Eeja paaʼin: Eeshi süpüla ayuuijaain pia
Eeshii süpüla ayuuijaain waya otta weewaain (Sant. 4:14). Akatsaʼa eejüsü naaʼin chi wayuu aikkaleʼerakai naaʼin (Pro. 22:3). ¿Pütüjaaitpa aaʼu tü piiyajaainjatkat aka otta tü naainjüinjatkat na tottootkana püka? ¿Püshajüitpa tü püneekakat? Süpüla pükaaliinjünüin sünain tia, akumajünüsü tü peliikulakat Asistencia médica sin transfusiones. Necesidades y derechos del paciente. Shia tü chiiruaajatkat sünainjee tü peliikula kanüliakat Alternativas a las transfusiones. Serie documental. Püsoukta shiʼipajee tü asakiraakalüirua sümaʼinruʼu piʼrajüin tü peliikulakat. Süka suwaʼnnüin wayuu suluʼu tia peliikulakat, wachuntüin namüin na kachonshiikana jülüjüinjanain naaʼin na tepichikana wanaa sümaa neʼrajüin shia.
1) ¿Jamüshii naashajaaka nachikuaʼa noʼutku na tottootkana süchiki tü eʼiteʼeraakat isha? 2) ¿Kasa awaʼnnaka sünain apünüinsü wayuu sümaa nnojoluin shiʼitaanüin isha sünain? 3) ¿Jamüshii wainmaka tottoot otta awaʼjülii wayuu achekakana awaʼlaa wayuu sümaa meʼitaajuuin isha sünain? 4) ¿Kasa aküjünaka süchiki tü eʼiteʼeraakat isha ekirajaanaka anain suluʼu kojuyasü pitaalü? 5) ¿Kasa eeka süpüla sülatüin sümüin wanee wayuu shiʼitaanüle isha sünain? 6) ¿Jamüsü anaka naashin waneeinnua tottoot nnojorüle shiʼitaanüin isha sünain wayuu? 7) ¿Jamüsü mashaka wanee wayuu? ¿Kasa aainjünajatka süpüla kooʼomüinjatüin tü ishakat? 8) ¿Jamüsü süpüla sükooʼomüinjünüin nünain chi ayuuishikai tü kanüliakat eritrocitos (glóbulos rojos)? 9) ¿Kasaichi sünülia tü kasairua nnojotkat amülain maʼin atuma süsha wanee wayuu wanaa sümaa suwaʼnnüin? 10) ¿Eeshi süpüla nuwaʼnnüin wanee jintüi mayeinka maʼin sümaa nnojoluin shiʼitaanüin isha nünain? 11) ¿Kasa kojutüka maʼin namüin na tottoot anakana maʼin atuma sukuwaʼipa naʼyataain?
Soʼutku tü epinasee jaʼyakat suluʼu tü peliikulakat püneeküinjatü shia pümüiwaʼa, nnojo paʼatapajüin ayuuijaain pia süpüla püneeküin tü piiyajaayainjatkat. Tü sümakat «Ayata alin jüpüla Maleiwa» suluʼu ekirajaaya 7 otta sümaʼaleʼeya tü sümakat tü karaloukta aküjünakat anülia suluʼu, müsia suluʼu Waʼyataain nümüin Maleiwa ojuʼitaka nowienpüroʼu soʼu 2006 süpana 3-6 sükaaliinjeechi pia süpüla piyaawatüin saaʼu tü püneeküinjatkat. Woutiisale pia, püshaja suluʼu DCP otta DPA kasain püneeküin otta pülüʼüja shia eepünaale pia.