Pikirajaa otta püküja shia namüin na waneinnua

Sümülialüin waaʼin tü pütchi wekirajaakat sünain tü Bibliakat, amülialaapejeʼe maʼin waaʼin waküjale namüin na waneinnua tü pütchi kamalainka wamüin. Anuu tü sümakat Proverbios 11:25 :«Chi wayuu amülialakai naaʼin na waneinnua amülianneerü naaʼinña».

Waküjale namüin na waneinnua süchiki tü kasa wekirajaakalü anain wayaawateerü maʼin saaʼu jee nnojoleerü motuin shia waaʼin. Talateerü maʼin waaʼin weʼrapa anain nakuwaʼipa na waneinnua sutuma tia pütchikat (Aluw. 20:35).

Puuʼulaka tüü: Tü wane semaanakat anashi yootule pia süchiki tü pikirajaaitpakalü anain nümaa wanee püpüshi, wanee wawala, wanee wayuu piʼyataajiraakai amaa, wanee koleejiajiraakai pümaa, wanee kepiakai pejepünaa pünain jee niale nümaa wanee wayuu püntiraakai amaa sünain aküjaa pütchi. Mapülee putuma sukuwaʼipa pünüiki.

Soto paaʼin tüü: Nnojotsü waküjain namüin na waneinnua süchiki tü wekirajaakalü anain shiiʼiree «atüjakaiche maʼin pia» wamünüin, waaʼinrüin tia süpüla wakatchinrüin naaʼin na waneinnua (1 Cor. 8:1).