Atüjainjachi pia aküjaa pütchi: Püküja tü paashajaainjatkalü achiki wanee pukueena

¿JAMÜSÜ CHOʼUJAAKA?

Keeʼireesü waaʼin wekirajüin na wayuu waküjakana amüin pütchi (1Co 3:6). Eere wanee wayuu achekakai tü pütchikat, wasakira nia sünain wanee pütchi süpüla yootuin waya süchiki tia wanee wakueena. Waaʼinrüle tia, naʼatapajeena waya na wayuukana otta watüjaajeerü aaʼu tü wanüikinjatkat namüin. Wantapa namaʼanamüin, waküja namüin wantüin süpüla yootoo namaa süchiki tü pütchi wasakirakalü anain paala naya.

ANUU SUKUWAʼIPAINJATKA:

• Pikirajaapa sünain tü pünüikinjatkat sünain aküjaa pütchi, pütüjaainjatü aaʼu kasain püsakirüin anain na wayuukana pümaʼichiki. Eesü süpüla püneeküin wanee pütchi suluʼuka tü karaloukta weitajakat soʼu tü kashikat. Eesü süpüla püneeküin shia suluʼujee tü karaloukta wekirajakalü aka wayuu.

• Püküjapa pütchi nümüin wanee wayuu achekakai tü pütchikat, püma nümüin keeʼireein paaʼin yootuin pia nümaa wanee pukueena. Püsakira nia sünain tü pütchi paashajaainjatkalü achiki. Anashiire shia, püsakira jalain kepiain nia.

• Püleʼeja nipialuʼumüin soʼu tü oora püküjakalü oʼu nümüin (Mt 5:37).