Baabule La Yeti Bem La Tingole Wa Zɛ’an Woo N Tuulegeri La?

July 2022 poan, nɛreba zo’e zo’e kɔ’ɔn tɔɣera pa’ala la tuulega n boi tingole wa zɛ’an woo se’em:

•  “China tiŋa tɔɣɛ pa’alɛ la ba tisi n paɛ wuu piyopɔi n wan le tuulegɛ se’em ŋmarega wa poan.”​—July 25, 2022, CNN Wire Service.

•  “Europe tisi n nyaa tuulegeri la basɛ ti goto n kɔ’ɔn taɛ dita.”​—July 17, 2022, The Guardian.

•  “Tisi zo’e zo’e n boi America tiŋa poan daa kɔ’ɔn tuulegɛ mɛ Alaserɛdaarɛ ti ba ka tabelɛ nyɛ bala.”​—July 24, 2022, The New York Times.

Yele ana wa za’a vuurɛ? Saŋa keni na ti asaaleba kan le ta’an bɔna tinparɛ wa poan? Baabule la yeti bem?

Baabule la yuun tɔɣɛ tinparɛ wa n wan tuulegera yele mɛ?

Ɛ̃ɛ. Tingole wa za’a n tuulegeri se’em la makɛ mɛ la Baabule la n pa’alɛ yelese’a n wan ta ita tomam dabesa wa poan la. Makerɛ, Yezu yuun pu’ulumbiŋe ti to wan ta nyɛta “yɛla n tari dabeem.” (Luke 21:11) Tingole wa za’a n tuulegeri se’em la basɛ ti nɛreba fabela mɛ ti, tinparɛ wa wan sa’am.

Saŋa keni na ti asaaleba kan le ta’an bɔna tinparɛ wa poan?

Aayi. Naayinɛ yuun maalɛ tinparɛ wa bo la asaaleba ti la dɛna ba yire. (Yooma 115:16; Pa’ala 1:4) A kan basɛ ti ba sa’am ka ge a tuɣum pu’ulumbiŋe ti a wan ‘sa’am sɛba n sa’ani tinparɛ la.’​—Liligere 11:18.

Geele yetɔɣebiŋa ayi n pa’alɛ Naayinɛ n le pu’ulum sɛla biŋe:

• Goo poan, la daɣelega zɛ’an wan tara pupeelum, ti pɔɣetia poan wan nyɛɛna ge maalɛ soŋa wuu puuro la.” (Isaiah 35:1) Naayinɛ kan basɛ ti tinparɛ wa lebege pɔɣetia ge a wan maalɛ zɛ̃se’esi n sa’am la.

•  ‘Hon kaari tinparɛ wa bisa ge bɔ’ɔra ka ko’om. Hon bo’ori ka lɔɣɔrɔ.’ (Yooma 65:9) Naayinɛ wan kã basɛ tinparɛ wa zuo ti ku lebege paradiisi.

Ho san bɔta ti ho zamesɛ baŋɛ tinparɛ wa n teere ti la basɛ ti Baabule yetɔɣebiŋa tuna tuuma se’em, kaalɛ zaseŋɔ yele wa zuo n de “Climate Change and Our Future​—What the Bible Says” (Baabule La N Tɔɣɛ Tinparɛ Wa N Sa’ani Se’em, La To Beere Sa’am N Wan Ana Se’em).

Ho san bɔta ti ho zamesɛ baŋɛ Baabule la n pu’ulumbiŋe Naayinɛ n wan malum maalɛ tinparɛ wa se’em, kaalɛ zaseŋɔ yele wa zuo n de “Who Will Save the Earth?” (Ani N Wan Te’ele Tinparɛ La?).