Atüjüinjana waya aküjaa pütchi: ana pusouktia niʼipajee chi jashichikai pümüin

¿Jamüsü waaʼinrajatka tia? Wainma wayuu anaka anüiki wamüin waküjapa pütchi namüin. Akatsaʼa nüküjüin Jesuu eejeenain na wayuu jashicheenakana wamüin (Juan 17:14). Nnojoluinjatü ponuin waaʼin jashichire wamüin wanee wayuu. Sülatüle tia wamüin, waaʼinrüinjatü tü anakat noʼuluʼu Jeʼwaa, chi Maleiwa waküjakai anüiki (Roma 12:​17-​21; 1 Ped. 3:​15). Anale wasouktia, nnojoleena peʼipaain waya namaa otta nachekeerü tü pütchikat. Akaʼaya na eʼrakana waya, aneerü nanüiki nüchiki Jeʼwaa. Sünainjee tia, eesüjaʼa süpüla kamalain namüin naapajüin tü pütchikat wanee sukueena (2 Cor. 6:3).