Eeʼiratsü sukuwaʼipa wayuu sutuma tü Nünüikikat Maleiwa

1. ¿Kasaichi sünülia tü outkajawaa miyoʼu waneekat kaʼi eeinjatka settienpüroʼu 2013?

¹ Nnojotsü eein wanee kasa eekai müin aka saaʼin tü Wiwüliakat. Süka jamüin, eesü süpüla sunoukteʼerüin wakuwaʼipa wanaapünaa sümaa tü nüchekakat Maleiwa. ¿Eesüchejeʼeya süpüla sunoukteʼerüin nukuwaʼipa wayuu tü Nünüikikat Maleiwa? ¿Kasa waaʼinrajatka süpüla anain wakuwaʼipa sutuma? ¿Kasa waaʼinrajatka süpüla wakaaliinjüin na wayuukana süka tü Nünüikikat Maleiwa? Asouktüneerü eʼipajee tia pütchikalüirua sünain tü outkajawaa miyoʼu waneekat kaʼi eeinjatka soʼujee settienpüroʼu 2013. Müsü sünülia tü outkajawaakat: «Eeʼiratsü sukuwaʼipa wayuu sutuma tü Nünüikikat Maleiwa» (Heb. 4:12).

2. Püküja tü pütchi asouktüneetkalü eʼipajee.

² Tü ekirajaanajatkalü anain. Sümaʼinruʼu paapajüin tü ekirajaanajatkalü anain, püshaja susouktia tü asakinnakalü anain.

• ¿Jamüsü wanoujüinjanaka sünain tü sümakat tü Nünüikikat Maleiwa? (Sal. 29:⁠4.)

• ¿Jamakuwaʼipalü anainjatüin wakuwaʼipa sutuma tü Nünüikikat Maleiwa? (Sal. 34:⁠8.)

• ¿Kasa waaʼinrajatka süpüla wekirajüin wayuu sükajee tü Nünüikikat Maleiwa? (2 Tim. 3:16, 17.)

• ¿Kasa waaʼinrajatka suulia nemeejüin waya na nuluwataakana aaʼu Satanaa? (1 Juan 5:19.)

• Jimaʼalii otta majayünnüü, ¿kaseerü akaaliinjaka jia süpüla anain jukuwaʼipa sünain aʼyatawaa nümüin Maleiwa? (Jer. 17:⁠7.)

• ¿Kaseerü achecheraka waaʼin suʼunnaa müliaa? (2 Cor. 12:10.)

• ¿Kasa akaaliinjeenaka waya süpüla wooʼulaain suulia tü kasa mojusü waaʼinrapuʼukat jee tü mojusü jülüjapuʼukat waaʼin? (Éf. 4:23.)

3. ¿Jarat süpüshi tü kasa anasü weʼreetkat sünainjee tü outkajawaa miyoʼu waneekat kaʼi?

³ Aneerü maʼin wakuwaʼipa sutuma outkajawaakat tüü. Anasü maʼin tü outkajawaakalüirua miyoʼu süpüla weʼrajiraain namaa na wawalayuu naatakana noutkajaale, makalaka aneerüin waaʼin namaa sünain tü outkajawaa miyoʼu waneekat kaʼi (Sal. 133:1-3; 2 Cor. 6:11-13, NM). Waashajaa namaa na wawalayuu kakaliainnakana weʼraajüin otta weʼraajiraa namaa waneeinnua. Nuluwataanüle wanee wawala sutuma Weteet süpüla nikirajüinjachin sünain tü outkajawaakat, maʼaka naaʼin chi nikiipüʼükai chi wawala alapalaakai waaʼu jee niale wanee aʼyataaikai suluʼu Weteet, waashajaa nümaa otta sümaa tü nuʼwayuusekat. Makalaka wainmain tü kasa anasü woʼuneekalü anainjee sünain tü outkajawaa miyoʼu waneekat kaʼi.