Zamesegɔ Yɛla

Zamesɛ Ta’an Tɛ̃ra “To Yuuma” La Soŋa Soŋa

“Mam suure san ni sa’am, Yehowa ni kpemese mam giila mɛ doose JW Broadcasting^® yuuma la poan.”—Lorraine, U.S.A.

‘Yuuma’ laɣum pa’asɛ la Kristakɔma pu’usegɔ poan. (Kol. 3:16) To san tɛ̃ra yuuma wa, la wan soŋɛ tɔ hali to san puɣum ka tara yuuma gɔŋɔ bii fon, to wan ta’an kelum yuuna. Tiregɛ eŋɛ yele ana wa ti la soŋɛ hɔ ti ho ta’an tɛ̃ra yuuma.

• Ma’ɛ homea kaalɛ yelebɛa la ta’an bɔkɛ a soŋa. Ho san bɔkɛ sɛla, la ni dɛna la naana ti ho tɛ̃ra. To yuuma la za’a n de tigere la yuuma, la kɔma yuuma la boi la jw.org poan. Ho san yu’ɛ Library bɔberɛ la, keŋɛ Yuuma zɛ’an.

• Homea ta’an gulesɛ yelebɛa la. Ho san eŋɛ bala, yelebɛa la ni bɔna la ho puti’irɛ poan ti ho tɛ̃ra a.—Tɛɛ. 17:18.

• Yuuna kpe’eŋo kpe’eŋo. Kaalɛ yelebɛa la bii ho yuuna yuunɛ la taɣesa.

• Bisɛ hon ta’an tɛ̃ra se’em. Da bisɛ yuunɛ la gulesegɔ la ge tiregɛ bisɛ hon tɛ̃ri yuunɛ la yelebɛa se’em. Nyaa dekɛ yuunɛ la bisɛ hon mɔ se’em.