¿Dej̈ua namatawenona pebi, pijawa, pej̈i yajawa barüyaya pejinawanapaenej̈a?

BIBLIABAJ̈UTO JUMAITSI

“Pamonae jumetane Dioso pejumelivaisi, nexata itsa jumecovënëta bajarapalivaisi, bajarapamonae jane bitso jamatabëcuenebarëya tsavanapae” (Lucas 11:28, Dios pejumelivaisibaxuto pejanalivaisibaxuto).

¿DEPAKUENIA NAKAYAWENONA BAJARAPALIWAISI?

Namataenetsia nasiwa tsanetsi (Efesios 5:28, 29).

Namataenetsia nayaiyataenatsi (Efesios 5:33).

Kaeliwaisi j̈ainaenatsi (Marcos 10:6-9).

¿PEJ̈ANIAJAILIWAISIANÜ META RUBENA BIBLIABAJ̈UTOTA WAJAJUMEKOWÜNÜTSINEJ̈A?

Jãjã, anijaliwaisibeje nakajumekowünütsiaej̈anaena:

• Dioso nakojiobiaej̈ana pebi, pijawa yajawa, pej̈i pej̈ainaenej̈a. Bibliabaj̈uto kujaruba pakuenia Dioso itoroba kopiayanü, pijawa yajawa, pej̈ainaenej̈a pej̈i ata peyakaüjüpaenej̈a daj̈itanakuajawa (Génesis 1:28). Bajaraj̈uata pebi, pijawa, pej̈i yajawa jinawanapa Dioso pejitsipaekuenia. ¿Dej̈uajitsia bajarapaliwaisi pepakuene beyapütanetsi?

  Kanaüjüre mapaliwaisije: itsa j̈aeyekaejitsipame pej̈aniafobi, katsitaj̈anepanaejitsipa bitso. Nej̈ata, ¿depatsa jawabelia yanijobijitsipame neyapütaenej̈a pakuenia ej̈ana? Yanijobijitsipame pajiwi ej̈ana, ¿tsikaena?

  Bajarapakuenia, pakujinae itsajiwitonü, pijawa, pej̈i yajawa jitsipaejitsipa barüyaya pejinawanapaenej̈a, nej̈ata namatawenona peyanijobinej̈a Jehová pematakaponaenej̈atsi, tsipaji bajarapamonae Jehová ej̈anatsi (Génesis 2:18-24).

• Dioso nakaewetaponapona. Itsa j̈amü, nijamonaeyajawa pajaitsipame Jehová pekamuj̈ujiobiliwaisi Bibliabaj̈utota, pej̈aniakuene paej̈anaejitsipame tsipaji bajaraponü pakaasiwa (1 Pedro 5:6, 7). Jehová jitsipa üpej̈aniakuene waj̈aitsinej̈a. Dioso wajanakamuj̈ujiobiliwaisi nakayawenonabiaba (Proverbios 3:5, 6; Santiago 1:25).