Atüjainjachi pia aküjaa pütchi: Puuyanta püchikuaʼa

¿JAMÜSÜ CHOʼUJAAKA? Watta naalii na wayuu eʼraajeekana tü shiimainkat nüchiki Maleiwa otta süchiki Nuluwataaya (Isa 55:6). Süpüla anain sukuwaʼipa nekirajia watuma ouyantüinjana waya kojuyatua nepialuʼumüin. Watta saalii kasa eejiraaka amaa naya, makalaka waneeküinjatüin jamüinjatüin nekirajia waneʼewai nakua. Aneetpajaʼa maʼin sukuwaʼipa watuma yapale waya süpülapünaa wouyantüin namaʼanamüin, pansaainjatü watuma tü wekirajeekalü anain naya. Müle shia watuma, wekirajeena naya sünain tü Wiwüliakat.

ANUU SUKUWAʼIPAINJATKA:

• Puuyantamaata maalü. Maʼaka jeʼra kaʼi süchikijee paashajaain nümaa (Mt 13:19).

• Kamanee pia otta kojutu nia pümüin. Nnojo shapaain paaʼin.

• Kamanee pia püsakapa nia. Puchunta nünülia, püküja nümüin jamüin puuyantaa püchikuaʼa: süpülajatüle pusoutuin shiʼipajee tü nüsakitkalü anain, süpüla paapüin nümüin wanee rewiisüta, süpüla püküjain nümüin süchiki jw.org, süpüla piiʼiyatüin nümüin wanee video jee shiale süpüla piiʼiyatüin jamüin shikirajia wayuu watuma. Müleka eere wanee kasa anaka maʼin naashajaweeka achiki, anasü shiale paashajaain achiki tia nümaa (Flp 2:4, 5).

• Paashajeʼera nümüin wanee wetsiikulo suluʼujee tü Wiwüliakat jee shiale paapüin wanee karaloʼuta süpüla kooʼomüinjatüin tü nunoulakat maʼaka naaʼin wanee wayuu oʼyotokoi wüin saaʼu nüpünajüin (1Co 3:6). Püchajaa sukuwaʼipa süpüla paʼaleewainjachin nia.

• Püküja püleʼejeechin püchikuaʼa.