ginti
11 ab log yahova ke saamne buri tarah shikayat karne lage. jab yahova ne unki shikaytein sunin to woh gusse se bhadak utha. yahova ne aag barsayi aur woh chhaavni ke kinare se logon ko bhasm karne laga. 2 jab log madad ke liye moosa ko pukarne lage, to moosa ne yahova se minnat ki+ aur aag bujh gayi. 3 us jagah ka naam tabera* pada kyonki vahaan yahova ne logon par aag barsayi thi.+
4 iske baad israeliyon ke beech logon ki jo mili-juli bheed* thi,+ woh khaane ki cheezon ki badi laalsa karne lagi+ aur israeli bhi rone lage, “kaash, hamein is veerane mein gosht mil jaata!+ 5 woh din hum kaise bhula sakte hain jab hum misra mein machhliyaan muft khaaya karte the! aur kheera, tarbooz, lahsun, pyaz, kya nahin milta tha vahaan!+ 6 magar ab dekho, hum sookhte jaa rahe hain! siva is manna ke yahaan kuch nahin milta!”+
7 manna+ dhaniye ke beej jaisa tha.+ woh dikhne mein guggul paudhe ke gond ki tarah tha. 8 log idhar-udhaar jaakaar zameen se use batorte the aur fir haath ki chakki mein peeste ya okhli mein kootte the. iske baad woh use ya to haandi mein ubaalkar khaate ya usse gol-gol rotiyaan banakar khaate the.+ uska swad puye jaisa tha. 9 raat ke vakt jab chhaavni mein os padti to uske saath manna girta tha.+
10 moosa ne dekha ki poori chhaavni mein kohram macha hua hai. har parivar aur har insan apne tamboo ke dvar par baitha apna rona ro raha hai. yah dekhkar yahova ka krodh bhadak utha+ aur moosa ko bhi gussa aaya. 11 usne yahova se kaha, “tu kyon apne is daas ko sata raha hai? aakhir mainne aisa kya kiya jo tu mujhse naaraz hai? toone kyon in saare logon ka bojh mujh par laad diya?+ 12 kya main in sabka pita hoon? kya mainne inhein janm diya hai? fir tu mujhse kyon kehta hai ki jaise ek dhaai doodh-peete bachche ko god mein liye firti hai, vaise hi tu inki dekhbhal kar aur us desh mein le jaa jise dene ke baare mein mainne unke purkhon se shapath khaayi thi?+ 13 ye log mujhse ro-rokar kehte hain, ‘hamein khaane ko gosht de!’ ab tu hi bata, in sabke liye gosht main kahaan se laaun? 14 main akela in sabko sambhaalte -sambhaalte thak gaya hoon. ab mujhse aur nahin hoga.+ 15 agar tu mujhse yah bojh door nahin karna chahta to abhi-ke-abhi mujhe maar daal.+ lekin agar teri kripa mujh par hai, to mujh par aur museebatein na aane de.”
16 yahova ne moosa se kaha, “israel ke mukhiyaon mein se 70 aadmi chun, aise aadmi jinhein tu jaanta hai* ki woh logon ke mukhiya aur adhikari hain.+ tu unhein bheint ke tamboo ke paas le jaa aur apne saath khada kar. 17 main aakaar vahaan tujhse baat karoonga+ aur tujh par meri jo pavitra shakti+ hai usmein se thodi lekar unhein doonga. aur woh logon ko sambhaalne ki zimmedari nibhane mein teri madad kareinge taaki yah saara bojh tujhe akele na uthana pade.+ 18 aur tu logon se kehna, ‘kal ke liye taiyar ho jaao.+ kal tumhein zaroor khaane ko gosht milega, kyonki tum jo rona rote ho, “yahaan hamein khaane ke liye gosht kaun dega? hum misra mein hi achhe the,”+ yah sab yahova ne suna hai.+ yahova tumhein zaroor gosht dega aur tum khaaoge .+ 19 tum ek ya 2 din nahin, 5 ya 10 ya 20 din nahin, 20 balki poore maheene khaate rahoge, itna ki woh tumhare nathnon se nikaalne lagega aur tumhein usse ghin ho jaayegi,+ kyonki tumne yahova ko thukra diya hai jo tumhare beech hai aur tumne uske saamne ro-rokar kaha hai, “hum misra chhodkar kyon aaye?”’”+
21 tab moosa ne kaha, “yahaan to paidal sainikon ki ginti hi 6,00,000 hai.+ aur tu kehta hai ki main sabko gosht doonga, unhein maheene-bhar gosht khilaunga! yah kaise ho sakta hai? 22 bhed-bakriyon aur gaay-bailon ke jhund-ke-jhund bhi halal kar diye jaayen to bhi kya itne saare logon ke liye kaafi hoga? ya agar samundar ki saari machhliyaan pakad li jaayen, fir bhi kya unke khaane ke liye kaafi hoga?”
23 yahova ne moosa se kaha, “kya yahova ka haath itna chhota hai+ ki woh logon ko khila na sake? ab tu dekhega ki mainne tujhse jo kaha hai woh hota hai ya nahin.”
24 tab moosa baahar aaya aur usne logon ko bataya ki yahova ne usse kya kaha hai. moosa ne logon ke mukhiyaon mein se 70 aadmi chune aur unse kaha ki woh tamboo ke chaaron taraf khade ho jaayen.+ 25 fir yahova ek baadal mein utra+ aur usne moosa se baat ki.+ moosa par uski jo pavitra shakti thi, usmein se thodi lekar+ usne un 70 mukhiyaon mein se harek ko di. jaise hi un sab par pavitra shakti aayi, woh bhavishyavaktaon jaisa vyavhar karne lage.*+ magar iske baad unhonne fir kabhi aisa vyavhar nahin kiya.
26 eldad aur medad naam ke do mukhiya tamboo ke paas nahin gaye balki chhaavni mein hi rahe. woh un aadmiyon mein se the jinke naam likhe gaye the. isliye un donon par bhi pavitra shakti aayi, iske baavjood ki woh tamboo ke paas nahin gaye. aur woh donon chhaavni mein bhavishyavaktaon jaisa vyavhar karne lage. 27 yah dekhkar ek javan ne daudkar moosa ko yah khabar di: “eldad aur medad chhaavni mein bhavishyavaktaon jaisa vyavhar kar rahe hain!” 28 tab noon ke bete yahoshoo+ ne, jo javani ki umra se moosa ka sevak tha, moosa se kaha, “maalik, unhein rok!”+ 29 magar moosa ne usse kaha, “kya tujhe mere liye jalan ho rahi hai? main to yahi chahoonga ki yahova ke sab log bhavishyavakta ban jaayen aur yahova unhein apni pavitra shakti de.” 30 iske baad moosa israel ke mukhiyaon ke saath chhaavni mein laut gaya.
31 fir yahova ne aisi tez hava chalayi jo samundar ke oopar udnevali bateron ko apne saath bahakar le aayi aur unhein chhaavni ke aas-paas gira diya.+ woh itni bhaari taadad mein thi ki chhaavni ke donon taraf ek din ke safar ki doori tak fail gayin. woh chhaavni ke chaaron taraf zameen se kareeb do haath* ki unchai tak chhaa gayin. 32 ab log saara din aur saari raat jaagkar bater ikattha karte rahe. fir woh agle din bhi jaa-jaakaar bater jama karte rahe. kisi ne bhi das homer* se kam nahin batora. aur woh chhaavni ke chaaron taraf apne liye bateron ka gosht failate gaye. 33 magar logon ne bateron ka gosht khaane ke liye daanton se kaata hi tha aur use chaba bhi na paaye the ki yahova ka krodh un par bhadak utha. yahova ne un par aisa kehar dhaaya ki badi taadad mein log maare gaye.+
34 logon ne us jagah ka naam kibrot-hattava* rakha+ kyonki vahaan unhonne un logon ko dafnaya jinhonne khaane ke liye laalach kiya tha.+ 35 fir log kibrot-hattava se haserot ke liye ravana huye aur vahaan thahre.+