Mga Miting sa Serbisyo Para sa Septiembre
Semana sang Septiembre 6
10 min: Lokal nga mga pahibalo kag Mga Pahibalo gikan sa Ang Aton Ministeryo sa Ginharian. Ilakip ang “‘Matagnaon nga Pulong Sang Dios’ nga Distrito nga mga Kombension.”
17min: “Nagapangabudlay Bala Kamo nga May Katuyuan?” Pamangkot kag sabat. Ilakip ang mga komento sa Aton Ministeryo nga libro, pahina 88-9.
18 min: “Mga Ginikanan—Magpahamtang Sing Maayo nga Halimbawa sa Inyo Kabataan.” Pagbinagbinag sa artikulo sang duha ka utod nga lalaki nga mga ginikanan. Nagapabutyag sila sing kabalaka tuhoy sa pag-amlig sa ila kabataan gikan sa negatibo nga mga kinaiya nga nadayag sila sa eskwelahan, sa telebisyon, kag sa indi Saksi nga mga himata kag iban pa. Ang mga utod nagabinagbinag sang di-matinahuron nga mga panimuot, kalibutanon nga mga hambal kag pamustura, kag di-maayo nga kalingawan. Sa tapos mapakita ang kinahanglanon nga magpahamtang sing maayong halimbawa, ginabinagbinag nila ang mga paagi nga mapalig-on ang daku pa nga kapagsik sa pagtuon sang pamilya, sa mga miting sa kongregasyon, kag sa pag-alagad sa latagon.—Tan-awa ang Hulyo 1, 1999, Lalantawan, pahina 8-22, kag Septiembre 22, 1991, Awake!, pahina 8-9.
Ambahanon 101 kag nagatakop nga pangamuyo.
Semana sang Septiembre 13
10 min: Lokal nga mga pahibalo. Report sa kuwenta.
15 min: Kamusta ang Aton Nahimo Sang Nagligad nga Tuig? Pamulongpulong sang manugtatap sa pag-alagad. Repasuha ang talalupangdon nga mga punto gikan sa report sang kongregasyon para sa 1999 nga tuig sa pag-alagad. Dayawa ang pag-uswag nga nahimo. Talupangda ilabi na ang pagtambong sa mga miting kag mga pagtuon sa Biblia. Ibalay ang praktikal nga mga tulumuron para sa masunod nga tuig.
20 min: “Ano ang Isiling Ninyo sa Isa ka Hindu?” Pamangkot kag sabat. Ipakita kon paano mapasibu ang ginpanugda nga mga presentasyon sa pagpanaksi sa mga tawo nga may bisan ano man nga relihion. Ipasundayag ang isa ka nahanda-sing-maayo nga presentasyon tuhoy sa pagpanaksi sa isa ka Hindu. Para sa dugang nga impormasyon tuhoy sa Hinduismo, tan-awa ang Reasoning nga libro, pahina 22 kag Mankind’s Search for God, kapitulo 5.
Ambahanon 140 kag nagatakop nga pangamuyo.
Semana sang Septiembre 20
12 min: Lokal nga mga pahibalo.
15 min: Lokal nga mga kinahanglanon.
18 min: Gamita Sing Maayo ang Creator nga Libro. Pamulongpulong kag mga pasundayag. Ang Abril 1999 nga Ang Aton Ministeryo sa Ginharian nagapaathag nga ang Creator nga libro mahimo matanyag bisan san-o nga masugilanon naton ang mga tawo nga (1) wala nagatuo sa Dios ukon (2) nagatuo sa Dios apang wala sing ideya kon sin-o sia ukon ano ang iya mga kinaiya kag mga katuyuan. Ang mga pamangkot kag mga komento sa likod nga panghapin sarang magamit sa pagpukaw sa interes nga basahon ang libro. Ukon ang pahina 152 sarang magamit sing epektibo. Ang isa ka manugbantala mahimo mamangkot: “Diin naton makita ang pinakamaayo nga laygay kon paano lubaron ang aton pinakamabudlay nga mga problema?” Mapakita niya sa tawo kon paano gindayaw sang kilala nga mga tawo ang Sermon sa Bukid ni Jesus, mapangabay sia sa pagpili sing isa sa pito ka talalupangdon nga punto nga nagawili gid sa iya, kag dayon mabasa ang pila sa ginsambit nga mga bersikulo. Ipasundayag ining mga panugda.
Ambahanon 175 kag nagatakop nga pangamuyo.
Semana sang Septiembre 27
15 min: Lokal nga mga pahibalo. Repasuha ang pila sang mga panugda sa Oktubre 1996 nga Ang Aton Ministeryo sa Ginharian, pahina 8, kon paano maghanda sing mga presentasyon sa magasin nga sarang magamit sa kampanya sa Oktubre. Magpasundayag sing isa ukon duha ka presentasyon.
15 min: “Pamangkot.” Pamulongpulong sang isa ka gulang.
15 min: “Ang Matuod nga Pagsimba Nagauswag sa Nasidlangan nga Europa.” Ang gulang nagadumala sang pamangkot-kag-sabat nga sesyon. Magsambit sing mga eksperiensia ukon ebidensia sang pag-uswag sa mga pungsod nga ginrepresentar, subong sang ginreport sa ulihi nga mga Yearbook.
Ambahanon 87 kag nagatakop nga pangamuyo.