Poloo piamamüin kasa waküjaka aaʼujee pütchi

¿Jamüshii waküjaka pütchi sainküin piichi? ¿Jamüshii wekirajaka wayuu sünain tü Wiwüliakat? ¿Shiache maʼin süpüla wakaaliinjüin na wayuu anamiakana süpüla katüin noʼu waneepia? (Mat. 7:​14, NM.) Mayaainjeʼe waküjüin pütchi sutuma tia, eesü wanee kasa waküjaka maʼin aaʼujee shia. Sünainjee tü poloo piamamüinkat kasa ¿jarat maʼin waküjaka aaʼujee pütchi?

1. Shia süpüla katüinjatüin soʼu wayuu (Juan 17:​3, NM).

2. Süpüla naapinnüin na mojulaashiikana (Eze. 3:​18, 19).

3. Süpüla shikeraajüin tü sümakat tü Wiwüliakat (Mat. 24:14).

4. Süpüla sütüjaanüinjatüin aaʼu lotuin nukuwaʼipa Maleiwa. Najaʼttirapa Jeowa na mojulaashiikana «nnojoishiireʼe waya aapinnüin» nnojoishii naya mayaainjanain (Aluw. 17:​30, 31; 1 Tim. 2:​3, 4).

5. Süpüla wakaaliinjüin wayuu sünain sunoula süka süwalaajuushitpain saainjala nutuma Kürisüto (Roma 1:​14, 15).

6. Süpüla nnojoluinjanain wayain kasirüin müleka ouktüle na mojulaashiikana (Aluw. 20:​26, 27).

7. Shia wanee kasa waaʼinrüinjatka süpüla woʼttaainjanain (Eze. 3:​19; Roma 10:​9, 10).

8. Süka alin wapüla na wayuukana (Mat. 22:39).

9. Süka woonooin nümaa Jeowa otta chi nüchonkai (Mat. 28:​19, 20).

10. Süka sünainpünaain shia tü waʼwaajakalü aaʼujee Jeowa (Heb. 13:​15, NM).

11. Süka alin wapüla Maleiwa (1 Juan 5:3).

12. Süpüla wuleinjatüin nünülia Maleiwa (Isa. 43:10-​12; Mat. 6:​9, NM).

Nnojotpejeʼe shiain neʼe waküjaka aaʼujee pütchi tia. Kooʼomüinsü wanoula jee aʼyataajiraashii waya nümaa Maleiwa sutuma (1 Cor. 3:​9, NM). Shia waküjaka maʼin aaʼujee tü sümakat tü pütchikat poloo piamamüin. Jaʼitairü jamüin nakuwaʼipa na wayuukana ayateenaʼaya waya aküjüin pütchi süpüla wuleinjatüin nünülia Maleiwa. Anasü joo shia süpüla nüsouktüin Jeowa niʼipajee chi ajuyaajakai nia (Pro. 27:11). Müsüjeseʼe ayatüinjanain waya waneepia sünain ekirajaa otta aküjaa süchiki tü pütchi anasükat. (Aluw. 5:42).