Septiembre

Ñandejára omeʼẽ Jesúspe pe podér oikotevẽva osolusiona hag̃ua kompletoite umi provléma orekóva yvyporakuéra. Oĩ ningo umi provléma ñande ndaikatumoʼãiva núnka ñasolusiona, péro umi milágro rupive Jesús ohechauka haʼe ikatuha. Jesús oreko podér ohundi hag̃ua pe pekádo ha umi mbaʼasy ha pe ñemano (Mat. 9:​1-6; Rom. 5:​12, 18, 19). Umi milágro ohechauka Jesús ikatuha “omonguera opaichagua mbaʼasy” ha omoingove jey umi omano vaʼekuépe jepe (Mat. 4:23; Juan 11:​43, 44). Avei oreko pe podér ikatu hag̃uáicha ojoko umi yvytu atã ha ipuʼaka umi demoniokuérare (Mar. 4:​37-39; Luc. 8:2). Ajépa ñanetrankilisaite jaikuaávo Jehová omeʼẽ hague Itaʼýrape tuichaite podér. Ñaimekuaa segúro katuete oñekumplitaha umi vendisión oñepromete vaʼekue Ñandejára Rréino poguýpe. Umi milágro Jesús ojapo vaʼekue ohechauka ñandéve mbaʼépa ojapóta oparupiete ko yvy ape ári, pórke haʼe hína pe Rréi Ñandejára Rréinope. w23.04 3 párr. 5-7

Oiméramo nde reime peteĩ kongregasión oĩhápe heta puvlikadór, sapyʼánte ikatu emopuʼã heta vése nde po rekomenta hag̃ua, péro noñemeʼẽi ndéve. Oiméramo upéicha, ikatu repensa ikuentavetaha neremopuʼãvéintema la nde po. Péro aníkena reñentrega. Eñehaʼã eprepara hetave komentário, ani peteĩnte. Pórke upéicharõ nerekomentáirõ umi párrafo oĩva oñepyrũvo, ikatúta rekomenta pe estúdio pukukue aja. Eprepara jave pe Ñemañaha ojestudiátava, epensa mbaʼéichapa káda párrafo oho pe artíkulo témare. Upéicha erekovéta oportunida ekomenta hag̃ua peteĩ idéa iporãva. Ótra kósa ikatúva rejapo haʼe ejeprepara porã ekomenta hag̃ua umi párrafo omyesakãva umi enseñánsa bíblica hypyʼũvéva. Koʼãichagua párrafo ijetuʼu rupi oñemyesakã hag̃ua, saʼive oĩ umi omopuʼãva ipo okomenta hag̃ua. ¿Péro mbaʼépa rejapokuaa ndaikatúiramo rekomenta eñehaʼãmbaitérõ jepe? Oñepyrũ mboyve pe rreunión, ikatu reñemongeta pe ermáno odirihívandi pe estúdio, ha ere chupe mbaʼe párrafopepa rekomentase. w23.04 21, 22 párr. 9, 10

José kyreʼỹme osegi vaʼekue Jehová gía, upévare omoakã porã vaʼekue hogapy. La Biblia omombeʼu 3 kásope Ñandejára heʼi hague Josépe la ojapo vaʼerã ifamília rehehápe. Ha José ensegída ojapo upéva, ndahaʼéiramo jepe la ifasilpáva chupe g̃uarã (Mat. 1:20; 2:​13-15, 19-21). José iñeʼẽrendu rupi Jehovápe oñangareko porã Maríare ha oprotehe chupe. Katuete María ohechávo upéva, ohayhuve ha orrespetave Josépe. ¿Mbaʼéichapa menakuéra ikatu pesegi José ehémplo? Upearã pesegi vaʼerã Jehová konsého oĩva la Bíbliape pekuida hag̃ua pene famíliare. Sapyʼánte ikatu ijetuʼu pesegi hag̃ua umi konsého, péro pejapóramo pehechaukáta pehayhuha pene rembirekópe ha pene matrimónio imbaretevéta. Peteĩ ermána oikóva peteĩ país héravape Vanuatu ojapóma mas de 20 áño omenda hague, ha haʼe heʼi: “Ahechávo che ména ohekaha Jehová gía ha osegiha ikonsého, arrespetave chupe. Añeñandu segúra porã ha akonfiave la odesidívare”. w23.05 21 párr. 5

Umi judío oho jeýva hetãme haʼe vaʼerã “peteĩ puévlo sagrádo” (Deut. 7:6). ¿Heʼisépa upéva umi judío osẽtava Babilóniagui ojapo porã hague opa mbaʼe? No, haʼekuéra okambia vaʼerã kuri heta mbaʼépe Jehová oguerohory hag̃ua chupekuéra. Heta judío onaséma vaʼekue voi Babilóniape. Upévare opensa ha ojapo heta mbaʼe umi babilónioicha. Heta áño oho rire unos kuánto judío Israélpe, pe governadór Nehemías tuichaiterei oñesorprende oikuaárõ guare umi judío familiakuéra noñeʼẽkuaaveimaha hebreo (Deut. 6:​6, 7; Neh. 13:​23, 24). Ñandejára Ñeʼẽ ningo ojeskrivi vaʼekue hebréope, ¿ha mbaʼéicha piko upéicharõ umi judío familiakuéra ohayhu ha oadoráta Jehovápe ni noñeʼẽiramo upe idióma? (Esd. 10:​3, 44). Upéicharõ tekotevẽ kuri koʼã judío tuicha okambia, péro ifasilvéta ojapo hag̃ua upéva Israélpe, pe lugár ojeadorahápe Jehovápe haʼe oipotaháicha (Neh. 8:​8, 9). w23.05 15 párr. 6, 7

Ñanekyreʼỹramo jepe ñakumpli hag̃ua ñane méta, ñarrekonose vaʼerã ikatuha oñepresenta álgo ñandejokóva. Por ehémplo ‘ñahaʼarõʼỹve jave’ ikatu oiko álgo oipeʼapáva ñandehegui ñane tiémpo ha ndaikatuvéima ñañehaʼã jahupyty ñane méta (Ecl. 9:11). Térã ikatu jaju ñaneprovléma ha upéva ñanemokangy ha ñanedesanima (Prov. 24:10). Avei ñaneimperfékto rupi ikatu jajavy ha upéva ñanemomombyry ñane métagui (Rom. 7:23). Térã jajúnte ñanekaneʼõ (Mat. 26:43). ¿Mbaʼépa ikatu ñanepytyvõ péicha jave? Ñanemanduʼáke oĩramo álgo ñandejokóva, upéva ndeʼiséi ñañentregáma vaʼerãha. La Biblia heʼi ikatuha heta ñaneprovléma. Péro avei heʼi jasegi hag̃ua tenonde gotyo ñakumpli hag̃ua ñane méta. Upeichaite hína, ndajahejáiramo umi provléma ñandejoko jahechauka Jehovápe jaipotaha ñandeguerohory. Eñeimahinamína mbaʼeichaitépa oiméne Jehová ovyʼa ohechávo ñañehaʼãmbaiteha ñakumpli ñane méta. w23.05 30 párr. 14, 15

Pe prekursorádo oipytyvõ umi mitãrusúpe ojogueraha porã hag̃ua opaichagua persónandi. Avei oaprendéta oipuru hag̃ua ipláta ha ndoikomoʼãi ogastave la orekóvagui (Filip. 4:​11-13). Peñepyrũ hag̃ua pende servísio de tiémpo kompléto ikatu pejapo pe prekursorádo auxiliár, ha upéi peĩtama preparádo pejapo hag̃ua pe prekursorádo rregulár. Pejapóramo péicha, upéi ikatu oñepresenta peẽme hetave oportunida peservi hag̃ua de tiémpo kompléto. Por ehémplo pembaʼapo hag̃ua konstruksiónpe térã Betélpe. Entéro ermáno oñehaʼã vaʼerã okumpli umi rrekisíto oiko hag̃ua chugui ansiáno. La Biblia heʼi peteĩ kuimbaʼe ‘oñehaʼãmbaitéramo oservi ansiánoramo, ojaposeha peteĩ mbaʼe iporãva’ (1 Tim. 3:1). Primerorã peteĩ ermáno oservi vaʼerã de siérvo ministeriál kongregasiónpe. Umi siérvo ministeriál oipytyvõ umi ansiánope heta hendáicha. Umi ansiáno ha siérvo ministeriál iñumílde, oipytyvõ umi ermánope ha kyreʼỹme opredika. w23.12 28 párr. 14-16

Rréi Josías oreko vaʼekue 16 áño oñepyrũrõ guare oservi Jehovápe. Haʼe oikuaa porãseve vaʼekue Jehovápe ha ojapose ivolunta, péro ndahaʼéi vaʼekue la ifasilpáva. Upe tiémpope hetaiterei hénte oadora vaʼekue umi dios guaʼúpe. Upévare Josías ojokoséramo chupekuéra ipyʼaguasúmante vaʼerã, ha haʼe ohechauka ndaipyʼajuiha. Omboty mboyve 20 áño, Josías oñepyrũ oipeʼa pe rrelihión fálsa pe puévlogui (2 Crón. 34:​1, 2). Nde avei nemitãramo jepe ikatu edesidi esegi Josías ehémplo. Upearã eikuaave vaʼerã Jehovápe ha umi kualida porãite orekóva. Upéva nemomýita eñemeʼẽ hag̃ua chupe. ¿Mbaʼéichapa nepytyvõta reñemeʼẽramo Jehovápe? Lucas ojevautisa vaʼekue orekórõ guare 14 áño, ha heʼi: “Koʼág̃a guive amotenondéta che rekovépe Jehová servísio ha añehaʼãta ambovyʼa chupe” (Mar. 12:30). Nde avei ikatu rehupyty heta vendisión rejaposéramo upéva. w23.09 11 párr. 12, 13

Apóstol Pablo oskrivírõ guare 1 Tesalonicenses ndojapói gueteri ni un áño oñepyrũ hague upe kongregasión. Upévare oiméne umi ansiáno upepegua saʼi iñexperiénsia ha ikatu ojavy raʼe, péro ojerrespeta vaʼerã kuri chupekuéra. Oñemoag̃uívo ohóvo pe jehasa asy guasu koʼýte ñaikotevẽta ñandegia umi ansiáno ñane kongregasionpegua, pórke ndajaikuaái upe tiémpope ikatútapa ñañekomunika sukursál ndive térã pe sentrál mundiál ndive. Upévare koʼág̃ama ñañehaʼã vaʼerã jahayhu ha jarrespeta ansianokuérape. Tahaʼe haʼéva la oikóva, jasegi vaʼerã ñapensa hendaitépe ha ani jaiko ñamaña idefektokuérarente. Upéva rangue ñanemanduʼa vaʼerã Jehová ojevaleha Jesucristo rehe ogia hag̃ua koʼã ermánope. Pe kásko oproteheháicha peteĩ soldádo akã, péicha pe esperánsa oprotehe la ñapensáva ha jahechakuaa umi mbaʼe oofreséva ko múndo vyroreiha (Filip. 3:8). Pe esperánsa ñanepytyvõ ñaĩ hag̃ua trankílo ha ñapensa porã hag̃ua. w23.06 11, 12 párr. 11, 12

Umi ohendúva pe ‘kuña naiñarandúivape’ odesidi vaʼerã oaseptátapa térã nahániri la iñinvitasión. Ndahaʼéi vyroreíre la ñamboykete vaʼerã pe tekovai. Proverbios omombeʼu pe “kuña naiñarandúiva” heʼiha: “Pe y ahéno ningo heve ha heʼẽ asy voi” (Prov. 9:17). ¿Mbaʼépa “pe y ahéno”? Ótra pártepe la Biblia okompara “pe y porãite” pe rrelasión sexuál orekóvare ména ha tembireko oñondive (Prov. 5:​15-18). Peteĩ kuimbaʼe ha kuña omendáva añoite ikatu oreko oñondive rrelasión sexuál. Péro la Biblia heʼi jave “pe y ahéno” idiferentete hína. Ápe provávlemente oñeñeʼẽ tekovaíre, térã umi rrelasión sexuál Ñandejára léi oproivívare. Umi hekovaíva oñehaʼã jepi omokañy la ojapóva. Haʼete voi peteĩ mondaha ogueraháva mbaʼe ahéno. Pe “y ahéno” haʼete heʼẽ asýva umi opensávape g̃uarã ndojepillamoʼãiha chupekuéra, péro oñembotavy ijupe voi pórke Jehová ohecha opa mbaʼe. Ivaieterei hína japyta vai Jehovándi, ndaipóri ótra kósa ikatúva ñaneamargave upévagui. Ha ndahaʼeiete hína he ni heʼẽ asýva la jahasátava (1 Cor. 6:​9, 10). w23.06 22 párr. 7-9

¿Mbaʼépa oikóta oimérõ rehechakuaa ndereikoveimaha reñemboʼe nde pyʼaite guive? ¿Térã nderepredikavéima kyreʼỹme? Ani repensa Jehová nomeʼẽveimaha ndéve ijespíritu sánto. Ñande ñaneimperfékto ha sapyʼapyʼánte okambiánte voi mbaʼéichapa ñañeñandu. Oimérõ nanekyreʼỹvéi reikóvo, epensamína apóstol Pablo ehémplore. Haʼe oñehaʼãmbaite osegi Jesús ehémplo, péro sapyʼánte ndahaʼéi la ikyreʼỹmbáva ojapo hag̃ua upéva. Upéicharõ jepe haʼe ojedesidiete ojapotaha la oñehaʼarõva chugui. Péicha avei, redesidíta jave álgo, ani ejegia la eñandúvarente. Ejedesidíkena rejapotaha la iporãva sapyʼánte nderejaposepáiramo jepe upéva. Kon el tiémpo rehecháta mbaʼéichapa nekyreʼỹ jey (1 Cor. 9:16). w24.03 11, 12 párr. 12, 13

Ñande ikatu jahechauka jahayhuha ñane ermanokuérape ñañamigávo hesekuéra ha jahasávo tiémpo hendivekuéra (2 Cor. 6:​11-13). La majoría umi kongregasiónpe oĩ umi ermáno idiferénteva ojuehegui. ¿Mbaʼépa ñanepytyvõta jahayhu hag̃ua enterovévape? Ñañekonsentra vaʼerã umi kualida porã orekóvare hikuái. ¿Mbaʼéichapa ikatu jahechauka japorohayhuha? Jahecháramo umi ermánope Jehová ohechaháicha chupekuéra. Pe jehasa asy guasu aja iñimportantetereíta jajoayhu. Oñepyrũ vove pe jehasa asy guasu, ¿mbaʼéichapa Jehová ñandeprotehéta? Ñapensamína la Jehová heʼi vaʼekuére ipuévlope ojeatakátarõ guare Babilóniape: “Néike che puévlo, tapeho peike pende kotýpe, pemboty porã pene rokẽ. Pekañy sapyʼaite ohasa peve pe ára pochy” (Is. 26:20). Provávlemente pe jehasa asy guasu aja tekotevẽta avei ñande jasegi ko instruksión. w23.07 6, 7 párr. 14-16

Ani ñañemohatã ñande jaʼévape. Upévare iporãta ñañeporandúrõ: “¿Opensápa la hénte nañemohatãiha che haʼévapente ha antendeha enterovéva situasión? ¿Térãpa heʼi hikuái chembareteha che haʼévape, chekaprichosoha ha cheexihenteha? ¿Térãpa ahendu che rapichakuéra heʼíva ha ameʼẽ chupekuéra la gústo ikatu jave?”. Amáske nañañemotahãi ñande jaʼévapente, jahechauka jasegiha Jehová ha Jesús ehémplo. Okambia jave ñane situasión tekotevẽ jajahustaʼimi. Ikatu oñepresenta ñandéve umi mbaʼe núnka nañaimoʼãi vaʼekue jahasataha. Por ehémplo derrepentete ikatu jaju ñanderasy, jareko provléma ekonómiko térã ñande paíspe oñepyrũ heta provléma polítiko. Entéro koʼã mbaʼe ikatu okambiaite ñande rekove (Ecl. 9:11). Ikatu ijetuʼu avei ñandéve oñekambiáramo ñane asignasión Jehová servísiope. Ikatu ñasẽ porã jajapóramo koʼã mbaʼe: 1) Jaasepta la kámbio, 2) ñapensa umi mbaʼe ikatútavare jajapo ha ani la yma guarére, 3) ñañekonsentra umi mbaʼe porã jarekóvare, ha 4) jajapo iporãva ñande rapichakuéra rehehápe. w23.07 21, 22 párr. 7, 8

Proféta Daniel imitã kuri umi babilonio ojagarrárõ guare chupe de prisionéro ha ogueraha mombyry Jerusaléngui. Umi babilonio ohecharamoiterei vaʼekue chupe. Haʼekuéra ‘ojesegi la ohechávarente’ ha ohechakuaa Daniel ‘ndorekoiha mbaʼeve ivaíva ha ipínta porãha’. Avei ohechakuaa hikuái haʼe ouha peteĩ família iñimportántevagui (1 Sam. 16:7). Upévare umi babilonio odesidi ombokatupyry Daniélpe oservi hag̃ua pe rréi palásiope (Dan. 1:​3, 4, 6). Jehová ohayhu vaʼekue Daniélpe odesidi haguére ojapo iporãva. Por ehémplo, Jehová omensiona Daniel ihústo hague Noé ha Job ihústo haguéicha. Haʼekuéra heta áñore iñeʼẽrendu vaʼekue, péro Daniel katu upérõ 20 áñorupinte orekóne raʼe. Upéicharõ jepe Jehová ohechaukáma vaʼekue ojeroviaha hese (Gén. 5:32; 6:​9, 10; Job 42:​16, 17; Ezeq. 14:14). Oikove aja pukukue Daniel ifiél Jehovápe ha Haʼe osegi vaʼekue ohayhueterei chupe (Dan. 10:​11, 19). w23.08 2 párr. 1, 2

Oiméramo jajoguáta ñande rogarã, katuete jahaséta jarrevisa káda párte pe ógagui. Avei ikatu jajapo upéicha jalee ha jastudia jave la Biblia. Jalee pyaʼe pyaʼénteramo, sólamente jaikuaáta “umi mbaʼe primeroite ñaaprendéva Ñandejára mensáhegui” (Heb. 5:12). Ñanemanduʼami jeýna pe óga jajoguasévare. Jaikuaa porã hag̃ua jaikémante vaʼerã hyepýpe, upéicha avei jaikuaa porã hag̃ua Ñandejára Ñeʼẽ jastudia porãmante vaʼerã. Jastudia hag̃ua la Biblia ñanepytyvõta jahecháramo mbaʼéichapa peteĩ párte oñekonekta ótra pártere. Ñañehaʼã vaʼerã ñantende mbaʼépa la jagueroviáva ha mbaʼérepa. Ñantende porã hag̃ua la Biblia heʼíva oĩ umi mbaʼe hypyʼũva jastudia porã vaʼerã. Apóstol Pablo omokyreʼỹ vaʼekue ermanokuérape oñehaʼãmbaite hag̃ua ostudia Ñandejára Ñeʼẽ ikatu hag̃uáicha ontende porã “mbaʼéichapa ipe, ipuku, ijyvate ha ipypuku pe añetegua”. Péicha haʼekuéra ikatúta ‘oñembohapo pypuku ha ojepytaso mbarete’ (Efes. 3:​14-19). Ñande avei tekotevẽ jajapo upéicha. w23.10 18 párr. 1-3

La Bíbliape jatopa heta ehémplo oheja vaʼekue umi persóna ipasiénsiava ha iporãta jastudiárõ umíva. Por ehémplo, Davídpe ojeporavo vaʼekue imitãme oiko hag̃ua chugui rréi Israélpe, péro haʼe ohaʼarõ vaʼekue heta áño oñepyrũ hag̃ua ogoverna. Avei Simeón ha Ana oservi vaʼekue fiélmente Jehovápe ha ohaʼarõ pe Mesías (Luc. 2:​25, 36-38). Amedída ke jastudia koʼã rreláto iporãta ñañeporandu: “¿Mbaʼépa oipytyvõ vaʼekue upe persónape ipasiénsia hag̃ua? ¿Mbaʼe iporãvapa ohupyty vaʼekue ipasiénsia haguére? ¿Mbaʼéichapa ikatu asegi iñehémplo?”. Iporãta avei jastudia umi persóna naipasiénsiai vaʼekue ehémplo (1 Sam. 13:​8-14). Ikatu ñañeporandu: “¿Mbaʼérepa ko persóna ou raʼe naipasiensiavéi? ¿Mbaʼe ivaívapa oiko hese naipasiénsiai haguére?”. w23.08 25 párr. 15

Apóstol Pedro ifiél ha ndohejái vaʼekue mbaʼeve ojoko chupe omoirũ hag̃ua Jesúspe. Haʼe ohechauka vaʼekue upéva Jesús heʼírõ guare álgo nontendéiva idisipulokuéra (Juan 6:68). Heta oĩ vaʼekue nohaʼarõséiva ojeexplika raẽ upéva ha ohejántema Jesúspe. Péro Pedro ndojapói vaʼekue upéicha. Haʼe ifiél vaʼekue ha heʼi Jesúspe: “Ne ñeʼẽ ningo omeʼẽ jeikove opaveʼỹva”. Haʼe oikuaa vaʼekue Pedro ha ijapostolkuéra oheja reitaha chupe pe pyhare omano mboyve. Upéicharõ jepe, Jesús heʼi vaʼekue Pédrope okonfiaha hese ou jeytaha ha osegitaha ifiél (Luc. 22:​31, 32). Jesús oikuaa vaʼekue idisipulokuéra ‘ojaposeha iporãva péro hete ikangyha’ (Mar. 14:38). Upévare Pedro onega rire jepe oikuaaha Jesúspe, haʼe nopensái Pedro naipohãveimaha. Upéi Jesús orresusita rire ojaparese Pédrope, por lo vísto haʼe oĩ aja haʼeño (Mar. 16:7; Luc. 24:34; 1 Cor. 15:5). Oiméne upéva omokyreʼỹ raʼe Pédrope pórke haʼe ombyasyeterei la ojapo vaʼekue. w23.09 22 párr. 9, 10

Peteĩ persóna ojeroviáramo Ñandejárare, haʼe operdona térã oheja rei ipekadokuéra, ha ndoguerahavéima enkuénta umi mbaʼe vai ojapo vaʼekue (Sal. 32:​1, 2). Henondépe haʼe ihústo, pórke ojerovia hese. Ojeʼéramo jepe ihustoha Abrahán, David ha umi ótro Ñandejára siervokuéra ifiélvare, iñimperfékto vaʼekue hikuái. Péro ojerovia rupi Ñandejárare haʼe ohecha chupekuéra ihústovaramo, koʼýte okomparáramo chupekuéra umi ndojeroviáivare hese (Efes. 2:12). Pe kárta oskrivi vaʼekuépe umi rrománope, apóstol Pablo oexplika porã vaʼekue tekotevẽha jajerovia Ñandejárare jaiko hag̃ua iñamígoramo. Por ehémplo Abrahán ha David haʼe vaʼekue Ñandejára amígo, pórke haʼekuéra ojerovia hese. Ñandehegui avei ikatu oiko Ñandejára amígo jajerovia rupi hese. w23.12 3 párr. 6, 7

Koʼág̃a entéro kristiáno jareko pe oportunida porãite jaadorávo Jehovápe. Jaipuru ñane tiémpo, ñane mbaretekue ha ñane mbaʼerepy jaservi hag̃ua Ñandejárape. Jaagradeseterei ikatu haguére jaadora Jehovápe, upévare ñameʼẽ chupe la iporãvéva iservísiope. Apóstol Pablo omensiona unas kuánta kósa siémpre jajapo vaʼerã jaadorávo Jehovápe (Heb. 10:​22-25). Haʼe heʼi ñañemboʼe vaʼerãha Jehovápe, japredika, jaha rreunionhápe ñane kongregasióndi ha ñañomokyreʼỹ vaʼerãha. “Jajapo vaʼerã koʼã mbaʼe koʼýte koʼág̃a jahechávo Ñandejára día hiʼag̃uimbaitemaha”. Lívro de Apocalípsispe Jehová ánhel heʼi: “Eadora Ñandejárape” (Apoc. 19:10; 22:9). Haʼe heʼi upéva 2 vése voi ohechauka hag̃ua iñimportanteha. Aníkena ñanderesarái la ñaaprende vaʼekuégui Jehová témplo espirituálgui ha tuichaiterei mbaʼeha jaadora Ñandejára ndaijojaháivape. w23.10 29 párr. 17, 18

Enterovéva ‘jasegise jajoayhu’. Péro ani ñanderesarái Jesús ñandeavisa hague ‘hetaiterei hénte outaha ndojoayhuvéi’ (Mat. 24:12). Jesús ndeʼiséi vaʼekue la majoría idisipulokuéra outaha ndojoayhuvéi. Upéicharõ jepe tekotevẽ ñañatende, pórke ko múndope la hénte noñeinteresái ojuehe ha upéva ikatu ova ñanderehe. Upévare, ¿mbaʼéichapa ikatu jaikuaa jasegípa jahayhu ñande pyʼaite guive ñane ermanokuérape? Jaikuaa hag̃ua mbaʼeichaite pevépa japorohayhu, por ehémplo jareko vaʼerã enkuénta mbaʼéichapa ñarreaksiona oñepresenta jave peteĩ situasión ijetuʼúva (2 Cor. 8:8). Apóstol Pedro oñeʼẽ peteĩ situasión peichaguáre. Haʼe heʼi: “Koʼýte pejoayhu vaʼerã pende pyʼaite guive, pórke pe oporohayhúva siémpre oĩ operdona hag̃uáicha hapichápe” (1 Ped. 4:8). Upéicharõ, la jajapóva oĩ jave ofalláva ikatu ohechauka ñandéve mbaʼeichaite pevépa japorohayhu. w23.11 10 párr. 12, 13

Jahayhúrõ algúnopente kongregasiónpe nañaneñeʼẽrendúi Jesús heʼi vaʼekuépe. Jaikuaa ikatuha jajepokuaave algúnore kongregasiónpe, Jesús voi ojepokuaave haguéicha algúno idisípulore (Juan 13:23; 20:2). Péro apóstol Pedro ñanemomanduʼa jahayhu vaʼerãha entéro ñane ermáno ha ermánape ñane hénte teéicha (1 Ped. 2:17). Pedro heʼi vaʼekue: “Pejoayhuetereíkena pende pyʼaite guive” (1 Ped. 1:22). Pe palávra “pejoayhuetereíkena” heʼise jahayhuha peteĩ persónape ijetuʼúrõ jepe ñandéve jahayhu chupe. Por ehémplo peteĩ ermáno heʼi térã ojapórõ álgo ñaneofende térã ñanelastimáva, provávlemente ensegída jajaposéta hese la mísma kósa, jahechauka rangue jahayhuha chupe. Péro Jesús ohechauka vaʼekue Pédrope Jehovápe ndogustaiha jajedeskita ñande rapicháre (Juan 18:​10, 11). Upévare Pedro oskrivi: “Ani pejapo ivaíva ótrore peñevenga hag̃ua, ni peñeʼẽ vai ótrore peñevenga hag̃ua. Upéva rangue, pejapo vaʼerã iporãva hesehápe” (1 Ped. 3:9). Jahayhuetereíramo ñane ermanokuérape jatrata porãta enterovépe ha ñanembaʼerechakuaáta. w23.09 28, 29 párr. 9-11

Umi mitã pyaʼe okakuaa ha upéi ikuñataĩma ha ikariaʼýma, haʼete natekotevẽiva ojapo mbaʼeve okakuaa hag̃ua. Péro oiko hag̃ua ñandehegui peteĩ kristiáno ijerovia mbaretéva, jajapómante vaʼerã ñande párte, upéva ndoikói péicha reínte (1 Cor. 13:11; Heb. 6:1). Upearã tekotevẽ ñamombarete ñane amista Jehovándi, ha ñaikotevẽ ijespíritu sántore. Avei ñañehaʼã vaʼerã jareko umi kualida porã, ñaaprende umi mbaʼe ideprovéchotava ñandéve ha jajeprepara ñakumpli porã hag̃ua umi rresponsavilida ikatúva jareko amo gotyove (Prov. 1:5). Jehová ojapo vaʼekue yvyporakuérape kuña ha kuimbaʼe (Gén. 1:27). Jaikuaa porã kuña ha kuimbaʼe idiferenteha ipíntape, péro hetave mbaʼépe idiferénte ojuehegui. Jehová ojapo kuña ha kuimbaʼépe okumpli hag̃ua umi rresponsavilida okorrespondéva káda únope. Mokõivévante oikotevẽ umi kualida oipytyvõtava chupe okumpli hag̃ua upe rresponsavilida, ha tekotevẽ avei oñembokatupyry upearã (Gén. 2:18). w23.12 18 párr. 1, 2

Jesús oipota vaʼekue umi ótra hénte oipuru Ñandejára réra. Péro heta líder rrelihióso itiempopegua oproivi vaʼekue chuguikuéra upéva, pórke heʼi Ñandejára réra sagradoitereiha. Upéicharõ jepe, Jesús ndohejái vaʼekue ojoko chupe koʼã kostúmbre omombaʼeguasu hag̃ua Ñandejára réra. Epensamíntena la oiko vaʼekuére Jesús omonguerárõ guare peteĩ oñendemoniávape pe lugár héravape Gerasa. Upérõ umi hénte opyta vaʼekue okyhyjeterei ha ojerure Jesúspe oho hag̃ua upégui (Mar. 5:​16, 17). Upéicharõ jepe Jesús oipota vaʼekue la hénte upepegua oikuaa Jehová réra. Upévare haʼe ojerure pe kuimbaʼe oñendemonia vaʼekuépe teʼi umi héntepe mbaʼépa Jehová ojapo, ndahaʼéi mbaʼépa haʼe ojapo (Mar. 5:19). Koʼág̃a avei Jesús oipota ñamombeʼu oparupiete ko múndope Ñandejára réra (Mat. 24:14; 28:20). Ñañehaʼã jave jajapo upéva ñambovyʼa ñande Rréi Jesúspe. w24.02 10 párr. 10

Ajépa tuichaite mbaʼe ikatu haguére ñaime Jehová organisasiónpe koʼã ára pahápe. Amás día ko múndope ivaive la situasión, péro Jehová rupive jareko ñane ermáno ha ermanakuéra oĩva ñanepytyvõ hag̃uáicha (Sal. 133:1). Jehová omeʼẽ voi ñandéve pe gía ñaikotevẽva jaiko hag̃ua vyʼápe ñane famíliandi (Efes. 5:33–6:1). Haʼe ñanemoarandu ikatu hag̃uáicha jareko pe trankilida ha jaiko vyʼápe. Upéicharõ jepe ñañehaʼãmbaite vaʼerã ani hag̃ua ñañentrega ha jasegi jaservi Jehovápe ñande pyʼaite guive, pórke sapyʼánte ikatu ñanembopochy la ótro heʼi ha ojapóva. Ikatu avei ñañedesanima ñande voi jajavy jave, koʼýte jafalla jey jeýramo la mísma kósape. Jasegi vaʼerã jaservi Jehovápe koʼã situasiónpe: 1) Peteĩ ermáno ñaneofende jave, 2) ñane ména térã ñane rembireko ñanedesepsiona jave, ha 3) ñañedesepsiona jave ñandejehegui voi jajavy haguére. w24.03 14 párr. 1, 2

Katuete rehendúta oĩha ermáno ha ermána odesidíva ojapo hetave mbaʼe Jehová servísiope. Por ehémplo ikatu oime raʼe oho hikuái pe Eskuéla de Evanhelisadórpe térã ova peteĩ lugár oĩvehápe nesesida. ¿Omeʼẽpa ndéve ne situasión ejapo hag̃ua avei upéicha? Aníkena reduda upéicharõ. Entéro Jehová siérvo oheka voi siémpre mbaʼépa ikatu ojapove Jehovápe g̃uarã (Hech. 16:9). Péro ndaikatúirõ koʼag̃aite, ani repensa la rejapóva menoveha ovale umi ótro ojapóvagui. La iñimportantevéva hína esegi neaguánte (Mat. 10:22). Nemanduʼákena Jehová ovyʼaitereiha ohechávo rejapoha la iporãvéva omeʼẽháicha ndéve nde posivilida. Rejapóramo upéicha remoirũ meméta Jesúspe rejevautisa rire (Sal. 26:1). w24.03 10 párr. 11

Ñande Ru yvagapegua opromete ñaneperdonataha ñañarrepentíma guive (Sal. 86:5). Upévare ñambyasýramo ñande pyʼaite guive japeka haguére, ndaipóri jaduda hag̃ua Jehová katuete okumplitaha iñeʼẽ ha ñaneperdonataha. Ñanemanduʼákena haʼe ndahaʼeiha peteĩ Dios iñexihénteva, ha nohaʼarõiha ñandehegui jajapo la ndaikatumoʼãiva. Jehová ovaloraiterei la jajapóva chupe g̃uarã ñande pyʼaite guive tamichĩ jepe raʼe la jajapóva. Ñapensamíntena umi oservi vaʼekuére Jehovápe ipyʼaite guive. Por ehémplo apóstol Pablo ombaʼapo jejopy vaʼekue heta áñore, mombyrymbyry oviaha ha omoñepyrũ heta kongregasión. Péro upéi okambia la isituasión ha ndaikatuvéima opredika yma guaréicha. ¿Heʼisépa raʼe upéva Jehová ndovyʼaveimaha la haʼe ojapóvare? Nahániri. Pablo osegi vaʼekue ojapo opa ikatúva ha Jehová ovendesi chupe (Hech. 28:​30, 31). Upéicha avei la jajapóva Jehovápe g̃uarã ikatu okambia kon el tiémpo. Péro la iñimportánteva chupe g̃uarã ndahaʼéi voi mbaʼépa jajapo hína síno mbaʼérepa. w24.03 27 párr. 7, 9

Umi iñemboʼe rupive Jesús oheja ñandéve ehémplo porã jasegi hag̃ua. Haʼe opredika aja pukukue ko yvy ape ári, pyʼỹi oñemboʼe vaʼekue. Péro ojapo hag̃ua upéva, haʼe oñemotiémpomante vaʼerã, pórke sapyʼánte hembiapoiterei térã oĩ vaʼekue heta héntendi (Mar. 6:​31, 45, 46). Haʼe opuʼãmi voi porã oñemboʼe hag̃ua haʼeñoháme. Una vuéltape oñemboʼe peteĩ pyhare pukukue odesidi mboyve álgo iñimportánteva (Luc. 6:​12, 13). Ha pe pyhare omano mboyve, Jesús oñemboʼe vaʼekue heta vése ikatu hag̃uáicha okumplipa pe tembiapo ijetuʼuetéva oñemeʼẽ vaʼekue chupe (Mat. 26:​39, 42, 44). Jesús ehémplo ohechauka ñandéve ñanerembiapo hetaitereíramo jepe, tekotevẽha ñañemotiémpo ñañemboʼe hag̃ua. Jesús ojapo haguéicha ikatu ñañeorganisa porã ñañemboʼe hag̃ua, por ehémplo ikatu ñapuʼã voive pyhareve o jake tardemie. Jajapóramo péicha jahechaukáta jaagradeseha Jehovápe ko rregálo porãitére. w23.05 3 párr. 4, 5

Pe idióma griégope ko versíkulope ontendeka Jehová ohayhuetereiha umi unhídope ha upe mborayhu ikatu oñekompara peteĩ arrójo osyry hatã ha orrevosapávare. Peichaite peve ningo Jehová ohayhu umi unhídope, ha haʼekuéra oikuaa ‘Ñandejára ohayhuha’ chupekuéra (Jud. 1). Apóstol Juan ohechauka porã vaʼekue mbaʼéichapa oñeñandu umi unhído, heʼírõ guare: “¡Pepensamína mbaʼeichaitépa pe Túa ñanderayhu! Haʼe ñanerenói itaʼýra” (1 Juan 3:1). ¿Péro Jehovápa ohayhu umi unhídopente? Nahániri, Jehová ohechaukáma ñanderayhuha enterovépe voi. ¿Mbaʼépa la ohechauka porãvéva ñandéve Jehová ñanderayhuha? Upéva hína pe rreskáte. Péicha Jehová ohechauka ndaiporiha ótro oporohayhúva haʼéicha (Juan 3:16; Rom. 5:8). w24.01 28 párr. 9, 10

Ko versíkulo mboyve ohechauka mbaʼépa oipytyvõ kuri Davídpe anivéma hag̃ua okyhyje. Jepe haʼe ojapeligra kuri, ojepyʼamongeta mbaʼépa Jehová ojapóta hesehápe koʼẽrõite. David oikuaa porã Jehová orreskatataha chupe itiempoitépe. Hiʼarive Jehová heʼíma voi Davídpe haʼe haʼetaha pe sigiénte rréi de Israel (1 Sam. 16:​1, 13). Upéicha rupi Davídpe g̃uarã umi mbaʼe Jehová heʼíva katuete oñekumplíta. ¿Mbaʼépa opromete ojapotaha Jehová ñanderehehápe? Añetehápe nañahaʼarõi ñandeprotehe entéro provlémagui. Péro tahaʼe haʼéva la jahasáva, Jehová koʼẽrõite oipeʼapaitéta umíva pe múndo pyahúpe (Is. 25:​7-9). Ñande Ru ñanderayhuetéva ipoderosoiterei. Haʼe koʼẽrõite oipeʼáta opaichagua mbaʼasy, omoingove jeýta umi omano vaʼekuépe ha ohundíta umi mbaʼe vai apohápe (1 Juan 4:4). w24.01 6 párr. 12, 13

Ñapensa mbaʼérepa ñañemeʼẽ raʼe Jehovápe ha jajevautisa. Ñande jadesidi jajapo koʼã mbaʼe ñañemoĩségui Jehová ykére. Ñapensami mbaʼépa ñanekonvense vaʼekue jatopa hague la rrelihión verdadéra. Jaju jaikuaa porã Jehovápe, jahayhu ha jarrespeta chupe haʼégui ñande Ru yvagapegua. Ñañepyrũ jajerovia hese ha upéva ñanemomýi ñañarrepenti hag̃ua. Upéicha rupi ndajajapovéima umi mbaʼe ndogustáiva Jehovápe ha jaiko haʼe oipotaháicha. Katuete javyʼaiterei kuri jaikuaávo Ñandejára ñaneperdona hague (Sal. 32:2). Ñañepyrũ jaha umi rreunionhápe ha ñamombeʼu ñande rapichakuérape umi mbaʼe porãite ñaaprende vaʼekue. Ñañemeʼẽ rire Jehovápe ha jajevautisa jaguatáma jaikóvo pe tape oporoguerahávare jeikove opaveʼỹvape, ha jajedesidíma jasegitaha jaguata ko tapére (Mat. 7:​13, 14). Jajepytaso mbaretékena ha siémpre jahayhu Jehovápe ha ñaneñeʼẽrendu chupe. w23.07 17 párr. 14; 19 párr. 19

Jajepyʼamongetárõ la ñapromete vaʼekuére Jehovápe, omeʼẽta ñandéve la fuérsa ñaikotevẽva ñaaguanta hag̃ua umi tentasión. Por ehémplo, ¿jaikónepa ñanovillea peteĩ tembireko térã ména ahénore? Ni mbaʼevéicharõ, jaikuaa porã ñaprometéma hague Jehovápe ndajajapomoʼãiha umícha mbaʼe. Ndajahejáirõ umi deséo vai okakuaa ñande pype, upéi natekotevẽmoʼãi jalucha jaipeʼa hag̃ua ñandejehegui umi mbaʼe vai. Ndajadudamoʼãi ‘jajere hag̃ua umi mbaʼe vai ojapóvagui umi iñañáva’ (Prov. 4:​14, 15). Jesús ehémplo ikatu ñanepytyvõ pórke haʼe ojedesidiete vaʼekue ombovyʼataha Itúape. Jajedesidíramo haʼéicha, ensegída jarrechasaitéta oimeraẽ mbaʼe ndogustamoʼãiva Ñandejárape pórke ñañemeʼẽma chupe (Mat. 4:10; Juan 8:29). Oñepresenta jave umi situasión ijetuʼúva ha umi tentasión, jareko peteĩ oportunida jahechauka hag̃ua jasegiseha ñamoirũ Jesúspe, ha Jehová ñanepytyvõta jajapo hag̃ua upéva. w24.03 9, 10 párr. 8-10