Baabule La Yeti Bem La Tinparɛ La N Sa’ani Se’em La?

António Guterres n de United Nations nɛŋadaana la pa’alɛ Intergovernmental Panel on Climate Change April 4, 2022 lasebaarɛ la poan yeti, “Asaaleba iti la yɛla zo’e zo’e n wan basɛ ti tingɔŋɔ wa yɛla sa’am pa’asɛ. Ko’om wan di tisi zo’e zo’e. Sapebesum wan malum tuulegɛ gaŋɛ bala. Kusebego kãra n tari dabeem wan lɔbera. Konɔŋɔ n wan bɔna zɛ’an woo. Tiisi la dusi n wan kiira. Yele ana wa daɣɛ pumpɔreŋɔ bii ba tɔɣɛ ti dabeem tara nɛreba. Naaŋɔ lɔɣɔrɔ zamesegɔdoma pa’alɛ ti yele ana wa wan eŋɛ, gɔmɛtdoma san ka tee ban tari maɣazim tuna se’em la.”

“Flooding Chaos in Yellowstone, a Sign of Crises to Come,” The New York Times, June 15, 2022 lasebaarɛ gɔŋɔ la yeti, “Naaŋɔ lɔɣɔrɔ zamesegɔdoma kaɣɛ ti la kan yue gɔmɛt tisi n paɛ 423 n boi America tiŋa poan wan sa’am doose la tingɔŋɔ wa teere yɛla zuo se’ere n sɔi la, teere yɛla wa malum pa’asa mɛ. Yelese’a n tari dabeem n wan eŋɛ la wan ana wuu ton kaalɛ sɛla Baabule la poan la: bugum la kokemɔ, sakuga n nyɛ̃legeri, ateko ko’om n malum zɔ’ɔra la sapebesum tuulega.”

Tinparɛ wa n sa’ani se’em la wan ta’an tee ana soŋa? La san wan ta’an tee, ani n wan basɛ ti la ana soŋa. Bisɛ Baabule la n yele sɛla.

Baabule la yuun tɔɣɛ tinparɛ wa sa’aŋɔ yele mɛ

Baabule la yeti, Naayinɛ wan ‘sa’am sɛba n sa’ani tinparɛ la.’ (Liligere 11:18) Baabule gulesegɔ wa pa’alɛ to la yɛla atã:

1. 1. Asaala tuuma wan sa’am tinparɛ la.

2. 2. Ba kan le sa’am tinparɛ wa.

3. 3. Naayinɛ n wan basɛ ti tinparɛ wa ana soŋa ge daɣɛ asaala.

To tinparɛ wa wan malum ana soŋa beere sa’am

Baabule la yeti, ‘tinparɛ la kɔ’ɔn bɔna la bala wuusa.’ (Pa’ala 1:4) Nɛreba wan kelum bɔna tinparɛ wa zuo.

• “Tontɔɔdoma la n wan sɔna tingɔŋɔ la, ba wan bɔna ka poan daarewoo.”​—Yooma 37:29.

Tinparɛ wa wan le ana soŋa ge di mi’a.

• “Goo poan, la daɣelega zɛ’an wan tara pupeelum, ti pɔɣetia poan wan nyɛɛna ge maalɛ soŋa wuu puuro la.”​—Isaiah 35:1.