¿Piiʼiyatüirü soʼu tü palajatkat pukua jamüin sukuwaʼipa ekirajawaa sünain tü Wiwüliakat?
Wanaa sümaa püküjüin namüin na wayuukana pikirajeein naya sünain tü Wiwüliakat, naküjüin nnojoluin jamajatüin namüin otta nekirajaainnapain suluʼu tü iküleesia noʼunakat aluʼu. Tü neʼraajakat süchiki ekirajawaa sünain tü Wiwüliakat shia neʼe tü natüjaakat aaʼu, nnojotsü natüjaain aaʼu anain maʼin otta natüjeenain wainma kasa sünainjee. Suulialeʼeya püküjüin namüin na wayuukana pikirajeein naya sünain tü Wiwüliakat, pükatala palitchon minuuto soʼu tü palajatkat pukua süpüla piiʼiyatüin namüin jamüin sukuwaʼipa. Müsü aka waküjüle nümüin wanee wayuu watüjüin aʼlakajawaa otta wouyanteenain sümaa walüʼüjüin eküülü jaʼyuusü. Shia analeeka aluʼu wooʼulakirüi nia seʼeje, ¿aashimüin? Anuu wanee shiyaawase sutuma Waʼyataain Nümüin Maleiwa ojuʼitaka tisienpüroʼu 2008, süpana 6. Eesü süpüla paainjüin shia motsoʼo.
«Saaʼin pümüin ¿ekeraajeerü tü pütchi ashajünakat yaaya? [Paashajeʼera Isaías 33:24 otta puuʼulaa nasouktai.] Teeʼiyatüin paala pümüin wanee pütchi aashajaaka süchiki tia.» Paapa nümüin tü karalouktakat Kasa shikirajaka otta piiʼiyata tü pütchi suluʼukat süpana 36, pütchi 22. Paashajeʼera tü asakiraa wünaapünaakat sünain tü süpanakat, püchunta nümüin jülüjüinjatüin naaʼin tü süsouktiakat sümaʼainruʼu paashajeʼerüin shia. Süchikijee, paashajeʼera tü asakiraakat süchikuaʼa otta paapaja nünüiki. Paashajeʼera nümaa wanee pütchi suluʼujeejatü tü Wiwüliakat. Paainja wanee asakiraa püsouktajatka puuyantapa püchikuaʼa otta püküja tü kaʼi puuyantüinjatkat oʼu. Paainjüle tia, ¡oʼttüichipa pia sünain ekirajaa sünain tü Wiwüliakat!