Pütchi süchiki Nuluwataaya Maleiwa Nuum. 38. Eitajünajatü nowienpüroʼu
1. ¿Kasa natüjaweeka aaʼu na wayuu amülouikana apüshi? ¿Kaseerü weitajaka nowienpüroʼu?
1 Naʼünüü tü ouktaakat na wayuukana (1 Cor. 15:24-26). Wainma na wayuu atüjaweekana aaʼu kasain alatüin nümüin wanee napüshi eekai amüloulin jee neʼreechire nia nüchikuaʼa. Makalaka weitajeerüin sümüin wayuu sainküinpünaa Mmaka süpüshuaʼa tü karaloukta Pütchi süchiki Nuluwataaya Maleiwa Nuum. 38 kanüliakat ¿Kateetche noʼu nachikuaʼa na wayuu ouktakana? Eitajüneerü shia nowienpüroʼujee 1 sünainmüin nowienpüroʼu 30. Ayateeria aküjünüin pütchi namüin na wayuukana süka tü karalouktakat.
2. Püküja jamüin sukuwaʼipa tü karalouktakat.
2 Tü sukuwaʼipakat. Mapüleesat ashatawaa tü karalouktakat. Suluʼu tü süpana palajatkat, ashajünüsü sünülia tü saashajaakalü achiki otta eesü wanee pütchi asouktünüinjatka eʼipajee. Nojutalapa shia, neʼreerü tü sümakat tü Wiwüliakat otta jamüin sünainpünaaka nakuwaʼipa tü sümakat. Otta natüjaweerü aaʼu jamüin nanoujüinjatka maʼin sünain tü Wiwüliakat. Akaʼaya süsapoʼujee, eesü waneeirua pütchi poneetka maʼin naaʼin na wayuukana otta keeʼireejeerü naaʼin nekirajaain sooʼomüin sünain tia pütchikat.
3. ¿Jamüinjatü shiitajia tü karalouktakat?
3 Tü waaʼinrajatkat. Müinjatü shiitajia tü karalouktakat maʼaka saaʼin tü karaloukta weitajakat namüin na wayuukana süpüla wounejaain naya sünain tü outkajawaakat eere Sotuin Waaʼin ouktüin Jesuu waaʼu otta sünain tü outkajawaa miyoʼu apünüinkat kaʼi. Naküjeerü na laülaashiikana jaraleerüin sukuwaʼipa süpüla waapüinjatüin tü karalouktakat namüin na wayuu kepiakana eere waküjüin pütchi maʼaka süküjünüin suluʼu tü karaloukta aluwataanakat namüin aaʼuriiroʼu 1, 2013. Joʼuuchonle tü mma piitajüinjatkalü aluʼu tia karalouktakat, eeshii süpüla pükaaliinjüin na miyoʼukana apüleerua tü mma neitajüinjatkalü aluʼu shia. Naapaainjatü neʼe na wawalayuukana tü karaloukta keraakat süpüla naküjüin pütchi soʼu wanee semaana. Wainmale maʼin tü karaloukta apütaakat, neitajeerü shia eere jouluin maʼin wayuu. Sajaʼlajaale, eesü süpüla naapüin namüin na wayuukana tü karaloukta naküjüinjatkalü aka pütchi nowienpüroʼu. Shieerü waaʼinmaaka maʼin weitajüin tia karalouktakat soʼu palajatka saawanoʼu suulia woʼttüin sünain ekirajaa wayuu. Otta eesü süpüla waapüin namüin na wayuukana tü rewiisütakalüirua müleka anashiire shia. Wachajaa maʼin sukuwaʼipa süpüla yapain waya suʼunnaa waʼatapüin tü kaʼi weitajüinjatkalü oʼu tia karalouktakat.