YEMBOE 07
¿Kërai pa ko Jehová?
Ndepɨayemongeta yave Jehová re, ¿kërai pa ndeve? Amogüe reta oyemongeta mombɨrɨ oï yandegüi jare mbaetɨ oyemoambeko yanderé. Ïru reta, oyemongeta jae ko imbaepuere yae jare mbaetɨecha yandepuere yayemboya jese. Biblia pe, Jehová oechauka amogüe jeko kavi reta jare kërai jae oyemoambeko yanderé.
1. ¿Maera pa yandepuereä yaecha Tumpa?
Biblia jei “Tumpa ko jae espíritu” (Juan 4:24). Jehová mbaetɨ ko yande rami, yandepuereä yaecha jare jae oiko ara pe.
2. ¿Mbae teko kavi reta pa güɨnoi Jehová?
Yepe tëi yandepuereä yaecha Jehová, jae güɨnoi jeko kavi reta. Biblia pe jei: “yandeYa [Jehová] oaɨu isɨmbi rupi mbae oyeapo vae, mbaetɨ oeya oñeñono tee chupe vae reta” (Salmo 37:28). Jae “iporoaɨu jare iporoparareko yae”, oiporara vae reta ndive (Santiago 5:11). “YandeYa [Jehová] köiño oï ipɨatɨtɨ yae vae reta güi; jare oepɨ ipɨatɨtɨ yae vae reta” (Salmo 34:18). Yayapo vae rupi yandepuere yamboyerovia ani yambopɨatɨtɨ Jehová. Kia reta oyapo ikavimbae vae ombopɨatɨtɨ (Salmo 78:40, 41). Ërei kia oyapo ikavi vae omboyerovia yae Jehová (emongeta Proverbios 27:11).
3. ¿Kërai pa oechauka Jehová yanderaɨu vae?
Jehová jeko kavi ikavi ete vae, jae ko mboroaɨu. Echa, “Tumpa ko mboroaɨu” (1 Juan 4:8). Jehová oechauka yandeve iporoaɨu Biblia rupi jare mbaembae reta oyapo vae rupi (emongeta Hechos 14:17). Eyepɨayemongeta kërai yandeapo vae re. Yandepuere ñamae mbaepotɨ reta re, yaendu tairari reta jare yau tembíu jëe ngatu vae. Jae oipota yaiko yerovia reve.
YAIKUAA KATU VAERÄ
Yayemboe kërai Jehová oyapo mbaembae reta ikavi ete vae. Jare kërai oechauka jeko kavi reta.
4. Espíritu santo: jae ko Tumpa imbaepuere
Yande yaiporu yandepo reta yaparavɨkɨ vaerä rami, Jehová oiporu iespíritu santo. Biblia mbaetɨ omombeu espíritu santo jae ko metei kia, jaeño ko Tumpa imbaepuere oiporu vae oyapo vaerä opaete mbaembae reta. Pemongeta Lucas 11:13 jare Hechos 2:17, jare peyemongeta jese:
Tumpa omee iespíritu santo oiporu chupe vae reta pe. Jayave, ¿mbae pa rere, espíritu santo jae ko metei kia, ani Tumpa imbaepuere? ¿Maera pa körai reyemongeta?
Jehová oiporu imbaepuere oyapo vaerä mbaembae ikavi ete vae. Pemongeta Job 33:4 jare 2 Pedro 1:20, 21, jare peyemongeta jese:
¿Mbae pa oyapo Jehová iespíritu santo rupi?
5. Jehová güɨnoi teko kavi reta ikavi yandeve vae
Moisés oyeokuai Tumpa pe jupi rupi kavi. Ërei, oipota má oikuaa iyapoa. Jáeramo Moisés jei: “Romoñera reikuaauka vaerä cheve ndeyemongeta reta” (Éxodo 33:13). Jehová omombeu chupe amogüe jeko kavi reta re. Pemongeta Éxodo 34:4-6 jare peyemongeta jese:
¿Mbae nunga teko kavi reta pa omombeu Jehová Moisés pe?
¿Mbae nunga Jehová jeko kavi pa má ikavi ndeve?
6. Jehová oyemoambeko yanderé
Hebreo reta, yogüɨrekose tembiokuairä Egipto pe. ¿Kërai pa oyeandu Jehová oecha jae reta oiporara ñogüɨnoi yave? Peyeapɨsaka AUDIO jare jekuaeño pemongeta, ani jaeño pemongeta Éxodo 3:1-10. Javoi peyemongeta jese:
Yamongeta vae, ¿mbae pa yandemboe Jehová re oecha yave kia reta oiporara vae? (Pemae versículo 7 jare 8).
¿Rerovia pa Jehová añetete oipota yandemborɨ? ¿Rerovia pa ipuere ko yandemborɨ? ¿Maera pa körai reyemongeta?
7. Oyapo vae rupi Jehová oechauka jeko kavi reta
Jehová yandemboe icreación rupi jeko kavi reta re. Pemae VIDEO re. Javoi pemongeta Romanos 1:20 jare peyemongeta jese:
¿Mbae nunga Jehová jeko kavi reta pa reecha creación re?
AMOGÜE RETA JEI VAE: “Tumpa oipotagüe rupi oï, yavai yaikuaa vaerä”.
Nde, ¿mbae pa rere?
¿Maera pa körai reyepɨayemongeta?
YAYEMBOE MA VAE
Jehová jae ko espíritu, jáeramo yandepuereä yaecha. Güɨnoi jeko kavi reta, ërei metei má ikavi ete vae jae ko mboroaɨu.
Emoësaka
¿Maera pa yandepuereä yaecha Jehová?
¿Mbae pa ko espíritu santo?
¿Mbae nunga pa amogüe Jehová jeko kavi reta?
EEKA KUAE
Conozca mejor a Jehová analizando sus cuatro cualidades más sobresalientes.
Vea qué pruebas hay de que Jehová no está en todas partes.
“¿Está Dios en todas partes? ¿Es omnipresente?” (Artículo de jw.org)
Vea por qué la Biblia se refiere al espíritu santo como las “manos” de Dios.
A un hombre ciego le costaba creer que Dios se preocupara por él. Descubra qué lo hizo cambiar de opinión.
“Ahora siento que puedo ayudar a los demás” (La Atalaya, 1 de octubre de 2015)