Abril

Jehová siervokuéra yma guare ohasa vaʼekue heta mbaʼe nohaʼarõietéva. Jahechamína la oiko vaʼekue Jacob rehe. Itúa omanda vaʼekue chupe oho hag̃ua oheka hembirekorã Labán rajykuéra apytégui, Labán ningo peteĩ ipariénte oadoráva Jehovápe. Avei itúa oasegura Jacóbpe Jehová ovendesitaha chupe (Gén. 28:​1-4). Upémarõ Jacob ojapo la ojeʼéva chupe ha osẽ oho Canaángui. Upéi og̃uahẽ Labán rógape, haʼe ningo mokõi itajýra hérava Lea ha Raquel. Jacob oñenamora Raquel rehe. Upévare heʼi Labánpe: “Ambaʼapóta ndéve 7 áño nde rajy imitãvéva Raquel rehe” (Gén. 29:18). Péro oiko peteĩ mbaʼe Jacob nohaʼarõiete vaʼekue. Labán ombotavy Jacóbpe ha omeʼẽ chupe hembirekorã itajýra ypykue Lea. Una semána haguépe Labán opermiti Jacóbpe omenda itajýra Raquel rehe, péro upearã ombaʼapove vaʼerã chupe 7 áño mas (Gén. 29:​26, 27). Péro ndahaʼéi upévante. Ombaʼapóvo oñondive, Labán heta vése itráto vai vaʼekue Jacob ndive. Amo ipahápe Labán ojaprovecha Jacob rehe 20 áño aja (Gén. 31:​41, 42). w23.04 15 párr. 5

¿Mávapepa ikatu jajerure ñanekonsola ha ñandegia hag̃ua? Ñande jaikuaa mávapepa: Ikatu ñañemboʼe Jehovápe ha jajerure chupe tañanepytyvõ. Jehová voi oipota jajapo upéva, haʼe ñanemokyreʼỹ ‘ñañemboʼe hag̃ua chupe kontinuadoite’ (1 Tes. 5:17). Kyhyjeʼỹme ikatu ñañemboʼe Ñandejárape haʼe ñandegia hag̃ua entéro mbaʼépe (Prov. 3:​5, 6). Jaikuaa ningo Jehová ipojeraitereiha, upévare haʼe ndeʼíri mboy vése pevéntepa ikatu ñañemboʼe chupe. Jesús ohechakuaa vaʼekue Jehová omombaʼetereiha ñane orasión. Ou mboyve ko yvy ape ári, hetaiterei tiémpo Jesús ohecha vaʼekue mbaʼéichapa Itúa okontesta umi kuimbaʼe ha kuña ijerovia mbaretéva ñemboʼe. Por ehémplo Jesús oĩ vaʼekue Itúa ykére haʼe okontestárõ guare Ana, David, Elíaspe ha hetaitereive ótro isiervokuéra ifiélvape (1 Sam. 1:​10, 11, 20; 1 Rey. 19:​4-6; Sal. 32:5). Upévare ndajahecharamói Jesús heʼi hague idisipulokuérape oñemboʼe vaʼerãha pyʼỹi ha kyhyjeʼỹme (Mat. 7:​7-11). w23.05 2 párr. 1, 3

Pe saserdóte Jehoiadá orrespeta vaʼekue Ñandejárape ipyʼaite guive. Jezabel membykuña hérava Atalía ojupi vaʼekue ogoverna Judápe nokorrespondéiramo jepe chupe. Omandaségui ojukapase vaʼekue pe rréi familiarépe haʼéva inietokuéra, pórke upéicharõ haʼe añoite opytáta ogoverna (2 Crón. 22:​10, 11). Péro Jehoiadá rembireko hérava Jehosabeat osalva Jehoáspe, haʼéva peteĩva pe rréi familiare. Jehosabeat ha iména oreko kuri kañyháme upe mitãme ha oñangareko hese. Péicha oipytyvõ hikuái ani hag̃ua oñehundipa David familiare, ha oĩ hag̃ua peteĩ ikatútava upéi ojupi de rréi. Jehoiadá ohechauka ifielha Jehovápe ha ndopytái oryrýi osusũ okyhyjégui Atalíagui. Jehoás orekórõ guare 7 áño, Jehoiadá ohechauka jey vaʼekue ifielha Jehovápe. Upérõ guare okalkula porã la ojapótava, ha osẽ porãrõ chupe la iplán Jehoásgui oikóta rréi. Jehoás ningo David familiare ha upévare okorresponde chupe ogoverna. Péro nosẽirõ Jehoiadápe la okalkula haguéicha, katuete ojejukáta kuri chupe. ¿Mbaʼépa oiko upéi? Jehová vendisión rupive osẽ porãmbaite la ojekalkula vaʼekue. w23.06 17 párr. 12, 13

Rréi Nabucodonosor ikatu kuri opensa Daniel opuʼãha hese ha omanda ojejuka hag̃ua chupe. Péro Daniel ipyʼaguasu ha omombeʼu mbaʼépa heʼise upe osoña vaʼekue. ¿Mbaʼépa oipytyvõne rakaʼe Daniélpe ipyʼaguasu hag̃ua? Katuete imitãrõ guare itúa ha isy omoĩ chupe ehémplo iporãitereíva (Deut. 6:​6-9). Upéicha rupi Daniel oikuaa vaʼekue umi Diez Mandamiénto. Péro ndahaʼéi upévante, síno oikuaa avei umi detálle omboʼéva pe léi. Por ehémplo ontende vaʼekue mbaʼépa ikatu hoʼu ha mbaʼépa ndovaléi hoʼu peteĩ israelita (Lev. 11:​4-8; Dan. 1:​8, 11-13). Daniel oaprende vaʼekue avei mbaʼépa ohasa Ñandejára puévlo ha mbaʼépa oiko hesekuéra naiñeʼẽrendúirõ guare (Dan. 9:​10, 11). Avei entéro mbaʼe ohasa vaʼekue oasegura Daniélpe Jehová ha umi hiʼánhel ipoderosoitéva oipytyvõtaha chupe toiko la oikóva (Dan. 2:​19-24; 10:​12, 18, 19). w23.08 3 párr. 5, 6

Rebeca iñarandu ha idesidída vaʼekue. Haʼe oikuaa vaʼekue mbaʼe moméntopepa ha mbaʼépa la ojapo vaʼerã (Gén. 24:58; 27:​5-17). Rebeca opororrespeta ha naiprovlémai vaʼekue ojapo hag̃ua la ojeʼéva chupe (Gén. 24:​17, 18, 65). Peẽ mitãkuñanguéra ikatu pesegi iñehémplo peneumíldevo. Péicha peapojáta umi Jehová omoĩvape oporodirihi hag̃ua ha pemoĩta ehémplo porã pene famíliape ha kongregasiónpe. Entéro kristiáno ijerovia mbaretéva tekotevẽ ohechakuaa umi mbaʼe ndaikatúiva ojapo. Por ehémplo Ester oikóramo jepe chugui rréina, orrekonose vaʼekue la ndaikatúiva ojapo ha noñemombaʼeguasúi. Haʼe ohendu ha osegi pe konsého omeʼẽva chupe iprímo Mardoqueo (Est. 2:​10, 20, 22). Ester omoĩ ehémplo porã mitãkuñanguérape g̃uarã. Peẽ ikatu perrekonose la ndaikatúiva pejapo pejerurévo konsého ótrope ha pejegiávo upévare (Tito 2:​3-5). Ester avei orrespeta vaʼekue ótro opensáva. Haʼe ningo “imólde porãiterei vaʼekue ha iporãiterei voi”, péro ndoikói ojapo mbaʼeve oñemaña hag̃ua hesénte (Est. 2:​7, 15). w23.12 19, 20 párr. 6-8

Ikatu oime jaiko jajekulpaháre ha upéva haʼe peteĩ kárga jaipeʼa vaʼerã ñandejehegui. Oimérõ ñamombeʼúma ñande pekádo, ñañarrepentíma ha jajapo ikatúva guive ani hag̃ua jaʼa jey upévape, ñaimekuaa segúro Jehová ñaneperdonáma hague (Hech. 3:19). Jajapo rire koʼã mbaʼe Jehová ndoipotavéima jasegi jajekulpa oikuaágui upéva ikatuha ñandeperhudika (Sal. 31:10). Jajúramo ñañembyasyeterei ikatu hína ñañentrega ha jaheja pe karréra jaikove hag̃ua pára siémpre (2 Cor. 2:7). Oimérõ jasegi jajekulpa la jajapo vaʼekuére, ñapensa meme vaʼerã Jehová ‘oporoperdonakuaaitereiha’ (Sal. 130:4). Jehová opromete umi oñarrepentívape ipyʼaite guive: ‘Nachemanduʼamoʼãvéima pende pekadokuérare’ (Jer. 31:34). Upéva heʼise Jehová nopensaveimaha umi pekádo operdonáma vaʼekuére. Ani ñarrenega ñandejehe oimérõ japerde raʼe algún priviléhio térã rresponsavilida kongregasiónpe. Jehová ndosegíri opensa ñande pekadokuérare ha ñande avei ndovaléi jajapo upéva. w23.08 30 párr. 14, 15

Pe pandémia de COVID-19 aja, umi oguerovia vaʼekue umi informasión japu ojepyʼapyeterei, péro ñande testígo de Jehová ndajaikói ñañekevrantaháre jasegígui pe gía oúva ñane organisasióngui (Mat. 24:45). Tekotevẽ jajesareko ‘umi mbaʼe iñimportantevévare’ (Filip. 1:​9, 10). Jahejárõ heta mbaʼe ñandedistrae japerdéta heta tiémpo, ikatu jaiko ñanekaneʼõháre ha ndajajapovéi umi mbaʼe iñimportánteva. Oĩ umi mbaʼe jajapóva jepi voi, por ehémplo jakaru, jaʼu vevída, jajediverti ha ñambaʼapo, péro ikatu hína jaheja koʼã mbaʼe ñandedistrae oúramo iñimportantetereíma ñandéve g̃uarã (Luc. 21:​34, 35). Avei káda día ñahendu ha jalee umi informasión oñeʼẽva umi manifestasión ha polítikare. Jajasegura vaʼerã pono koʼã mbaʼe ñandedistrae, osino jaladeasétama peteĩvape ñane pensamiénto ha ñane korasõme. Heta mbaʼe Satanás oipuru ñanemokangységui anivéma hag̃ua jajepytaso mbarete. w23.07 16, 17 párr. 12, 13

Jehová puévlope g̃uarã pe Konmemorasión haʼe pe día iñimportantevéva. Upéva añoite la Jesús omanda vaʼekue idisipulokuérape ogueromanduʼa hag̃ua (Luc. 22:​19, 20). Ñanepytyvõ avei jaikuaa hag̃ua mbaʼéichapa ikatu jahechauka ñandeagradesidoha Jesús sakrifísiore (2 Cor. 5:​14, 15). Avei omeʼẽ ñandéve heta oportunida ñañomokyreʼỹ hag̃ua ñane ermáno ha ermanakuérandi (Rom. 1:12). Umi ohóva primera ves oñesorprende umi mbaʼe ohechávare ha ohendúvare, upévare odesidi ostudia la Biblia. Ndareíri ñamombaʼete pe konmemorasión día. ¡Ñanemopirĩmba jaikuaávo mbaʼeichaitépa oĩ unído ñane ermanokuéra upe díape! w24.01 8 párr. 1-3

Amáske jajepyʼamongeta la Jehová ha Jesús opaga vaʼekuére ñanderehehápe, ñanepytyvõta ñantende porãve hag̃ua mbaʼeichaitépa haʼekuéra ñanderayhu káda únope (Gál. 2:20). Pe rreskáte ningo peteĩ rregálo ohechaukáva Jehová ñanderayhuetereiha. Upearã haʼe osakrifika la ohayhuvéva: Jesús. Jehová opermiti vaʼekue la Itaʼýra osufri ha omano ñanderehehápe. Jehová noñomíri la oñandúva, haʼe heʼi voi ñanderayhuetereiha (Jer. 31:3). Jehová ñanderayhu rupi ñanemoag̃ui ijehe (ekompara Deuteronomio 7:​7, 8 heʼívare). Ndaipóri mbaʼeve ni avave ñandepeʼa vaʼerã Jehová mborayhúgui (Rom. 8:​38, 39). ¿Mbaʼéichapa nde reñeñandu reikuaa haguére upéva? w24.01 28 párr. 10, 11

Umi kristiáno unhído ovaloraiterei pe esperánsa orekóva hikuái. Peteĩ ermáno unhído hérava Frederick Franz omombeʼu vaʼekue la oñandúva. Haʼe heʼi: “Ore esperánsa oñekumplíta katuete. Káda uno roiméva umi 144.000 apytépe, rorresivíta la Ñandejára opromete vaʼekue oréve. La haʼe omeʼẽtava oréve iporãitevéta la ore ikatúvagui roñeimahina”. Áño 1991-pe ermáno Franz heʼi: “Ore rosegi romombaʼe ore esperánsa. Amedída ke rohaʼarõ, rovaloraiteve voi. Ovale la péna la rohaʼarõva. Koʼág̃a che amombaʼevéntema la che esperánsa yma guarégui”. Tahaʼe jareko esperánsa jaikotaha yvágape térã ko yvy ape ári, ñanembovyʼaiterei la ñaneraʼarõva, ha káda día ikatu ñaimeve segúro oñekumplitaha katuete. w23.12 9 párr. 6; 10 párr. 8

Pe tavernákulo entráda renondépe oĩ vaʼekue peteĩ altár de kóvre ha upépe ojeofrese vaʼekue umi animál ojesakrifika vaʼekue Jehovápe (Éx. 27:​1, 2; 40:29). Péro umi sakrifísio rupive ndaikatúi vaʼekue oñeperdonambaite pe puévlo pekádo (Heb. 10:​1-43). Pe tavernákulope kontinuadoite ojeofrese vaʼekue sakrifísioramo umi animál. Umíva orrepresenta vaʼekue pe sakrifísio ojejapótava upéi oñeperdonambaite hag̃ua yvyporakuéra pekádo. Jesús oikuaa vaʼekue Itúa ombou hague chupe ko yvy ape ári omeʼẽ hag̃ua hekove sakrifísioramo, péicha opaga hag̃ua pe rreskáte yvyporakuéra rehehápe (Mat. 20:28). Ha Jesús ojevautisárõ guare oñepresenta ojapo hag̃ua Jehová volunta (Juan 6:38; Gál. 1:4). Jesucristo omeʼẽ vaʼekue hekove “una ves ha opa ára g̃uarã”. Ko sakrifísio rupive oñeperdonáta ipekadokuéra umi ojeroviávape guive Jesucrístore (Heb. 10:​5-7, 10). w23.10 26, 27 párr. 10, 11

Ñandejehegui reínte ndaikatumoʼãi jajei pekádo ha ñemano poguýgui (Sal. 49:​7, 8). Upévare, Jehová omondo Jesucrístope omano hag̃ua ñanderehehápe. Amáske jajepyʼamongeta la Jehová ha Jesús ojapo vaʼekuére, ñamombaʼevétantema pe rreskáte. Adán opekárõ guare operde la posivilida oikovévo pára siémpre ha upéva káusare enterove ifamiliakuéra operde avei upéva. Ikatu hag̃uáicha opaga pe Adán operde vaʼekuére, Jesús oofrese hekove perfékto sakrifísioramo. Oikove aja pukukue ko yvy ape ári Jesús “ndopekái vaʼekue ha núnka ndaijapúi” (1 Ped. 2:22). Omanórõ guare Jesús perfékto vaʼekue, Adán iperfékto haguéicha opeka mboyve, péicha Jesús isakrifísio rupive opaga ojerrekupera hag̃ua la Adán operde vaʼekuére (1 Cor. 15:45; 1 Tim. 2:6). w24.01 10 párr. 5, 6

Jesús orresusita rire oike pe Santísimo oĩvape pe témplo espirituálpe. Koʼápe jahecha iporãiteveha yma guarégui la upéi Jehová ojapo vaʼekue ojeadora hag̃ua chupe haʼe oipotaháicha itémplo espirituálpe. Haʼe ojapo entéro koʼã mbaʼe itaʼýra sakrifísio rupive ha omoĩvo chupe oservi hag̃ua de súmo saserdóte. Yma Israélpe pe súmo saserdóte oike vaʼekue pe Santísimope, haʼéva peteĩ lugár yvypórante ojapo vaʼekue, ha haʼe oraha vaʼekue opresenta umi animál ruguykue. Jesús katu oñepresenta Jehová renondépe ha upearã oike vaʼekue “yvágape voi”, haʼéva pe lugár isagradovéva. Upépe Jesús opresenta vaʼekue hekove perfékto omeʼẽ vaʼekue ñanderehehápe. Haʼe ‘oipeʼaite hag̃ua pe pekádo oñemeʼẽ ijupe voi sakrifísioramo’ (Heb. 9:​24-26). Enterove ikatu jaservi Jehová témplo espirituálpe, tahaʼe jareko pe esperánsa jaikóvo yvágape térã ko yvy ape ári. w23.10 28 párr. 13, 14

Ñapensamína Jesús ojapóvare ñanderehehápe yvága guive, pórke haʼe ñande Rréi ha súmo saserdóte ñandeporiahuverekóva. Jesucristo rupive ikatu ñañemoag̃ui ‘Ñandejára trónore ha ñañemboʼe chupe, haʼe ningo imbaʼeporãiterei ñanendive’. Avei ikatu jajerure Ñandejárape ñandeporiahuvereko ha ñanepytyvõ hag̃ua “ñaikotevẽ jave” (Heb. 4:​14, 15). Jajepyʼamongetákena káda día umi mbaʼe Jehová ha Jesús ojapo vaʼekuére ha ojapóvare koʼág̃a ñanderehehápe. Opokoiterei ñanderehe jahechávo haʼekuéra ñanderayhuha, ha upéva ñanemomýi jaservi hag̃ua Jehovápe kyreʼỹme (2 Cor. 5:​14, 15). Jahechauka hag̃ua ñamombaʼetereiha ikatu ñaipytyvõ ótrope oiko hag̃ua chugui testígo de Jehová ha Jesús disípulo. Upéva la iporãvéva ikatúva jajapo (Mat. 28:​19, 20). Apóstol Pablo ojapo vaʼekue upéva. Haʼe oikuaa vaʼekue Jehová oipotaha “opaichagua persóna ojesalva ha oikuaa porã pe añetegua” (1 Tim. 2:​3, 4). w23.10 22 párr. 13, 14

Ñande jalee jepi ko versíkulo jahechauka hag̃ua la héntepe mbaʼéichapa jaikóta pe paraísope. ¿Mbaʼéichapa ikatu jaasegura ótrope ha ñandejupe oñekumplitaha katuete pe promésa oĩva Apocalipsis 21:​3, 4-pe? Jehová oprometérõ guare koʼã mbaʼe, omeʼẽ vaʼekue pruéva ohechaukáva mbaʼérepa ikatu jajerovia haʼe nopyrũmoʼãiha iñeʼẽre. Jehová opromete rire mbaʼéichapa ojeikóta pe paraísope, heʼi avei mbaʼérepa ikatu jajerovia oñekumplitaha. Umi versíkulo heʼi: “Ñandejára oguapýva pe trónope heʼi: ‘Ambopyahu hína entéro mbaʼe’. Ha heʼi avei: ‘Eskrivíkena koʼã mbaʼe, pórke koʼã ñeʼẽ ningo siertoite ha umi hénte ikatu ojerovia hese’. Ha heʼi chéve: ‘¡Umi mbaʼe oikopáma! Che hína Alfa ha Omega, pe iñepyrũ ha pe ipahaite’” (Apoc. 21:​5, 6a). w23.11 3 párr. 3-5

Peteĩ mitãrusu oaprendémava opensa Jehová ojapoháicha, ojekuaa oñemonde lájare ha oikytĩka lájare iñakãrangue. Pyʼỹinte umi ojapóva umi ao ha omopropagándava umíva, ndorrespetái Jehovápe ha hekokyʼa avei. Upéicha rupi umi ao ojapóva hikuái ijahustadoiterei ha omondéramo peteĩ kuimbaʼe omopínta kuña chupe. Peteĩ mitãrusu ijerovia mbaretéva odesidíta jave mbaʼéichapa oñemondéta oreko vaʼerã enkuénta mbaʼépa heʼi la Biblia ha avei umi ehémplo porã oĩva kongregasiónpe. Iporãta avei oñeporandúramo hikuái: “¿Ohechaukápa umi ao aiporavóva apensa porãha umi mbaʼe ajapóvare ha arrespetaha che rapichápe? ¿Ndahasýipa umi ótrope ohechakuaa hag̃ua pe añemonde lájare aserviha hína Ñandejárape?” (1 Cor. 10:​31-33). Katuete umi ermáno ha ermána, ha avei Jehová omombaʼéta pe mitãrusu opensa porãvape umi mbaʼe ojapótavare. w23.12 26 párr. 7

Yma pe “rréi del sur” opersegi vaʼekue derechoite Ñandejára siervokuérape (Dan. 11:40). Por ehémplo pe primera ha segunda gérra mundiál aja, heta ermánope oñemondo kárselpe ndohói haguére gerrahápe. Avei unos kuánto Testígo imitãvape oñemosẽ eskuélagui nomombaʼeguasúi haguére pe vandéra. Péro ndaʼareguasúi guive Jehová siervokuéra oikóva omandahápe pe “rréi del sur” ombohovái vaʼerã ótra kósa idiferénteva: Ndojeatakái umi ermánope derechoite, péro oĩ umi situasión tekotevẽhápe ohechauka hikuái ifiéltapa Jehovápe. Por ehémplo ojejapo jave umi kampáña polítika ikatu peteĩ ermáno oapojase peteĩva umi partído polítiko térã kandidátope. Haʼe ndohomoʼãi ovota péro ikatu ikorasõme oipota peteĩva umi kandidáto ogana. Iñimportánte añete la jajapóva rupive jahechauka nañañentremeteiha polítikare, péro ñañatende vaʼerã avei pono la ñapensáva ha ñañandúvape jaladea peteĩ polítikope (Juan 15:​18, 19). w23.08 12 párr. 17

Jadipara aja pe karréra jaikove hag̃ua pára siémpre, ‘jadipara vaʼerã ñagana hag̃uáicha pe prémio’ (1 Cor. 9:24). Jesús heʼi vaʼekue ‘ani hag̃ua núnka jaiko jakaru rasa, ñamokõ rasa térã ñañekevrantaiterei umi mbaʼe ñaikotevẽvare’ (Luc. 21:34). Kóva ha ótro téxto oĩva la Bíbliape ikatu ñanepytyvõ jahechakuaa hag̃ua mbaʼépepa ñakambia vaʼerã jasegi hag̃ua jadipara pe karréra jaikove hag̃ua pára siémpre. Ikatu ñaime segúro ñamohuʼãtaha ko karréra pórke Jehová ñanemombaretéta upearã (Is. 40:​29-31). Upévare aníkena jaheja mbaʼeve ñandejoko ha jasegi apóstol Pablo ehémplo. Haʼe ojapo vaʼekue ikatúva guive ogana hag̃ua pe prémio (Filip. 3:​13, 14). Ndaikatúi ótro odipara ñande vése ko karréra, péro Jehová ikatu ñanepytyvõ ñagana hag̃ua. Haʼe ñandeajudáta jagueraha hag̃ua umi kárga okorrespondéva ñandéve ha jaipeʼa hag̃ua ñandejehegui umi natekotevẽiva. Ani jaduda Jehová rupive ikatuha ñaaguanta ko karrérape ha ñagana. w23.08 31 párr. 16, 17

Jesús orekórõ guare 12 áño oĩ ituakuérandi Jerusalénpe (Luc. 2:​46-52). Péro oho jeývo hikuái hógape, ituakuéra ndopillái haʼe ndaiporiha hendivekuéra. José ha María rresponsavilida kuri ojasegura umi mitãnguéra oĩmbápa hendivekuéra. Ituakuéra otopávo Jesús rehe, María okulpa chupe opyta haguére Jerusalénpe. Jesús ikatu kuri heʼi isýpe iñinhustoha la heʼíva chupe, péro haʼe okontesta porãnte ituakuérape. “Haʼekuéra katu nontendéi mbaʼépa la haʼe heʼi vaʼekue chupekuéra”, upéicharõ jepe Jesús “osegi iñeʼẽrendu chupekuéra”. Mitãrusukuéra, ¿pende tuakuérapa sapyʼánte ojavy, térã ojagarra vai pendehegui álgo? ¿Ijetuʼúpa peẽme upéicha jave peneñeʼẽrendu chupekuéra? ¿Mbaʼépa ikatu penepytyvõ? Pepensa vaʼerã mbaʼéichapa Jehová oñeñandúta. La Biblia heʼi peneñeʼẽrendu jave, ‘upéva ogustaha ñande Ruvichápe’ (Col. 3:20). Jehová oikuaa pende tuakuéra sapyʼánte nontendeiha la pehasáva térã omoĩha hikuái umi rrégla ijetuʼúva oñekumpli hag̃ua, péro lomímonte peneñeʼẽrendúramo chupekuéra, upéva katuete ombovyʼáta Jehovápe. w23.10 7 párr. 5, 6

Koléhiope peteĩ ñane kompañéro ikatu heʼi testígo de Jehová okambia vaʼerãha la opensáva pe omosexualidáre. Jaasegura vaʼerã chupe ñarrekonoseha káda uno orekoha derécho odesidívo mbaʼépa ojapóta (1 Ped. 2:17). Upéi ikatu jaexplika pe persónape mbaʼépa heʼi la Biblia ha mbaʼéichapa ñanepytyvõ jaiko hag̃ua vyʼápe. Oĩ jave imbaretéva ijidéape, ani ensegída ñapensa jaikuaapaha la haʼe ogueroviáva. Ñamoĩ chupe peteĩ ne kompañéro de koléhiope g̃uarã naisentidoiha la ñande jaguerovia Ñandejára oexistiha. ¿Epensátapa haʼe ojerovia mbareteha pe evolusiónre ha oikuaaha heta mbaʼe pe témagui? Provávlemente ne kompañéro heʼínte hína la ohendu vaʼekue upérupi ha noanalisaporãi pe téma. Por ehémplo, ikatu ehechauka térã emondo chupe peteĩ informasión oĩva jw.org-pe. Upe rire, haʼe ikatu oñeʼẽse peteĩ artíkulo térã vidéo oĩvare upépe. Upéicharõ, jahechaukáramo jarrespetaha umi persónape ikatu ñaipytyvõ chupekuéra oikuaaseve hag̃ua la Biblia heʼíva. w23.09 17 párr. 12, 13

Ikatu ñaĩ segúro Jehová osegitaha ojevale ñanderehe ha ñanevendesi jajavýramo jepe. Upearã jajapo vaʼerã opa ikatúva ñaime porã jey hag̃ua hendive ha jasegi jajerovia hese (Prov. 28:13). Sansón iñimperfékto vaʼekue péro oñehaʼãmbaite osegi hag̃ua oservi Jehovápe. Sansón noñentregái ojavýramo jepe omendárõ guare Dalílare. Ha Jehová nopensái vaʼekue hese naipohãveimaha, síno ojevale jey hese ojapo hag̃ua peteĩ mbaʼe tuichaitereíva. Jehovápe g̃uarã Sansón ohechauka vaʼekue ijerovia mbareteha, upévare omoĩka héra umi ijerovia mbaretévandi Hebreos kapítulo 11-pe. Javyʼaite jaservi haguére ñande Ru ñanderayhuetévape. Haʼe omeʼẽse ñandéve fuérsa jahasa jave umi situasión ijetuʼúva. Upévare, Sansón ojapo haguéicha jajerurékena Jehovápe: “Nemanduʼamína cherehe ha chemombarete jey” (Juec. 16:28). w23.09 7 párr. 18, 19

Jehová ára hiʼag̃uietereíma rupi jajapose ikatúva guive japredika hag̃ua ñande rapichápe. Péro sapyʼánte ikatu jaduda jajapo hag̃ua, pórke jakyhyje la hénte ikatúvagui heʼi térã ojapo ñanderehe. Upéva oiko vaʼekue Pédrore. Pe pyhare Jesús ojehusgárõ guare, haʼe okyhyje heʼi hag̃ua haʼeha Jesús disípulo ha onega jey jey oikuaaha chupe (Mat. 26:​69-75). Péro tiémpo rire apóstol Pedro ipyʼaguasu ha ndokyhyjevéi. Upévare ikatu vaʼekue heʼi: “Ani pekyhyje umi mbaʼe omongyhyjévagui umi héntepe ni pejepyʼapyeterei” (1 Ped. 3:14). La Pedro heʼíva oasegura ñandéve ikatuha ñandepyʼaguasu ha ndajakyhyjevéi la héntegui. ¿Mbaʼépa ikatu ñanepytyvõ upearã? Pedro heʼi vaʼekue: “Pembotuicha vaʼerã Crístope pende pyʼapýpe pende Ruvicháramo” (1 Ped. 3:15). Péva heʼise jajepyʼamongeta vaʼerãha Jesucristo haʼeha ñane Governánte ha ipoderosoitereiha. w23.09 27, 28 párr. 6-8

Ñañatende porã vaʼerã ani hag̃ua jajapo “umi mbaʼe ndovaléiva mbaʼeverã ha oĩva pytũmbýpe” (Efes. 5:11). Jaikuaa porã peteĩ persóna oikóramo ohecha ha ohendu umi mbaʼe tieʼỹ, térã oñeʼẽramo pe tekovaíre, ifasilve upéi ojapo hag̃ua ivaíva (Gén. 3:6; Sant. 1:​14, 15). Satanás múndo oñehaʼã ñanembotavy. Upévare oipota jaguerovia ni michĩmi ndaivairiha umi mbaʼe ikyʼa ha itieʼỹva Jehovápe g̃uarã (2 Ped. 2:19). Ymaite guivéma Satanás oñehaʼã okonfundipa la héntepe ani hag̃ua opilla mbaʼépa oĩ porã ha mbaʼépa oĩ vai (Is. 5:20; 2 Cor. 4:4). Upévare umi pelíkulape, télepe ha Internétpe tódo el tiémpo oñeñeʼẽ umi mbaʼe ndogustáivare Jehovápe. Satanás oipota ñapensa umi mbaʼe ikyʼáva ha pe tekovai haʼeha álgo normál. Oipota avei ñapensa jaikóramo péicha nañandeperhudikamoʼãiha (Efes. 5:6). w24.03 22 párr. 8-10

Pe tavernákulo haʼe vaʼekue peteĩ óga kárpa umi israelita oguerováva hendivekuéra oho ohohápe. Haʼekuéra oipuru vaʼekue upe tavernákulo haimete 500 áñore oñemopuʼã peve pe témplo Jerusalénpe (Éx. 25:​8, 9; Núm. 9:22). Pe tavernákulo haʼe pe lugár umi judío oñembyaty haguépe oadora hag̃ua Ñandejárape ha oofrese hag̃ua umi sakrifísio (Éx. 29:​43-46). Péro pe tavernákulo orrepresenta vaʼekue avei peteĩ mbaʼe tuichavéva. Pe tavernákulo yma guare “ohechaukánte umi mbaʼe yvagapegua”, ha orrepresenta Jehová témplo espirituál tuichaitéva. Apóstol Pablo heʼi vaʼekue ‘pe tavernákulo orrepresentaha umi mbaʼe oĩva ko tiémpope’ (Heb. 9:9). Pe tiémpo Pablo oskrivírõ guare umi hebréope oĩma vaʼekue ko témplo espirituál. Ko témplo oñepyrũ vaʼekue oexisti áño 29-pe, pórke upe áñope Jesús ojevautisa. Upérõ haʼe oñepyrũ oservi de súmo saserdóte Jehová témplo espirituálpe (Heb. 4:14; Hech. 10:​37, 38). w23.10 26 párr. 6, 7

Peteĩ kristiánope g̃uarã iñimportánte avei ojahustaʼimi ha ojadapta. Por ehémplo okambia jave isituasión ha oúrõ ombohovái álgo ijetuʼúva, avei oĩramo opensa ha odesidi diferénteva chugui. Ñande Jehová siérvo ndajaikói ñañemohatã ñande jaʼévapente, síno jajadapta, ñaneumílde ha ñanembaʼerechakuaa. La Biblia heʼi Jehová haʼeha “pe Ita Guasu”, pórke haʼe nokambiái ha ojepytaso mbarete. Péro upéva ndeʼiséi haʼe oñemohatãha haʼe heʼívapente (Deut. 32:4). Okambiávo ohóvo la situasión ko múndope, Jehová osegi ojahusta ha péicha ojasegura oñekumplitaha ivolunta. Haʼe ñandekrea vaʼekue ijoguaháramo, upévare ñande avei ikatu jajahusta ha jajadapta okambia jave ñane situasión. La Biblia rupive Ñandejára omeʼẽ ñandéve heta konsého jadesidi porã hag̃ua tahaʼe haʼéva la jahasáva. Iñehémplo ha umi ikonsého rupive, Jehová ohechauka ñandéve haʼe haʼéramo jepe “pe Ita Guasu” noñemohatãiha haʼe heʼívapente. w23.07 20 párr. 1-3

La Bíbliape oñekompara Jehovápe peteĩ sy omokunuʼũvare imembyʼípe (Is. 66:​12, 13). Peteĩ sy ohayhuetereíva iveveʼípe ha oñangarekóva hese. Upéicha avei Jehová, ñandéve hasy asy jave álgo ikatu ñaime segúro haʼe ñanderayhuetereiha. Haʼe nopensamoʼãi ñanderehe nañanepohãveimaha jajapo mbaʼéramo álgo ivaíva (Sal. 103:8). Yma umi israelita ofalla vaʼekue Jehovándi heta vése, péro ombyasy jave hikuái la hembiapo vaikue ha ndojapovéi, haʼe oasegura vaʼekue osegiha ohayhu chupekuéra. Por ehémplo haʼe heʼi vaʼekue ipuévlo Israélpe: “Nde ningo neporãiterei chéve g̃uarã, che romombaʼe ha rohayhueterei” (Is. 43:​4, 5). Ha ñandéve avei Jehová ñanderayhu péicha, haʼe nokambiái. Jepe jaju mbaʼéramo tuichaiterei jajavy, ñañarrepentiha óra ha ñañemoag̃ui jey Jehováre, jahechakuaáta haʼe ñanderayhuha gueteri. Haʼe opromete voi ‘operdonambaitetaha ñane rembiapo vaikue’ (Is. 55:7). La Biblia heʼi voi Jehová ñaneperdonáramo, upéi ñañandutaha mbaʼéichapa haʼe ‘ñanemombarete jey’ (Hech. 3:19). w24.01 26, 27 párr. 4, 5

Jehová ikatu ñanepytyvõ jahasa jave peteĩ situasión ijetuʼúva. Ikatu tekotevẽ jajerure permíso ñane patrónpe jaha hag̃ua asambleahápe, térã ñakambiaʼimi hag̃ua ñande orário de traváho pono jafalta rreunionhápe. Jajapóramo koʼã mbaʼe ñameʼẽ oportunida Jehovápe ñanepytyvõ hag̃ua, ha ikatu oiko umi mbaʼe nañahaʼarõiva ha tuicha ñanesorprendéva. Jahechávo la Jehová ojapóva ñanderehehápe jajeroviavéta hese. Esdras iñumílde ha ojerure ajúda Jehovápe. Sapyʼánte Esdras ojepyʼapy vaʼekue irresponsavilidakuérare, péicha jave haʼe iñumílde ha oñemboʼe Jehovápe (Esd. 8:​21-23; 9:​3-5). Esdras ojerovia rupi Jehováre, umi ótro israelita oapoja chupe ha oñehaʼã ojerovia haʼe ojapoháicha (Esd. 10:​1-4). Ñande avei ikatu ñañemboʼe ñande pyʼaite guive Jehovápe jajepyʼapy jave ñane remikotevẽre, térã jakyhyjérõ la ikatúvare oiko ñane famíliare. w23.11 18 párr. 15-17

Jehová ndeʼíri jajapo vaʼerãha entéro mbaʼe Abrahán ojapo hagueichaite jaipotáramo haʼe heʼi ñanderehe ñandehustoha. Añetehápe ikatu jajapo heta mbaʼe jahechauka hag̃ua jajeroviaha Ñandejárare. Por ehémplo jarresivi porã umi ipyahúvape kongregasiónpe, ñaipytyvõ ñane ermanokuéra oikotevẽvape ha jajapo iporãva ñane família rehehápe. Entéro koʼã mbaʼe Ñandejára oguerohory ha ovendesíta (Rom. 15:7; 1 Tim. 5:​4, 8; 1 Juan 3:18). Avei japredikáramo kyreʼỹme, jajapóta hína peteĩ mbaʼe iñimportantetereíva jahechauka hag̃ua jajeroviaha (1 Tim. 4:16). Umi mbaʼe jajapóva rupive ikatu jahechauka jajeroviaha Jehová promesakuéra oñekumplitaha ha la haʼe heʼíva siémpre iporãveha. Ha jajapóramo upéicha, ikatu ñaĩ segúro Ñandejára heʼitaha ñanderehe ñandehustoha ha ñande haʼeha iñamígo. w23.12 2 párr. 3; 6 párr. 15

Rréi David omano mbotápe heʼi vaʼekue Salomónpe la jaleéva pe téxto koestediaguápe (1 Rey. 2:​1, 3). Entéro ermáno ojapo porãta osegírõ ko konsého. Upearã iñeʼẽrendu vaʼerã hikuái Ñandejára léipe ha osegi umi konsého oĩva la Bíbliape entéro mbaʼe ojapóvape (Luc. 2:52). ¿Mbaʼérepa iñimportánte mitãrusukuéragui oiko kristiáno ijerovia mbaretéva? Peteĩ kuimbaʼe oreko rresponsavilida iñimportantetereíva ifamíliandi ha kongregasiónpe. Peẽ mitãrusukuéra oiméne peikuaáma umi rresponsavilida ikatúva pereko amo gotyove. Ikatu oime peipota oiko pendehegui prekursór rregulár, siérvo ministeriál ha kon el tiémpo ansiáno. Avei oiméne pemendase ha penefamiliase (Efes. 6:4; 1 Tim. 3:1). Pehupyty hag̃ua koʼã mbaʼe ha pesẽ porã hag̃ua tekotevẽ oiko pendehegui peteĩ kristiáno ijerovia mbaretéva. w23.12 24 párr. 1, 2

Umi ansiánope oñenkarga oñangareko hag̃ua Jehová ovecha mimíre. Haʼekuéra ovalora ko traváho ha oservise iñermanokuérape, upévare ombaʼapo jejopy oñangareko porã hag̃ua Ñandejára ovechakuérare (Jer. 23:4; 1 Ped. 5:2). Javyʼaite jareko haguére koʼãichagua ermáno ñane kongregasiónpe. Umi ansiáno ikatu oaprende heta mbaʼe Gedeón ehémplogui (Heb. 6:12). Haʼe ogia ha oprotehe vaʼekue Ñandejára puévlope (Juec. 2:16; 1 Crón. 17:6). Gedeón kásoicha, umi ansiánope oñenombra oñatende hag̃ua Jehová puévlore peteĩ tiémpo ijetuʼuetereívape (Hech. 20:28; 2 Tim. 3:1). Gedeón ehémplo porã pórke haʼe iñumílde, iñeʼẽrendu ha iñaguánte vaʼekue okumpli porã hag̃ua iñasignasión. Ñande ndahaʼéiramo jepe ansiáno ikatu ñañehaʼã ñamombaʼeve umi ansiánope, ha jaapoja koʼã ermáno ombaʼapo jejopyetévape oñangareko hag̃ua kongregasiónre (Heb. 13:17). w23.06 2 párr. 1, 3