Me Ya Sa Ba A Daina Yaƙi da Tashin Hankali Ba?

ZUNUBI

Allah ya halicci iyayenmu na farko, wato Adamu da Hauwaꞌu, a kamanninsa. (Farawa 1:27) Hakan yana nufin cewa za su riƙa nuna halayen Allah, kamar salama da ƙauna. (1 Korintiyawa 14:33; 1 Yohanna 4:8) Amma, Adamu da Hauwaꞌu sun yi wa Allah rashin biyayya kuma sun yi zunubi. Ta haka, dukanmu mun gāji zunubi da kuma mutuwa. (Romawa 5:12) Da yake mun gāji zunubi, a yawanci lokaci mukan yi tunani marar kyau, kuma hakan yana sa mutane da yawa su aikata mugunta.—Farawa 6:5; Markus 7:​21, 22.

GWAMNATIN ꞌYANꞌADAM

Allah bai halicce mu mu yi mulkin kanmu ba. Littafi Mai Tsarki ya ce: “Ba mutum ne yake da iko ya kiyaye tafiyarsa ba.” (Irmiya 10:23) Saboda haka, gwamnatocin ꞌyanꞌadam ba za su iya sa a daina yaƙi da tashin hankali gabaki-ɗaya ba.

SHAIƊAN DA ALJANUNSA

Littafi Mai Tsarki ya nuna cewa “duniya duka tana a hannun mugun nan.” (1 Yohanna 5:19) Shaiɗan Ibilis shi ne “mugun nan,” kuma shi mugu ne mai kisa. (Yohanna 8:44) Shaiɗan tare da aljanu ne suke sa mutane su soma yaƙi da tashin hankali.—Ruꞌuyar da Aka Yi wa Yohanna 12:​9, 12.