¿Pütüjaa aaʼu tü püneeküinjatkat?

Suluʼu tü mmakat Estados Unidos wainma pitaalü eere nawaʼnnüin na wayuukana sümaa nnojoluin shiʼitaanüin isha nanain. ¿Pütüjaa aaʼu tü aainjünakat maaʼulu süpüla süwaʼnnüin wanee wayuu sümaa nnojoluin shiʼitaanüin isha sünain? Choʼujaasü pütüjaain saaʼu jaralüin shia süpüla püneeküin tü neiyajüinjatkat aka pia na tottootkana otta wanaa sümaa püwaʼnnüin. Süpüla tia pünaja tü alatinnakat suluʼu telewisoot, kanüliaka La negativa a la sangre. La medicina acepta el reto. Süchikijee paashajeʼera tü asakiraa yaakat wünaapünaa otta puchunta kaaliinwaa nümüin Maleiwa süpüla pütüjaain saaʼu tü paaʼinrajatkat. Pütchi: Sükajee sujuʼitüin wayuu awaʼnnüsü suluʼu tü alatinnajatkat, jülüjüinjana naaʼin na kachonshiikana na tepichikana neʼrajapa shia.

1) ¿Jamüshii nnojoliika neʼiteʼerüin isha nanain na aküjüliikana pütchi nüchiki Jeowa? 2) ¿Kasa keeʼireeka naaʼin na aküjüliikana pütchi nüchiki Jeowa wanaa sümaa nerajeʼerüin? 3) ¿Kasa eeka süpüla naneekajüin na ayuuishiikana? 4) ¿Jamüshii waneeküinjanaka wanee kasa naata suulia tü ishakat süpüla shiʼitaanüin wataluʼu? 5) Wanaa sümaa amülain maʼin tü ishakat ¿jarat tü piamasü kasa naaʼinramaatajatkat na tottootkana? 6) ¿Jarat tü pienchisü kasa aainjünajatkat suulia tü eʼitawaakat isha? 7) ¿Kasa naaʼinrajatka na tottootkana süpüla (1) nnojoluin amülain maʼin tü ishakat, (2) ayatüinjatüin glóbulos rojos, (3) kooʼomüinjatüin tü ishakat otta (4) neiteʼerüin tü isha amülakat? 8) Püküja süchiki tü (1) hemodilución münakat otta (2) tü eiteʼeraakat isha amülasü 9) ¿Kasa pütüjaainjatka aaʼu süchiki tü aainjünakat süpüla nnojoluin shiʼitaanüin isha pünain? 10) ¿Eesü süpüla kamaʼain süwaʼnnüin wanee wayuu sümaa nnojoluin shiʼitaanüin ishaa sünain? 11) ¿Kasa natüjaaipaka aaʼu na tottootkana?

Jülüjüinjatü waaʼin tü shikirajakat anain waya tü Wiwüliakat wanaa sümaa waneeküin tü aainjünajatkat wamüin wanaa sümaa wawaʼnnüinjanain. ¿Püneeküipa tü aainjünajatkat püka süpüla nnojoluin shiʼitaanüin isha pünain otta nanain na püchonnii eekana tepichin? ¿Püshajüipa suluʼu tü karalouktakat DCP tü püneekakat? Süpülapünaa paainjüin tia, paashajeʼera «nasakitka anain na wayuukana» suluʼusü La Atalaya ojuʼitaka juunioʼu 15 soʼu 2004 otta ouktupüroʼu 15 soʼu 2000. Süchikijee paashajeʼera tü sümakat Waʼyataain Nümüin Maleiwa ojuʼitaka nowienpüroʼu soʼu 2006 süpana 3-6 süpüla püneeküin tü kasa püchekakat otta tü piyouktakat. Püneekajapa tü paaʼinrajatkat püshaja shia suluʼu tü karalouktakat DCP. Natüjaainjatü aaʼu na wawalayuu püshajakana anülia suluʼu tü karalouktakat DCP otta na püpüshi nnojoliikana aküjüliin pütchi nüchiki Jeowa jamüin piyouktaka shiʼitaanüin isha pünain.

[Ayaakuaa suluʼuka süpana: 4]

• ¿Püneeküipa tü aainjünajatkat püka süpüla nnojoluin shiʼitaanüin isha pünain otta nanain na püchonnii eekana tepichin?

• ¿Pipirajüin otta pülüʼüjüin eepünaale pia tü karalouktakat DCP maʼaka sülatüle kasa mojusü pümüin?