Repaso sa Teokratikong Eskwelahan sa Pagministro
Nakatakop-libro nga repaso sa materyal nga gintuptupan sa mga asignatura sa Teokratikong Eskwelahan sa Pagministro para sa semana sang Mayo 3 tubtob Agosto 23, 1999. Maggamit sing tuhay nga panid sang papel agod sulatan sang mga sabat sa madamong pamangkot nga masabat ninyo sa ginatugot nga tion.
[Pahibalo: Sa tion sang nasulat nga repaso, Biblia lamang ang mahimo gamiton sa pagsabat sa bisan anong pamangkot. Ang mga reperensya nga nagasunod sa pamangkot para sa imo personal nga panalawsaw. Ang pahina kag numero sang parapo mahimo nga indi makita sa tanan nga reperensya sa Ang Lalantawan.]
Sabta ang tagsa ka masunod nga mga pinamulong sing Husto ukon Sala:
1. Indi kinahanglan ikompromiso sang mga ginikanan ang mga prinsipio sang Biblia agod mapakig-angutan sing makatarunganon ang ila kabataan. [fy-HV p. 108 par. 14] Husto. (Hulu. 13:24)
2. Ang tema sang bug-os nga Biblia amo ang pagbindikar kay Jehova paagi sa Ginharian nga ginagamhan sang ginsaad nga “binhi.” (Gen. 3:15) [si-E p. 17 par. 30] Husto.
3. Diutay lamang ang arkeolohiko kag iban pa naguwa nga ebidensia nga nagapamatuod sa pagkahusto sang mga hitabo nga narekord sa Exodo. [si-E p. 20 par. 4] Sala. May yara madamo nga arkeolohiko kag iban pa naguwa nga ebidensia nga nagapamatuod sang pagkahusto sang rekord.
4. Ang mga pigado gid sing pangabuhi indi makaamot sing pinansial agod mapasanyog ang mga intereses sang Ginharian. [w97 9/15 p. 5 par. 7] Sala. Ang rekord sa Lucas 21:1-4 nagapakita nga ang tanan sarang makahatag suno sa ila mga kahimtangan agod mapauswag ang mga intereses sang Ginharian.
5. Ang pagbayad sing nagakabagay nga balos sa mga ginikanan kag mga lolo kag mga lola bahin sang aton pagsimba kay Jehova. (1 Tim. 5:4) [w97 9/1 p. 4 par. 1-2] Husto.
6. Ang pagsaulog sang Adlaw sang Inugpahuway isa anay ka tanda sa ulot ni Jehova kag sang tanan nga pungsod. [Semanal nga pagbasa sa Biblia; tan-awa ang rs-E p. 345 par. 3.] Sala. Subong sang ginapakita sang Exodo 31:16, 17, isa ini anay ka tanda sa ulot ni Jehova kag sang pungsod sang Israel.
7. Kon ang bata maghamtong na agod makasugod sa paghimo sing mga desisyon, nagapas-an sia sing dugang pa nga salabton sa iya mga ginabuhat, labi na tuhoy sa kasuguan sang Dios. (Roma 14:12) [fy-HV p. 135 par. 17] Husto.
8. Ginsulat ni Moises ang tulun-an sang Levitico sang tuig 1513 B.C.E. [si-E p. 25 par. 3-4] Sala. Ang Levitico ginsulat sang tuig 1512 B.C.E., subong sang ginapakita sang Exodo 40:17 kag Numeros 1:1.
9. Ang pinamulong ni Jesus nga narekord sa Lucas 21:20, 21 natuman sang 66 C.E. sang nag-isol gikan sa Jerusalem ang Romanong mga hangaway sa idalom sang pagmando ni Heneral Tito. [w97 4/1 p. 5 par. 3-4] Sala. Si Heneral Gallus amo anay ang nagamando sa Romanong mga hangaway sadto nga okasyon.
10. Ang panudlo ni Epicurus makatalagam sa mga Cristiano bangod ginpasad ini sa iya wala sing pagtuo nga panimuot, nga ginlaragway sa 1 Corinto 15:32. [w97 11/1 p. 24 par. 5] Husto.
Sabta ang masunod nga mga pamangkot:
11. Ano nga leksion ang matun-an naton gikan sa pagdumili batok sa pagkaon sing tambok nga ginasiling sa Levitico 3:17? [Semanal nga pagbasa sa Biblia; tan-awa ang w84-E 2/15 p. 29 par. 2.] Ang tambok ginakabig subong ang pinakamanamit kag pinakamasustansia nga bahin. Ginapatudok sang pagdumili sa mga Israelinhon nga ang ila pinakaali iya ni Jehova. Ang mga Cristiano karon dapat padayon nga maghatag sang ila pinakamaayo sa iya. (Col. 3:23, 24) (Bastante na ang ideya)
12. Ngaa gintugutan ni Jehova si Satanas nga Yawa nga magluntad? (Ex. 9:15) [Semanal nga pagbasa sa Biblia; tan-awa ang w92 3/15 p. 10 par. 14.] Bangod sang hulusayon nga ginpautwas ni Satanas nahanungod sa pagkamatarong sang pagkasoberano ni Jehova sa bug-os uniberso, gintugutan ni Jehova si Satanas nga magpabilin nga nagaluntad agod ipakita ang Iya gahom kag agod ipahayag ang Iya ngalan sa bug-os nga duta. (Bastante na ang ideya)
13. Kon ang katapo sang pamilya nagamasakit sing malubha, anong una nga mga tikang ang dapat himuon sang pamilya agod mapahamtang ang mga ulunahon? (Hulu. 15:22) [fy-HV p. 122 par. 14] Ang mga katapo sang pamilya dapat magtipon kag hambalan ang kahimtangan samtang mapangamuyuon nga nagapatuytoy sa Pulong sang Dios. (Sal. 25:4)
14. Sa anong kahulugan ang pungsod sang Israel “ginharian sang mga saserdote”? (Ex. 19:6) [Semanal nga pagbasa sa Biblia; tan-awa ang w95 7/1 p. 16 par. 8.] Sang ang Mosaikong Kasuguan ginsugdan, ang mga lalaki nga Levinhon ginkuha bilang baylo sa panganay sang kada indi Levinhon nga pamilya. Sa amo, ang tanan nga pamilya sa Israel, kon sa aton pa, ginrepresentar sa pag-alagad sa templo; subong man, ang mga Israelinhon nagrepresentar kay Jehova sa atubangan sang mga pungsod.
15. Ano ang kinatuhayan sa ulot sang mata nga “simple” kag sang isa nga “malaut”? (Mat. 6:22, 23) [w97 10/1 p. 26 par. 5] Ang “simple” nga mata amo ang isa nga nasentro sa espirituwal, natuon sa Ginharian sang Dios; ang “malaut” nga mata amo ang isa nga malip-ot sing panan-awan, nagahugod lamang sa karon undanon nga mga kailigbon, indi sa espirituwal nga mga tulumuron.
16. Paano masiling nga si David naglakat nga “may integridad sa tagipusuon kag may pagkatadlong” walay sapayan nga nakahimo sia sing mga kasaypanan? (1 Hari 9:4) [w97 5/1 p. 5 par. 2] Ginakilala ni Jehova ang sadsaran nga pagkamasaligan ni David bangod si David mapainubuson, luyag niya himuon ang matarong, padayon sia nga nangabay kag nagbaton sing pagsabdong kag pagtadlong, kag wala gid sia magpahilayo sa matuod nga pagsimba.
17. Anong mga pribilehiyo karon ang ginalandong sang paghimo sang mga Israelinhon sing “amo gid” may kaangtanan sa tabernakulo? (Ex. 39:32) [Semanal nga pagbasa sa Biblia; tan-awa ang w95 12/15 p. 12 par. 9.] Sa moderno nga mga tion, ang mga alagad sang Dios may kahigayunan nga sakdagon sing bug-os tagipusuon ang hilikuton nga pagbantala kag ang mga programa sang pagpasangkad sa Ginharian.
18. Ano ang ginapakita sang katunayan nga ginpahayag ni Jehova ang iya kaugalingon subong “pamatud-an ko nga mangin amo ako ang pamatud-an ko”? (Ex. 3:14) [Semanal nga pagbasa sa Biblia; tan-awa ang w95 3/1 p. 10 par. 6.] Ini nga ekspresyon nagapakita nga si Jehova nangin kon ano ang ginakinahanglan agod matuman ang iya mga katuyuan.
19. Ano nga leksion ang ginatudlo sang hitabo nga nagahilabot kanday Nadab kag Abihu nga narekord sa Levitico 10:1, 2? [Semanal nga pagbasa sa Biblia; tan-awa ang w84-E 2/15 p. 29 par. 3.] Ang masaligan nga mga alagad ni Jehova karon dapat magsunod sa mga ginapatuman sang Dios kag indi dapat maghimo sing dinagakaigo nga mga kahilwayan ukon mag-abuso sang ila katungdanan. (Lev. 10:8-11) (Bastante na ang ideya)
20. Sa idalom sang Mosaikong Kasuguan, ngaa ang pagpanganak nagahimo sa isa ka babayi nga “dimatinlo”? (Lev. 12:2, 5) [Semanal nga pagbasa sa Biblia; tan-awa ang w84-E 2/15 p. 29 par. 5.] Sanglit ang mga organo sa pagbuad ginhimo sa pagliton sing himpit nga kabuhi, ang temporaryo nga panag-on sang ‘pagkadimatinlo’ nga ginaangot sa pagpanganak nagapatalupangod sa napanubli nga pagkamakasasala kag sa pagkinahanglan sing halad nga gawad.
Ihatag ang (mga) tinaga ukon prase nga kinahanglanon sa pagkumpleto sa tagsa ka masunod nga mga pinamulong:
21. Bisan pa wala sing milagruso nga bulong para sa kamingaw, sarang ini mabatas sang solo nga ginikanan paagi sa kusog gikan kay Jehova,, nga matigayon paagi sa dalayon nga pag-ampo.. (1 Tim. 5:5) [fy-HV p. 112 par. 21]
22. Ang trahedya sa kabuhi sang isa mahimo nga resulta sang tion kag wala ginapaabot nga hitabo ukon bangod sang aton mismo napanubli nga pagkamakasasala.. [w97 5/15 p. 22 par. 7]
23. Ang tulun-an sang Exodo nagapakita kay Jehova subong ang daku nga Manluluwas kag
Manug-organisar kag Manugtuman sang iya halang-
don nga mga katuyuan. [si-E p. 24 par. 26]
24. Kon sin-o kita sa pribado,, indi sa publiko,, ang nagapakita kon sin-o gid kita sa sulod. [w97 10/15 p. 29 par. 4]
25. Kon ang mga kapiestahan sa pag-ani may pagano ukon butig nga relihioso nga kahulugan, mahimo malikawan sang matuod nga mga Cristiano nga indi mapahamut-an si Jehova paagi sa indi pagpasilabot sa sining mahigko nga pagsimba. [w97 9/15 p. 9 par. 6]
Pilia ang husto nga sabat sa tagsa sang masunod nga mga pinamulong:
26. Ang “apat ka gatos ka tuig” nga kapipit-an sang binhi ni Abraham nagsugod sang ginyaoyao ni Ismael si Isaac sang (1943; 1919; 1913) B.C.E. kag natapos sang ginhilway gikan sa Egipto sang (1543; 1519; 1513) B.C.E. (Gen. 15:13) [si-E p. 17 par. 31]
27. Ang kadalag-an ukon kapaslawan sang pamilya sa paglandas sang malubha nga balatian nasandig sa daku nga kasangkaron sa (pinansial nga kalig-unan; panimuot; pagpaseguro) sang mga katapo sini. (Hulu. 17:22) [fy-HV p. 120 par. 10]
28. Ang isa nga nagasiling sa iya tagipusuon nga “wala sing Jehova” ginatawag nga “buangbuang” bangod ina sia (kulang sa moral; indi edukado; wala sing ikasarang sa pagpangatarungan). (Sal. 14:1) [w97 10/1 p. 6 par. 8]
29. Sang nagrebelde sanday Adan kag Eva, ang labing importante nga butang nga nadula nila amo ang ila (kahimpitan; kaangtanan sa Dios; katamnan nga puluy-an), nga amo ang sekreto sa ila kalipay. [w97 10/15 p. 6 par. 2]
30. Ang tulun-an sang (Genesis; Exodo; Levitico) mas masunson nga nagasambit sang pagkinahanglan sing pagkabalaan sangsa iban pa nga tulun-an sa Biblia. [si-E p. 26 par. 9]
Ibagay ang masunod nga mga kasulatan sa mga pinamulong nga nalista sa ubos:
Ex. 5:2; Ex. 21:29; Hulu. 1:8; Gal. 5:20; Sant. 1:14, 15
31. Ang bisan sin-o nga nagapangangkon nga Cristiano nga sulit-sulit kag dimahinulsulon nga nagapadaug sa mapintas nga kasingkal, lakip ang pisikal nga pagpanakit sa mga katapo sang pamilya, mahimo madisfellowship. [Gal. 5:20] [fy-HV p. 150 par. 23]
32. Ang aton paghulag nagasugod sa kon paano kita nagahunahuna. [Sant. 1:14, 15] [fy-HV p. 148 par. 18]
33. Ginapaubos ni Jehova nga Dios ang tanan nga mabinatuon nga nagadumili sa pagkilala sa iya pagka-Dios. [Ex. 5:2] [Semanal nga pagbasa sa Biblia; tan-awa ang w92 12/15 p. 13 par. 18.]
34. Bisan pa nga ang Biblia nagahatag sa amay sing una nga salabton sa pagtudlo sa kabataan, ang iloy may importante man nga papel sa sini. [Hulu. 1:8] [fy-HV p. 133 par. 12]
35. Ang Kasuguan wala nagatugot sing kaluoy kon ang isa mapatay bangod sang pagpatumbaya. [Ex. 21:29] [Semanal nga pagbasa sa Biblia; tan-awa ang w95 11/15 p. 11 par. 5.]