ginti
10 iske baad yahova ne moosa se kaha, 2 “tu do turhiyaan banvana.+ chaandi ko hathaude se peetkar ye turhiyaan banayi jaayen. jab bhi mandli ke logon ko batana ho ki woh sab ek jagah ikattha ho jaayen ya sabhi apne padav uthakar aage badhein, to ye turhiyaan foonkkar iska ailan karna. 3 jab donon turhiyaan foonki jaayengi to poori mandli ko bheint ke tamboo ke dvar par tere paas ikattha hona chahiye.+ 4 lekin jab ek hi turhi foonki jaayegi to sirf pradhanon ko, jo hazaron israeliyon se bane alag-alag dal ke mukhiya hain, tere paas aana chahiye.+
5 jab turhiyaan chadhte-utarte swar mein foonki jaayengi, to poorab ki taraf ki chhaavni+ apna padav uthaye. 6 jab turhiyaan chadhte-utarte swar mein doosri baar foonki jaayengi, to dakshin ki chhaavni+ apna padav uthaye. har chhaavni ko apna padav uthane ka aadesh dene ke liye isi tarah turhiyaan foonkkar ailan kiya jaaye.
7 jab poori mandli ko ek-saath bulana ho to turhiyaan foonki jaani chahiye,+ magar chadhte-utarte swar mein nahin. 8 turhiyaan foonkne ka kaam haaroon ke beton yaani yaajkon ko karna chahiye.+ turhiyon ke istemal ke baare mein yah niyam tum par aur tumhari aanevali peedhiyon par sada ke liye laagoo rahega.
9 agar tumhein kabhi apne desh mein aise kisi virodhi se yuddh karna pade jo tum par atyachar karta hai, to tum turhiyaan foonkkar yuddh ka ailan karna.+ tab tumhara parmeshvar yahova tum par dhyan dega aur tumhein dushmanon se bachayega.
10 iske alava, tum khushi ke maukon par+ bhi turhiyaan foonkna. tyoharon mein+ aur har maheene ki shurooat mein jab tum hom-baliyaan aur shaanti-baliyaan chadhaoge+ to turhiyaan foonkna. isse tumhara parmeshvar tumhein yaad karega. main tumhara parmeshvar yahova hoon.”+
11 jab doosre saal ke doosre maheene ka 20vaan din+ aaya to woh baadal, jo gavahi ke sandook ke pavitra dere ke oopar thehra hua tha, uthne laga.+ 12 tab israeliyon ne seenai veerane se apna padav uthaya aur woh aage ke liye ravana huye. woh usi kaayde se nikle jo unhein bataya gaya tha.+ aur woh tab tak safar karte rahe jab tak baadal paaran veerane mein aakaar nahin thahar gaya.+ 13 is tarah israeli pehali baar us kaayde se apna padav uthakar ravana huye jo yahova ne moosa ke zariye unhein bataya tha.+
14 sabse pehale yahooda ka teen gotronvala dal apne dal ke saath nikala. is dal ka adhikari ammeenadab ka beta nahshon tha.+ 15 issakar gotra ka adhikari zuar ka beta natnel tha.+ 16 jabooloon gotra ka adhikari helon ka beta eleeab tha.+
17 fir pavitra dera khola gaya+ aur gershon ke bete+ aur marari ke bete+ dere ke alag-alag hisse uthakar ravana huye.
18 iske baad rooben ka teen gotronvala dal apne dal ke saath nikala. is dal ka adhikari shadeoor ka beta eleesoor tha.+ 19 shimon gotra ka adhikari sooreeshaddai ka beta shaloomiel tha.+ 20 gaad gotra ka adhikari dooel ka beta elyasap tha.+
21 in sabke baad kahati pavitra-sthan ki cheezen uthakar nikle+ taaki jab tak woh nayi jagah pahunchein tab tak dera khada ho chuka ho.
22 fir epraim ka teen gotronvala dal apne dal ke saath nikala. is dal ka adhikari ammeehood ka beta eleeshama tha.+ 23 manashshe gotra ka adhikari padasoor ka beta gamliel tha.+ 24 binyameen gotra ka adhikari gidoni ka beta abeedan tha.+
25 iske baad daan ka teen gotronvala dal apne dal ke saath nikala. yah dal sab gotron ki hifazat karne ke liye sabse peechhe chalta tha. is dal ka adhikari ammeeshaddai ka beta ahiejer tha.+ 26 aasher gotra ka adhikari okran ka beta pagiel tha.+ 27 naptali gotra ka adhikari enan ka beta aheera tha.+ 28 jab bhi israeli apne dalon ke saath padav uthakar ek jagah se doosri jagah jaate, to woh isi kaayde se ravana hote the.+
29 fir moosa ne apne sasur midyani rooel*+ ke bete hobab se kaha, “hum log us desh ko jaa rahe hain jiske baare mein yahova ne hamse kaha hai, ‘yah desh main tumhein doonga.’+ hum chahte hain ki tu bhi hamare saath chale,+ hum tere saath bhalai kareinge kyonki yahova ne israel ko achhi-achhi cheezen dene ka vaada kiya hai.”+ 30 magar hobab ne usse kaha, “nahin, main tumhare saath nahin aaunga. main apne desh, apne rishtedaron ke yahaan laut jaaunga.” 31 tab moosa ne usse binti ki, “hamein chhodkar mat jaa kyonki tu hi jaanta hai ki veerane mein hum kis-kis jagah par padav daal sakte hain. tu hamare aage-aage chalkar hamein raasta dikha.* 32 aur agar tu hamare saath chalega,+ to yahova hamein jo aasheeshein denevala hai unmein se hum tujhe bhi hissa deinge.”
33 tab israeli yahova ke pahad+ ke saamne se ravana huye aur teen din tak safar karte rahe. is teen din ke safar ke dauran israeliyon ke liye aaram karne ki jagah talashi gayi aur poore safar mein yahova ke karar ka sandook+ unke aage raha.+ 34 jab woh apna padav uthakar chalte the, to din ke vakt yahova ka baadal+ unke oopar chhaaya rehta tha.
35 jab bhi karar ka sandook uthakar le jaaya jaata to moosa kehta, “hey yahova, uth!+ tere dushman tere saamne se titar-bitar ho jaayen. tujhse nafrat karnevale tere saamne se bhaag jaayen.” 36 aur jab karar ka sandook neeche rakha jaata to moosa kehta, “hey yahova, laut aa! apne hazaron-hazar israeliyon ke paas laut aa!”+