Baabule La Tɔɣɛ Kristakɔma La Zaberɛ Yele La Wani?

Yelese’a n iti Ukraine zaberɛ la poan la basɛ ti to baŋɛ ti, pu’usegɔ nɛŋadoma zo’e zo’e n sa’aseri zaberɛ la. Bisɛ pu’usegɔ nɛŋadoma n sa’aseri zaberɛ la se’em:

•  “To zuo zɛkɛ mɛ, ti to puurɛ pee la to soogɛpa la n zaberi bɔ’ɔra Ukraine la . . . To kɔ’ɔn bɔna la ya mɛ ge zusera bɔ’ɔra ya saŋa woo.”​—Metropolitan Epiphanius I, n ze’ele Kyiv n yele sɛla ti la bɔna The Jerusalem Post, March 16, 2022.

•  “Alaserɛdaarɛ ti Russia Orthodox Church nɛŋadaana la daa basɛ ti ba pu’usɛ bo Russia soogɛpa la. A daa yele ba yeti Moscow n kelum zabera la Ukraine tiŋa la, la nari ti ba zabɛ po’e ba tiŋa ‘wuu Russiadoma n puɣum mina zaberɛ se’em la.’”​—Reuters, April 3, 2022.

Kristakɔma nari ti ba zabera zaberɛ? Baabule la yeti bem?

Baabule la n yele sɛla

Baabule la yeti, sɛba n sirum doli Yezu Krista ka dekɛ bamea pa’asɛ zaberɛ poan.

•  ‘Dekɛ ho su’a la sũ. Ti sɛba woo n foe su’usi la, su’usi mea n wan ku ba.’​—Matu 26:52.

  Nɛresɛka n nɔŋɛ zaberɛ sirum nani Yezu pa’alegɔ?

•  ‘Mam bo’ori ya la nɔpaalɛ ti ya nɔŋɛ taaba; wuu mam nɔŋɛ ya se’em la, ya me nɔŋɛ taaba. Wana ti ba wan baŋɛ ti ya dela mam podɔleba, ya san tara nɔŋerɛ bɔ’ɔra taaba.’​—Yon 13:34, 35.

  Nɛresɛka n dekɛ amea pa’asɛ zaberɛ poan wan tara nɔŋerɛ sɛka ti Yezu yeti a podɔleba wan tara la?

Ho san bɔta ti ho zamesɛ yɛla zo’e zo’e pa’asɛ, kaalɛ “Is War Compatible With Christianity?” (Kristakɔma Pu’usegɔ La Zaberɛ Makɛ Taaba?)

Kristakɔma la zina beere wa zaberɛ

La wan ta’an eŋɛ ti Kristakɔma kan dekɛ bamea pa’asɛ zaberɛ poan? Ɛɛ. Baabule la tɔɣɛ biŋe ti tomam saŋa wa poan dela ‘ba’asegɔ dabesa la,’ ti nɛreba wan bɔna tisi woo poan n kan le ‘zabɛ zaberɛ,’ wuu Yezu n yuun pa’alɛ se’em la.​—Isaiah 2:2, 4.

•  Kaalɛ Pigera Zontua zaseŋɔ yɛla la zuo n de “How Does God View War?” (Naayinɛ Geele Zaberɛ La Wani?) zamesɛ yɛla pa’asɛ.

La kan yue, Yehowaa n de ‘suma’asum Naayinɛ la’ wan basɛ ti a saazuo gɔmɛt la faaɛ nɛreba ‘namesegɔ la gbiregere tuuma poan basɛ.’​—Filipi 4:9; Yooma 72:14.

•  Ho san bɔta ti ho baŋɛ, bisɛ vidiyo la zuo n de Naayinɛ Na’am La Dela Bem?