ginti

29 “‘saatvein maheene ke pehale din tum ek pavitra sabha rakhna. is din tum mehnat ka koi bhi kaam mat karna.+ yah woh din hai jab tumhein turhi foonkni chahiye.+ 2 tum yahova ke liye in sabhi jaanvaron ki hom-bali chadhaoge taaki unki sugandh paakaar woh khush ho: ek bail, ek medha aur ek-ek saal ke saat nar memne. in sabhi jaanvaron mein koi dosh nahin hona chahiye. 3 inke saath anaj ka chadhava bhi dena jo tel mile maide ka ho. bail ke saath epa ka teen-dahai bhaag maida, medhe ke saath do-dahai bhaag maida 4 aur harek nar memne ke saath ek-dahai bhaag maida. 5 aur apne prayashchit ke liye bakri ke ek nar bachche ki paap-bali bhi chadhana. 6 tum jo maansik hom-bali aur uske saath anaj ka chadhava+ aur argh dete ho aur jo niyamit hom-bali aur uske saath anaj ka chadhava+ aur argh dete ho,+ unke alava in jaanvaron ki hom-bali aur anaj ka chadhava dena. yah sab tum usi tareeke se chadhana jaise niyamit taur par chadhaya jaata hai. tum inhein aag mein jalakar yahova ke liye arpit karna taaki inki sugandh paakaar woh khush ho.

7 saatvein maheene ke hi dasvein din tum ek pavitra sabha rakhna+ aur tumhein apne paapon ke liye dukh zahir karna hoga.* us din tum koi bhi kaam mat karna.+ 8 tum yahova ke liye in sabhi jaanvaron ki hom-bali chadhana taaki unki sugandh paakaar woh khush ho: ek bail, ek medha aur ek-ek saal ke saat nar memne. in sabhi jaanvaron mein koi dosh nahin hona chahiye.+ 9 inke saath anaj ka chadhava bhi dena jo tel mile maide ka ho. bail ke saath teen-dahai bhaag maida, medhe ke saath do-dahai bhaag maida 10 aur saat nar memnon mein se har memne ke saath ek-dahai bhaag maida. 11 aur bakri ke ek bachche ki paap-bali bhi chadhana. tum prayashchit ke liye jo paap-bali+ aur argh dete ho aur jo niyamit hom-bali aur uske saath anaj ka chadhava aur argh dete ho, unke alava yah sab chadhana.

12 saatvein maheene ke 15vein din tum ek pavitra sabha rakhna. us din tum mehnat ka koi bhi kaam mat karna aur saat din tak yahova ke liye ek tyohar manana.+ 13 tum 13 bailon, 2 medhon aur ek-ek saal ke 14 nar memnon ki hom-bali chadhaoge.+ in sabhi jaanvaron mein koi dosh nahin hona chahiye.+ tum inhein aag mein jalakar yahova ke liye arpit karna taaki unki sugandh paakaar woh khush ho. 14 inke saath anaj ka chadhava bhi dena jo tel mile maide ka ho. har bail ke liye teen-dahai bhaag maida, har medhe ke liye do-dahai bhaag maida 15 aur harek nar memne ke liye ek-dahai bhaag maida. 16 aur bakri ke ek bachche ki paap-bali bhi chadhana. tum jo niyamit hom-bali aur uske saath anaj ka chadhava aur argh dete ho, unke alava yah sab chadhana.+

17 tyohar ke doosre din tum 12 bailon, 2 medhon aur ek-ek saal ke 14 nar memnon ki bali chadhana. in sabhi jaanvaron mein koi dosh nahin hona chahiye.+ 18 jitne bail, medhe aur nar memne tum arpit karte ho, unke hisab se unke saath anaj ka chadhava aur argh bhi chadhana. yah sab tum usi tareeke se chadhana jaise niyamit taur par chadhaya jaata hai. 19 aur bakri ke ek bachche ki paap-bali bhi chadhana. tum jo niyamit hom-bali aur uske saath anaj ka chadhava aur argh dete ho, unke alava yah sab chadhana.+

20 teesre din tum 11 bailon, 2 medhon aur ek-ek saal ke 14 nar memnon ki bali chadhana. in sabhi jaanvaron mein koi dosh nahin hona chahiye.+ 21 jitne bail, medhe aur nar memne tum arpit karte ho unke hisab se unke saath anaj ka chadhava aur argh bhi chadhana. yah sab tum usi tareeke se chadhana jaise niyamit taur par chadhaya jaata hai. 22 aur ek bakre ki paap-bali bhi chadhana. tum jo niyamit hom-bali aur uske saath anaj ka chadhava aur argh dete ho, unke alava yah sab chadhana.+

23 chauthe din tum 10 bailon, 2 medhon aur ek-ek saal ke 14 nar memnon ki bali chadhana. in sabhi jaanvaron mein koi dosh nahin hona chahiye.+ 24 jitne bail, medhe aur nar memne tum arpit karte ho unke hisab se unke saath anaj ka chadhava aur argh bhi chadhana. yah sab tum usi tareeke se chadhana jaise niyamit taur par chadhaya jaata hai. 25 aur bakri ke ek bachche ki paap-bali bhi chadhana. tum jo niyamit hom-bali aur uske saath anaj ka chadhava aur argh dete ho, unke alava yah sab chadhana.+

26 paanchvein din tum 9 bailon, 2 medhon aur ek-ek saal ke 14 nar memnon ki bali chadhana. in sabhi jaanvaron mein koi dosh nahin hona chahiye.+ 27 jitne bail, medhe aur nar memne tum arpit karte ho unke hisab se unke saath anaj ka chadhava aur argh bhi chadhana. yah sab tum usi tareeke se chadhana jaise niyamit taur par chadhaya jaata hai. 28 aur ek bakre ki paap-bali bhi chadhana. tum jo niyamit hom-bali aur uske saath anaj ka chadhava aur argh dete ho, unke alava yah sab chadhana.+

29 chhathe din tum 8 bailon, 2 medhon aur ek-ek saal ke 14 nar memnon ki bali chadhana. in sabhi jaanvaron mein koi dosh nahin hona chahiye.+ 30 jitne bail, medhe aur nar memne tum arpit karte ho unke hisab se unke saath anaj ka chadhava aur argh bhi chadhana. yah sab tum usi tareeke se chadhana jaise niyamit taur par chadhaya jaata hai. 31 aur ek bakre ki paap-bali bhi chadhana. tum jo niyamit hom-bali aur uske saath anaj ka chadhava aur argh dete ho, unke alava yah sab chadhana.+

32 saatvein din tum 7 bailon, 2 medhon aur ek-ek saal ke 14 nar memnon ki bali chadhana. in sabhi jaanvaron mein koi dosh nahin hona chahiye.+ 33 jitne bail, medhe aur nar memne tum arpit karte ho unke hisab se unke saath anaj ka chadhava aur argh bhi chadhana. yah sab tum usi tareeke se chadhana jaise niyamit taur par chadhaya jaata hai. 34 aur ek bakre ki paap-bali bhi chadhana. tum jo niyamit hom-bali aur uske saath anaj ka chadhava aur argh dete ho, unke alava yah sab chadhana.+

35 aathvein din tum ek pavitra sabha rakhna. us din tum mehnat ka koi bhi kaam mat karna.+ 36 tum ek bail, ek medhe aur ek-ek saal ke saat nar memnon ki hom-bali chadhana. in sabhi jaanvaron mein koi dosh nahin hona chahiye.+ tum inhein aag mein jalakar yahova ke liye arpit karna taaki unki sugandh paakaar woh khush ho. 37 tum jo bail, medha aur jitne nar memne arpit karte ho unke hisab se unke saath anaj ka chadhava aur argh bhi chadhana. yah sab tum usi tareeke se chadhana jaise niyamit taur par chadhaya jaata hai. 38 aur ek bakre ki paap-bali bhi chadhana. tum jo niyamit hom-bali aur uske saath anaj ka chadhava aur argh dete ho, unke alava yah sab chadhana.+

39 tum saal ke alag-alag vakt par jab tyohar manate ho,+ to un maukon par yahova ke liye ye saari baliyaan arpit karna. tum mannat-baliyon+ aur swechha-baliyon+ ke roop mein jo hom-baliyaan,+ anaj ke chadhave,+ argh+ aur shaanti-baliyaan+ dete ho, un sabke alava ye saari baliyaan arpit karna.’” 40 fir moosa ne israeliyon ko ye saari baatein batayin jinki yahova ne use aagya di thi.