¿Pütüjaa aaʼu tü püneeküinjatkat?
Sainküin tü mmakat wainma pitaalü eere nawaʼnnüin na wayuukana sümaa nnojoluin shiʼitaanüin isha nanain. ¿Pütüjaa aaʼu tü aainjünakat maaʼulu süpüla suwaʼnnüin wanee wayuu sümaa nnojoluin shiʼitaanüin isha sünain? Choʼujaasü pütüjaain saaʼu jaralüin shia süpüla püneeküin tü neiyajüinjatkat aka pia na tottootkana otta wanaa sümaa puwaʼnnüin. Süpüla tia pünaja tü peliikula kanüliakat: La negativa a la sangre. La medicina acepta el reto. Süchikijee, paashajeʼera tü asakiraa eeinjatkat jooluʼu otta püchunta kaaliinwaa nümüin Maleiwa süpüla pütüjaain saaʼu tü paaʼinrajatkat. Pütchi: Sükajee sujuʼitüin wayuu awaʼnnüsü suluʼu tü alatinnajatkat, jülüjüinjana naaʼin na kachonshiikana na tepichikana neʼrajapa shia.
1) ¿Jamüshii nnojoliika neʼiteʼerüin isha nanain na aküjüliikana pütchi nüchiki Jeowa? 2) ¿Kasa keeʼireeka naaʼin na aküjüliikana pütchi nüchiki Jeowa wanaa sümaa neʼrajeʼerüin? 3) ¿Kasa eeka süpüla naneeküin na ayuuishiikana? 4) ¿Jamüshii waneeküinjanaka wanee kasa naata suulia tü ishakat süpüla shiʼitaanüin wataluʼu? 5) Wanaa sümaa amülain maʼin tü ishakat, ¿jarat tü piamasü kasa naaʼinramaatajatkat na tottootkana? 6) ¿Jarat tü pienchisü kasa aainjünajatkat suulia tü eʼitawaakat isha? 7) ¿Kasa naaʼinrajatka na tottootkana süpüla (1) nnojoluin amülain maʼin tü ishakat, (2) ayatüinjatüin glóbulos rojos, (3) kooʼomüinjatüin tü ishakat otta (4) neiteʼerüin tü isha amülakat? 8) Püküja süchiki tü (1) hemodilución münakat otta (2) tü eiteʼeraakat isha amülasü. 9) ¿Kasa pütüjaainjatka aaʼu süchiki tü aainjünakat süpüla nnojoluin shiʼitaanüin isha pünain? 10) ¿Eesü süpüla kamaʼain suwaʼnnüin wanee wayuu sümaa nnojoluin shiʼitaanüin ishaa sünain? 11) ¿Kasa natüjaaitpaka aaʼu na tottootkana?
Jülüjüinjatü waaʼin tü shikirajakat anain waya tü Wiwüliakat wanaa sümaa waneeküin tü aainjünajatkat wamüin wanaa sümaa wawaʼnnüinjanain. ¿Püneeküitpa tü aainjünajatkat püka süpüla nnojoluin shiʼitaanüin isha pünain otta nanain na püchonnii eekana tepichin? ¿Püshajüitpa tü püneekakat suluʼu tü karaloukta piiʼiyatakat aka piyouktüin isha [Venezuela: dpa-S Ven (Poder en materia de atención médica). Colombia: DCP (Directriz anticipada y carta poder para atención médica)]? Süpülapünaa paainjüin tia, paashajeʼera «nasakitka anain na wayuukana» suluʼusü La Atalaya ojuʼitaka juunioʼu 15 soʼu 2004 otta ouktupüroʼu 15 soʼu 2000. Süchikijee, paashajeʼera tü sümakat Waʼyataain Nümüin Maleiwa ojuʼitaka nowienpüroʼu soʼu 2006 süpana 3-6 süpüla püneeküin tü kasa püchekakat otta tü piyouktakat. Püneekapa tü paaʼinrajatkat püshaja shia suluʼu tü karalouktakat DCP jee shiale DPA. Natüjaainjatü aaʼu na wawalayuu püshajakana anülia suluʼu tü karalouktakat DCP jee shiale DPA otta na püpüshi nnojoliikana aküjüliin pütchi nüchiki Jeowa jamüin piyouktaka shiʼitaanüin isha pünain.