Tej Uas Pab Kom Peb Txawj Ua Vajtswv Tes Num​—Teb Tus Tswv Tsev Uas Npau Taws

Vim Li Cas Ho Tseem Ceeb: Thaum peb mus qhia Vajlugkub, cov neeg peb ntsib feem coob yeej hais lus luag ntxhi rau peb. Tiamsis Yexus tau hais tseg tias muaj ib txhia yuav ntxub peb. (Yh. 17:14) Yog li ntawd, thaum peb mus qhia Vajlugkub, yuav muaj ib co tswv tsev npau taws rau peb. Thaum peb ntsib cov zoo li ntawd, peb yuav tsum ua tib zoo teb lawv xwv thiaj haum Yehauvas siab. (Loos 12:​17-21; 1Pt. 3:15) Thiab yog peb ua tib zoo teb cov npau taws ntawd ces yuav tsis muaj kev sib cav sib ceg. Tsis tas li ntawd xwb, peb yuav ua tau timkhawv zoo heev rau tus tswv tsev thiab cov uas hnov peb tham, xwv lwm zaus thaum Yehauvas Cov Timkhawv rov ntsib lawv, lawv thiaj kam mloog.​—2Khl. 6:3.