika, wanee ayaakuaa, wanee kasa naaʼinrapuʼuka müliashii jee shiale saaʼujee seejuu otta shiʼira wanee kasa. Jamüsüjaʼa sümüin wanee jiet eeka outuin suʼwayuuse, eesü süpüla mojuin saaʼin suʼunapa sümüiwaʼa sünain wanee outkajawaa miyoʼu jee sünain tü outkajawaakat eere Sotuin Waaʼin Outuin Jesuu waaʼu. Anuu nünüiki wanee wawala outaka aʼwayuuse: «Mojushaatasü maʼin taaʼin süka nnojoluitpain tamaa taʼwayuuse soʼu tü kaʼi sotowaikalü oʼu waaʼin kasaalüin waya. Nayasaʼa na wawalayuukana, oʼunushii naya tepialuʼumüin namaa na taʼaleewainyuukana süpüla nnojoluinjachin tamüiwaʼain taya soʼu tia».
19 Choʼujaasü namüliannüin aaʼin waneepia na anaajaakana apüshi, nnojotsü shiain neʼe soʼu tü kaʼi sotokolü oʼu naaʼin müliashii. Anuu sünüiki Junia: «Yalale pümaa paʼaleewainyuu süpüla natütüleʼerüin paaʼin, anashaatasü maʼin tia, jaʼitairü nnojoluin shiain tü kaʼi sotokolü oʼu paaʼin müliashii. Naashajaale jee noutkajaale pümaa soʼu wanee kaʼi, amülialaasü paaʼin natuma» (1 Juan 3:18). Müsü Gaby: «Taapüin analuʼut nümüin Jeʼwaa saaʼu nakaaliinjain taya na laülaashiikana jee natütüleʼerüin taaʼin soʼu mojushaatain taaʼin. Sutuma tia, tayaawata aaʼu alin maʼin taya nüpüla Jeʼwaa».
Püchajaa süchiki kaaʼürüi suluʼu tü Bibliakat
«Shiyaawateerü aaʼu wayuu tekirajanain jia»
18 Eesüjaʼa jülüjale waaʼin anain yootule waya nümaa wanee wawala aaʼinrakai wanee kasa aika wamüin. Süpülapünaa waaʼinrüin tia, anasü wasakirüle waaʼin sünain tüü: «¿Tatüjaa aaʼuche süpüshuaʼa tü alatakat?» (Prov. 18:13). «¿Naaʼinrüinche tia sümaa nnojoluin alein naaʼin?» (Ecl. 7:20). «¿Eesüche wanee kasa taaʼinraka makalü aka saaʼin tia paala?» (Ecl. 7:21, 22). «Taashajaale nümaa chi wawalakai, ¿akooʼomüinraajeetche tü mojujiraakalü aaʼujee waya?» (Paashajeʼera Proverbios 26:20). Wasakirüle waaʼin sünain tia, eesüjaʼa jülüjale waaʼin anain motule waaʼin tü naaʼinrakat chi wawalakai jee ayatüle alin nia wapüla.
OʼUTUUPÜROʼU 20-26
KOROLO KOJUTUSÜ SULUʼUKA TÜ BIBLIAKAT ECLESIASTÉS 9, 10
¿Kasa sotuinjatka waaʼin sülatapa kasa mojusü wamüin?
Nnojo paashichijaain nümüin Jeʼwaa
20 Nnojo pülirajüin süpaʼa mmaka. Tü alatakat nümüin wanee wayuu nüsirajiraa neʼe nümüiwaʼa. Niyaawatüinjatü saaʼu shiimain tia (Gal. 6:7, TNM). ¿Jamüsü mojuka walirajüle Maleiwa sünain tü kasa mojusü alatakat wamüin? Jülüjataa paaʼin tü alatakat nümüin wanee wayuu awateʼetshi kemion. Sutuma nuwateʼerüin maʼin tü neʼejenakat alanaasü suulia tü karateetkat sümaa neewaain sutuma. ¿Jaraiche kasitka chi wayuukai? ¿Niache kasitka chi kakumalakai tü kemionkat? ¡Nnojorüleejaʼa! Müshia neʼe Jeʼwaa, nnojotsü nüsirüin tü kasa mojusü alatakat sümüin wayuu. Nuuʼulaain na wayuukana süpüla naneeküin tü keeʼireekat naaʼin otta nüküjüin namüin jamüinjatüin süneekia wanee kasa natuma.
21 Nnojotpejeʼe nüsirajiraain neʼe nümüiwaʼa wanee wayuu süpüshuaʼa tü kasa alatakat nümüin. Eesü shiale sutuma wanee kasa eeka sülatalaa sümüin (Ecl. 9:11). Nnojotsü motuinjatüin waaʼin niain Satanaa chi shikiishikai tü mojulawaakat (1 Juan 5:19; Alat. Map. 12:9). ¡Chi süʼünüükai maʼin wayuu nia Satanaa, nnojoishi niain Jeʼwaa! (1 Ped. 5:8).
Kojutushii nümüin Jeʼwaa na aʼyataakana nümüin sümaa nnojoluin yaletüin naaʼin
10 Nnojorüle yaletüin waaʼin, wounteerü wachecherüin waaʼin sülatüle kasa mojusü wamüin. Eesüjaʼa müliale waaʼin atumawaa saainjünüle kasa mojusü wamüin. Anuu tü nümakat chi aluwataashikai Salomón, wanee wayuu kekiikai maʼin: «Amaʼushii teʼrüin na piuunakana, akaajasaʼa na aʼyataakana niʼipajee chi aluwataaikai, nooʼuikashii naya maʼaka naaʼin wanee piuuna» (Ecl. 10:7). Eeshi yüütüükale oulia wanee wayuu jaʼitashi atüjain maʼin nia süpüleerua tü niʼyataainkat. «Anasü maʼin putuma», eeshii nayale münüin amüin na wayuu nnojoliikana atüjain maʼin. Niyaawatapejeʼe saaʼu Salomón eejiraainjachin nia sümaa tü alatakat nümüin suulialeʼeya mojukuʼu sümüin naaʼin (Ecl. 6:9). Nnojorüle yaletüin waaʼin, wounteerü wachecherüin waaʼin sülatüle kasa mojusü wamüin jaʼitasü kapüleein shia wamüin.
Nnojo motuin paaʼin alin pia nüpüla Jeʼwaa
4 Jülüjüle waaʼin tü kasa nukumalakat Jeʼwaa, wayaawateerü saaʼu sünain miyoʼuin tü waalinkat nüpüla (Roma 1:20). Nukumajüin tü Mmakat wapüla jee müsia wainma kasa niʼitaaka suluʼu süpüla talatüinjatüin waaʼin sutuma. Watta saalii wunuʼulia ekaajünaka süchon, nukumajüin shia süpüla weküinjatüin (Ecl. 9:7). Saashin Catherine, wanee wawala chejeʼewat Canadá, kamalainsü maʼin sümüin shiʼrapa suʼwüittalaain tü mmapaʼakat, kasiipa tü wunuʼuliakalüirua. Anasü saaʼin saashin sutuma shiʼrüin süleʼejüin süchikuaʼa tü wüchii oʼunakalinkat sutuma tü jemiaikat. Talatüsü maʼin saaʼin wanaa sümaa niküin chi chünüʼükai tü shijitakat nüpüla soʼuluʼu tü shiwentaanasekat tü kusinapiakat. Saashin Catherine, miyoʼu tü waalinkat nüpüla Jeʼwaa saaʼujee wainmain tü kasa anasü naapakat wamüin. Talatüshi Jeʼwaa sümaa tü nukumalakat jee müsia keeʼireesü naaʼin talatüinjanain waya sümaʼaya (Aluw. 14:16, 17).
Püchajaa süchiki kaaʼürüi suluʼu tü Bibliakat
¿Ojuʼitüsüche naaʼin wanee wayuu outapa nia?
Tü outaakat müsü aka saaʼin atunkaa maʼin naashin Jesús. Nutunkapa maʼin wanee wayuu, nnojotsü kasain nütüjaain aaʼu. ¿Jamüsü makaʼa aka saaʼin atunkaa tü outaakat? Outapa wanee wayuu nnojotsü kasain nütüjaain aaʼu otta nnojotsü niʼrüin nümüliala. «Nnojorüleesia kasain natüjaain aaʼu süka outuinnapain naya» müsü tü Bibliakat nachiki na outushiikana (paashajeʼera Eclesiastés 9:5).
OʼUTUUPÜROʼU 27– NOWIENPÜROʼU 2
KOROLO KOJUTUSÜ SULUʼUKA TÜ BIBLIAKAT ECLESIASTÉS 11, 12
Paainja kasa talataka atuma paaʼin jee anaka atuma paaʼin
Jikiraja jüchonnii sünainjee tü kasa nukumajalakat Maleiwa
16 Sümaʼinruʼu nanajüin na wayuukana namaa nachonnii tü kasa nukumajalakat Jehová, anasü naaʼin otta aijiraashii maʼin naya. Süküjain tü Bibliakat eein «kaʼi süpüla asirajaa» otta eein «kaʼi süpüla wonnataa» (Ecl. 3:1, 4, noota). Eesü mma anaka maʼin nutuma Jehová süpüla waaʼinrüin waneirua kasa kamalainka wamüin. Eeshii waneinnua wayuu oʼunakana namaa nachonnii sünain anajaa eere wüittuulin tü mmapaʼakat, saaʼu uuchi otta sotpaʼamüin palaa. Wainma na tepichi kamalainkana amüin awanaajaa jee ashaitaa chaa patkeruʼu, kamalainsü namüin nanajüin tü mürütkalüirua, nashuunajüin shiroku süchi otta shiroku palaa. Wainma sukuwaʼipa süpüla talatüin waaʼin sünain anajaa tü kasa nukumajalakat Jehová.
Kojuta wamüin tü kataa oʼuu naapakat wamüin Maleiwa
6 Nnojotsü shiain saashajaain maʼin achiki tü Bibliakat tü shipinaseinjatkat wayuu jee tü eküülü anakat süpüla ekünaa. Süküjapejeʼe anain nümüin Jehová jülüjale waaʼin tia. Anuu wanee pütchi anasü süküjaka wamüin tü Bibliakat: «Nnojo paainjain kasa mojeetka atuma pukuwaʼipa» (Ecl. 11:10). Süküjain tü Bibliakat nnojoliinjanain kasain aleʼe waya jee nnojoluinjatüin alanaʼaleein watuma tü asüüshikat süka eein süpüla ayuulin jee outuin waya sutuma (Prov. 23:20). Makalaka nücheküin Jehová wayaawatüin saaʼu tü weküinjatkat jee tü wasüinjatkat (1 Cor. 6:12; 9:25, TNM).
7 Anasü jülüjale maʼin waaʼin tü kasa waneekakat süpüla sütüjaanüin aaʼu kojutuin wamüin tü kataa oʼuu naapakat wamüin Jehová (Sal. 119:99, 100; paashajeʼera Proverbios 2:11). Anasü wayaawatüle saaʼu tü weküinjatkat. Jamüsüjaʼa eere wanee eküülü wekeeka amüin sümaa watüjaain saaʼu mojeerüin shia wamüin, anakajaʼa nnojorüle weküin shia. Suulia ayuulin waya, anashii weisalaale maalü, waainjawaire ejercicio, wulere watapaʼa jee wepiapaʼa.
«Anakajaʼa joonoole sümaa tü nümakat Maleiwa»
2 Talatüshii maʼin na aʼyataashiikana nümüin Maleiwa, wainma tü kasa talatakalü atuma waaʼin. Talatüsü waaʼin sutuma waashajeʼerüin tü Nünüikikat Maleiwa weinshi otta süka wachajaain sukuwaʼipa süpüla woonooin sümaa tü sümakat (paashajeʼera Santiago 1:22-25).
3 ¿Kasa anasü weʼreetka sutuma woonooin sümaa tü nümakat Maleiwa? Talatüshii waya süka watalateʼerüin naaʼin Jehová (Ecl. 12:13). Woonoole sümaa tü Nünüikikat Maleiwa anajiraajeena waya namaa na wapüshikana otta aleeweena maʼin waya namaa na wawalayuukana suluʼu tü outkajaaleekat, eesüjaʼa müirüle pukuwaʼipa. Jamüshiijaʼa waya nnojotsü weʼrüin tü müliaa niʼrakat wanee wayuu sünainjee moonooin nia sümaa tü nümakat Jehová. «Chi eekai naaʼinrüin tü pümakat, eʼreechi anaa sutuma», müshi David chi aluwataashikai wanaa sümaa niiʼirajüin wanee jayeechi süchikimaajatü tü pütchi nuluwataakalü anain Jehová (Sal. 19:7-11).
Püchajaa süchiki kaaʼürüi suluʼu tü Bibliakat
Kojuta wamüin tü kataa oʼuu naapakat wamüin Maleiwa
6 Nnojotsü shiain saashajaain maʼin achiki tü Bibliakat tü shipinaseinjatkat wayuu jee tü eküülü anakat süpüla ekünaa. Süküjapejeʼe anain nümüin Jehová jülüjale waaʼin tia. Anuu wanee pütchi anasü süküjaka wamüin tü Bibliakat: «Nnojo paainjain kasa mojeetka atuma pukuwaʼipa» (Ecl. 11:10). Süküjain tü Bibliakat nnojoliinjanain kasain aleʼe waya jee nnojoluinjatüin alanaʼaleein watuma tü asüüshikat süka eein süpüla ayuulin jee outuin waya sutuma (Prov. 23:20). Makalaka nücheküin Jehová wayaawatüin saaʼu tü weküinjatkat jee tü wasüinjatkat (1 Cor. 6:12; 9:25, TNM).