Haʼekuéra ojerovia ha oprotehe Moiséspe

OJAPÓMA 60 áñorupi José omano hague. Koʼág̃a g̃uarã umi egipcio ni ndoikuaavéima mávapa rakaʼe ko kuimbaʼe ifieletéva, hiʼarive Jehová ndojevaléirire hese umi egipcio omanomba vaʼerãmoʼã vareʼágui. Jehová ovendesi rupi umi israelítape haʼekuéra amás día oñemboheta hetave. Péro koʼág̃a otroitéma la faraón, ha haʼe ndochaʼeieterei hesekuéra ha okyhyje chuguikuéra. Upévare umi egipcio oñepyrũ omaltrata umi israelítape ha oreko voi chupekuéra ijesklávoramo. Upéicharõ jepe, amás día haʼekuéra osegi heta hetave.

Upéi faraón okalkulami ojapo hag̃ua peteĩ mbaʼe ivaietereíva. Upearã ohenoika mokõi partéra hebréape, hérava Sifrá ha Pua. Upépe faraón heʼi chupekuéra ojuka hag̃ua entéro mitãʼi hebreo onasévape guive. ¡Eñeimahinamíntena mbaʼépa oiméne opensa raʼe hikuái! Haʼekuéra oikuaa ni umi governánte ipoderosovéva ndorekoiha pe autorida ojapoka hag̃ua chupekuéra ivaíva Jehová renondépe. Jehovángo pe governánte tuichavéva oĩva. Sifrá ha Pua ‘orrespeta ha omombaʼeguasu vaʼekue Ñandejárape’ ha upéva ombopyʼaguasu chupekuéra. Upévare “ndojapói pe rréi de Egipto heʼíva”, alrrevete katu ojapo hikuái. Haʼekuéra oñehaʼã oprotehe ha osalva entéro mitãʼi onasévape. Upéva káusare faraón ipochyeterei, péro koʼã mokõi partéra iletráda ha otopa la fórma omokañy hag̃ua chugui la ojapo vaʼekue. Jehová ohechapaite hína kuri la oikóva. Upévare “imbaʼeporã umi partérandi” ha tiémpo rire opermiti avei chupekuéra imemby.

Faraón opillávo ndoikói hague la iplán, okalkula ojapo hag̃ua peteĩ mbaʼe ivaietereivéva. Haʼe omanda umi egípciope omombo hag̃ua Rrío Nílope entéro mitãʼi hebreo onase ramóvape. Upe tiémpo ijetuʼuetévape peteĩ matrimónio israelita odesidi vaʼerã mbaʼépa ojapóta. Haʼekuéra orekóma voi kuri mokõi mitã, hérava Míriam ha Aarón. Péro koʼág̃a Jokébed hyeguasu jey. Haʼe ha iména Amram oikuaa upe mitã haʼéramo kuimbaʼe ojapeligra tuichaitereitaha. Onasérõ guare pe mitã haʼekuéra oñehaʼãmbaite oreko chupe kañyháme ikatuha peve, péro ijetuʼúne raʼe chupekuéra upéva. Upe mitã orekórõ guare 3 mése isy ojagarra peteĩ kanásto, omoĩmbaite hese vléke ha omoĩ pype la imembyʼi. Upéi haʼe oho omoĩ upe kanásto pe Rrío Nilo oríllape oĩháme umi kapiʼi yvate. Upépe Jokébed membykuñaʼi hérava Míriam, oho omaña la iñermanítore mombyrymi guive ohecha hag̃ua mbaʼépa oiko chugui.

Upe riremínte, faraón rajy oho ojahu Rrío Nílope. Upépe haʼe ohecha sapyʼa pe ýpe peteĩ kanásto ha omondo peteĩ isiérvape ogueru hag̃ua chupe. Oavrívo pe kanásto, pe prinsésa ohecha peteĩ mitã iporãitereíva, hasẽva hína, ha ombyasyeterei anga chupe. Upémarõ odesidi omongakuaataha pe mitãme imemby teéicha. Péro haʼe oikotevẽta kuri peteĩ ikatu vaʼerã omokambu upe mitãme. Upepete Míriam pyaʼe opilla mbaʼépa ikatu ojapo ha pyʼaguasúpe oho oñeʼẽ faraón rajýpe. Haʼe heʼi chupe ikatuha oheka peteĩ kuñakarai ikatu vaʼerã omongakuaa upe mitãme ha faraón rajy oasepta. Upéi Míriam oho ha ogueru isýpe okuida hag̃ua upe mitãre. ¡Eñeimahinamíntena mbaʼeichaitépa oiméne Jokébed ovyʼa raʼe! Koʼág̃a haʼe voi ikatúta okuida jey imembyʼíre, ¡hiʼarive ojepagáta chupe upe haguére! Upérõ oiméne Amram ha Jokébed ojapo raʼe opa ikatúva omboʼe hag̃ua pe mitãme oikuaa hag̃ua Jehovápe. Og̃uahẽvo la tiémpo, orahámante hikuái pe mitã faraón rajýpe. Pe prinsésa ombohéra chupe Moisés.

Amram, Jokébed ha Míriam ohechauka vaʼekue ojerovia ha ipyʼaguasuha. ¿Opremiánepa chupekuéra Jehová upe haguére? ¡Ndajadudái ni michĩmi! Amram ha Jokébed omboʼe vaʼekue Míriam ha Aarónpe imichĩete guive ohayhu hag̃ua Jehovápe, ha ohecha mbaʼéichapa ifamiliakuéra okakuaa ha oservi avei Jehovápe. Haʼekuéra ohechakuaa vaʼekue avei mbaʼeichaitépa Jehová oprotehe Moiséspe. La Biblia nomombeʼúi Amram ha Jokébedpa ohecha jepe raʼe mbaʼeichagua kuimbaʼépa oiko Moisésgui (Éx. 6:20). Péro Míriam ha Aarón si ohecha vaʼekue. Oñondive koʼã mbohapy ermáno oservi vaʼekue Jehovápe ha ohechauka ojerovia ha ipyʼaguasuha. Pe kapítulo oúvape jahecháta mbaʼeichagua ambiéntepepa okakuaa vaʼekue Moisés ha mbaʼérepa haʼe odesidi vaʼekue oservi Jehovápe.

¿Moõpa oñeñeʼẽ hesekuéra la Bíbliape?

• Éxodo 1:6–2:10

• Hechos 7:​17-21

• Hebreos 11:23

¿Mbaʼépa ere chupe?

¿Mbaʼérepa jaʼekuaa umi partéra ha Moisés hentekuéra ipyʼaguasu hague?

Einvestigamína

1. 1. ¿Mbaʼéichapa umi mbaʼe heʼíva umi arkeólogo ohechauka siertoha la oñemombeʼúva ko rrelátope? (g04 8/4 4, 5-wcgr).

   Rrespuésta

2. 2. La Biblia omombeʼu faraón ojukauka hague umi mitãme ha yma umi egipcio oipurúmi hague papíro ojapo hag̃ua kanásto. ¿Mbaʼére jaʼekuaa siertoha upéva? (g04 8/4 5, 6-wcgr). A

   Rrespuésta

   

   Christine Osborne Pictures/Alamy Stock Photo

3. 3. ¿Mbaʼépa jaikuaa umi partéra hebréagui ha mbaʼéichapa oñevendesi raʼe chupekuéra? (w03 1/11 8 párr. 3, 4-wcgr; it “Partéra”-wcgr). B

   Rrespuésta

   

4. 4. ¿Mbaʼéichapa Míriam ohechauka vaʼekue ojeroviaha ijedaitereímarõ jepe? (ijwia artíkulo 7 párr. 14-18).

   Rrespuésta

Ejepyʼamongetamína ndejehe

• ¿Mbaʼépa tuakuéra ikatu oaprende Amram ha Jokébedgui?

  Rrespuésta

• ¿Mbaʼépa ikatu oaprende Míriamgui umi mitã orekóva ermáno? C

  Rrespuésta

  

• ¿Mbaʼéichapa ikatu ndepyʼaguasu Sifrá ha Pua ipyʼaguasu haguéicha?

  Rrespuésta

Ejepyʼamongetamína Jehováre

• Alee rire ko rreláto, ¿mbaʼépa aaprendeve Jehovágui?

  Rrespuésta

• Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?

  Rrespuésta

• ¿Mbaʼépa aporandúne Sifrá, Pua, Amram, Jokébed ha Míriampe Jehová omoingove jey vove chupekuéra?

  Rrespuésta

Reikuaave hag̃ua

Koʼã kuña ipyʼaguasu vaʼekue ha ndojapói faraón heʼíva. Ehechamína mbaʼéichapa ikatu nepytyvõ iñehemplokuéra.

¿Mbaʼérepa Jehová oguerohory vaʼekue koʼã kuñáme? (w03 1/11 8, 9 párr. 3-5-wcgr).

¿Jehová piko osegi okuida umi iñeʼẽrendúvare chupe umi governántepe rangue?

Ñande Jehová mbaʼe hína (6:55).