¿Oikómante vaʼerãpa chehegui testígo de Jehová astudiáramo la Biblia hendivekuéra?

Nahániri, ndahaʼéi katuete upéicha. Hetaiterei hénte ostudia orendive la Biblia ha ndoikói chuguikuéra testígo de Jehová.a Ore rostudia umi héntendi rohechauka hag̃ua chupekuéra mbaʼépa omboʼe la Biblia. Upéi haʼekueraite ikatu odesidi ojapótapa umi mbaʼe oaprendéva. Amo ipahápe káda uno odesidi vaʼerã mbaʼe rrelihiónpepa ohose (Josué 24:15).

¿Ikatúpa aipuru che Biblia astudia jave umi Testígondi?

Si, ikatu. Oréve oregustavénte roipuru pe Traducción del Nuevo Mundo de las Santas Escrituras, ha reipotáramo ko Biblia ikatu romeʼẽ ndéve gratiete. Péro ore ndaoreprovlémoʼãi avei oiméramo reipuruse nde Bibliaite voi. Haimete oimeraẽ Bíbliagui ikatu reaprende pe mensáhe de esperánsa ha salvasión oĩva pype.

¿Mbaʼérepa umi Testígo ostudia la Biblia umi héntendi ndoikéiramo jepe irrelihiónpe?

• Primero, pórke rohayhueterei Ñandejára Jehovápe. Haʼe ningo oipota romboʼe umi héntepe entéro mbaʼe roaprendéva la Bíbliagui (Mateo 22:37, 38; 28:19, 20). Oréve g̃uarã tuichaiterei mbaʼe roiko Ñandejára ajudánteramo ha roipytyvõ umi héntepe oaprende hag̃ua la Biblia omboʼéva (1 Corintios 3:6-9).

• Ha segundo, pórke rohayhueterei ore rapichakuérape (Mateo 22:39). Rovyʼaiterei voi romombeʼúvo ótrope umi mbaʼe porã roaprendéva (Hechos 20:35).