Bibliabaj̈utota rubena Dioso Pejumeliwaisi waj̈aitsinej̈a

Jehová nakarajuta pepo pej̈aniakuene: 66 pebaj̈utonübeje rubena Bibliajawata. Itsiata meta nayanijobijitsipame: “¿Depakuenia meta pitsapa Bibliabaj̈uto? ¿Deponü meta pejamatabükueneta?”, jamü tsipae. Wajayapütaenej̈a bajarapaliwaisi, taenatsi pakuenia Dioso nakarajuta Pejumeliwaisi ajena pamatakabianüjawa.

1. ¿Bibliabaj̈uto itsa yakina pebijiwi, nej̈ata meta Dioso Pejumeliwaisibaj̈uto tsipae?

40 ponübejekuenia yakina Bibliabaj̈uto. Bajarapamonae daj̈itawiriakuene nakueneba; itsamonae ricowi, itsamonae bepejiobiwi. Cristo pewajünaeya 1513 pawaijawata taj̈uj̈uaba peyakinaejawa, wereta baja 98 pawaijawata Cristo penaej̈anaekujinae. Nej̈ata baja peyakinaejawa kapona 1600 pawaibeje. Itsiata Bibliajawata liwaisinajüpaeya rubena. ¿Dej̈uajitsia nej̈ata? Tsipaji Dioso pejamatabükueneta yakina (lebare 1 Tesalonicenses 2:13). Bajarapamonae pejamatabükueneliwaisita apoyakinae, biji rajane “pacuenia [espíritu santo] yapëtaeyaexanatsi, paebabiaba” (2 Pedro 1:21).a Dioso pijaespíritu santota yapütaeyaej̈anabiaba bajarapamonae peyakinaenej̈a pakuenia najamatabüj̈ainanajetaruka (2 Timoteo 3:16).

2. ¿Depamonae meta yapütaejitsipa Bibliabaj̈uto?

Bibliabaj̈uto jamatabükueneyawenona “daxitanacuanëpijivi, daxitaviriajumevi ata” (lebare Apocalipsis 14:6). Dioso kopata Bibliabaj̈uto pejutsinej̈a daj̈itawiriajumeta, daj̈itawiriabaj̈utonüwekua daj̈itajiwi pejumeyapütaenej̈a Dioso Pejumeliwaisi.

3. ¿Depakuenia Dioso Bibliabaj̈uto ewetanajetaruka?

Bibliabaj̈uto bayakina jemabaj̈utonüta, pakuenia dajubi pebokotota, bayakinanua papironae pebokotota. Bajaraj̈uata yapüj̈anepanaeya baabeje. Baitsi jane, bajarapamonae Dioso Pejumeliwaisi bajitsipabiaba, pekobeta bayakinabiaba j̈aniawaetsia pekuenekataenej̈a. Itsamonae ayaijamatabükuene penataewi bajitsipabiaba Bibliabaj̈uto piajibiaej̈anaejawa, itsiata baitsi jane, itsamonae j̈aniawaetsia ewetabiaba Bibliabaj̈uto bejitsia atatsi. Jehová itsiata nakabarükuaikuaijai tsabiabi Pejumeliwaisita, itsamonae apojitsipae ata. Bibliajawata jumaitsi: “Dioso pejumelivaisi apo vereverecae tsane daxitamatacabijavabelianexa” (1 Pedro 1:24, 25).

KANAÜJÜTSIANATSI

4. Bibliabaj̈uto nakayapütaeyaej̈ana Ponü bitso pejumeliwaisikuene

Pataema VIDEOJAWA. Panetaekujinae palebare 2 Timoteo 3:16, panelebikujinae panabarükuaikuaijamü tsane paliwaisibeje yabaraje:

VIDEOJAWA: Bibliabaj̈uto, ¿deponü meta Pejumeliwaisibaj̈uto? (videoyajuwünüjawa) (2:48)

• ¿Bibliabaj̈uto itsa yakina pebijiwi, nej̈ata meta Dioso Pejumeliwaisibaj̈uto tsipae?

• ¿Dioso meta pepakuene pejamatabükueneta yapütaeyaej̈ana Pejumeliwaisiyakinaenej̈atsi?

5. Itsamonae Bibliabaj̈uto jamatabüajibiaej̈anae ata, tsitekapona

VIDEOJAWA: Penamatamotsibaj̈utoj̈ae, j̈aniawaetsia eweta Bibliabaj̈uto (William Tyndale yabara videoyajuwünüjawa) (6:17)

• Pakuenia baja yapütanetsi, itsamonae najamatabükuenesaüta pewetsinej̈a Bibliabaj̈uto, ¿bajaraj̈uata nej̈ata bitso jitsipaejitsipame nelebijawa? ¿Dej̈uajitsia?

Palebare Salmo 37:31, panelebikujinae panabarükuaikuaijamü tsane paliwaisi yabaraje:

• ¿Dej̈uajitsia itsamonae kanajamatabükuenesaüta petraducibinej̈a, petsanaenej̈anua Bibliabaj̈utonü bejitsia atatsi?

6. Dioso Pejumeliwaisibaj̈uto daj̈itajiwinej̈a

Bibliabaj̈uto pitsapa daj̈itawiriajumenüta itsamonae perajutsinej̈a itsawiriabaj̈utonüwekua. Palebare Hechos 10:34, 35, panelebikujinae panabarükuaikuaijamü tsane paliwaisibeje yabaraje:

• ¿Dej̈uajitsia meta Dioso jitsipa Pejumeliwaisi pepitsapaenej̈a daj̈itawiriajumenüta itsamonae perajutsinej̈a daj̈itanakuajawa?

• ¿Depaliwaisi katsitaj̈anepana Bibliabaj̈uto yabara?

PALIWAISI BAJA YAPÜTANETSI

Bibliabaj̈uto raja Dioso Pejumeliwaisibaj̈uto. Bajaraponü kopata daj̈itajiwi peyapütaenej̈a.

Najamatabünapire

• ¿Itsa Bibliabaj̈uto yakina pebijiwi, depakuenia nej̈ata Dioso Pejumeliwaisibaj̈uto tsipae?

• Pakuenia baja yapütanetsi, ¿depaliwaisi katsitaj̈anepana Bibliabaj̈uto yabara?

• ¿Dejamatabüitsimü neyapütaj̈ae j̈ua Dioso itsi pekabarükuaikuaijainej̈a?

YAPÜTAENAME ITSALIWAISI

Yapütaename pakuenia yakinanajetarubena Bibliabaj̈uto bajayata, pakuenia baj̈ukapitsapa daj̈itawiriajumenüta ajena pamatakabianüjawa.

“¿Depakuenia nej̈ata Bibliabaj̈uto waj̈aitsijawaberena nakatopata?” (¡Naükore!, noviembre de 2007)

Lebianame pakuenia itsamonae jitsipa piajibiaej̈anaenej̈a Bibliabaj̈uto, itsiata tsitekapona.

“Dioso Pejumeliwaisibaj̈uto tsitekanajetaruka” (Peyajiwitaebo, número 4, 2016)

Taema pakuenia itsamonae najamatabükuenesaütanajetarubena petraducibinej̈a Bibliabaj̈uto, ayapübeje ata.

Bibliabaj̈uto penamatamotsibaj̈utoj̈ae, j̈aniawaetsia eweta (14:26)

Ajena pamatakabi Bibliabaj̈utonü daj̈itanakuajawa yawünüka daj̈itawiriajumenüta. ¿Depakuenia yapütaneme Dioso Pejumeliwaisibaj̈uto apopeitjotianaejawa?

“¿Nej̈ata meta Bibliabaj̈uto aitjotia yakinaejitsipa?” (Ruka Internet-jawata jw.org)