Püküja waneeshia pütchi jee paapa tü piamasükat rewiisüta
Watta saalin pütchi anasü suluʼuka tü rewiisütakalüirua. Püküjapa pütchi süka tü rewiisütakat püneeka waneeshia pütchi püküjüinjatka namüin na wayuukana. Nnojo püküjüin namüin süpüshuaʼa tü pütchi suluʼukat. Jülüjüle waaʼin nakuwaʼipa na wayuukana jee watüjaale saaʼu tü pütchi saashajaakalü achiki tü rewiisütakat, mapüleejeerü wamüin waneeküin wanee pütchi kamalainjeetka namüin na wayuukana suluʼujee tü rewiisütakat Aapiria Wayuu otta ¡Despertad! Jamüsüjaʼa weʼrüle wanee miʼirooui nepialuʼu na wayuu waküjakana amüin pütchi, eesü süpüla waküjüin pütchi nanainpünaaka na kachonshiikana. Waashajaale nümaa wanee wayuu eesü süpüla waküjüin pütchi nümüin süchiki wanee kasa eeka kamalain nümüin, maʼaka süchiki tü kasa mojusü alatakat otta süchiki choʼujaain wanee aluwataaya eekai anain. Jaʼitairü waneeküin waneeshia pütchi süpüla waküjüin namüin na wayuukana, waapa piamaleʼe tü rewiisütakalüirua namüin na kamalainkana amüin tü pütchikat.