Vim Li Cas Kev Tsov Kev Rog Tsis Txawj Tag Li?

KEV TXHAUM

Thawj nkawm niam txiv uas Vajtswv tsim hu ua Adas thiab Evas. Vajtswv tsim kom nkawd muaj yam ntxwv zoo ib yam li nws, xws li nyiam nyob sib haum xeeb thiab muaj kev hlub tshua. (Chivkeeb 1:27; 1 Kauleethaus 14:33; 1 Yauhas 4:8) Tiam sis tu siab kawg uas Adas thiab Evas tsis mloog Vajtswv lus, nkawd thiaj li poob mus rau kev txhaum. Vim peb yog nkawd cov xeeb ntxwv, peb thiaj kis tau txoj kev txhaum ntawd thiab raug kev ploj kev tuag. (Loos 5:12) Txoj kev txhaum uas peb muaj ntawd kuj ua rau tej tug xav tej yam phem thiab ua nruj ua tsiv.​—Chivkeeb 6:5; Malakaus 7:21, 22.

TEJ NOM TSWV HAUV NTIAJ TEB

Vajtswv tsis tau tsim kom tib neeg kav tib neeg. Phau Vajlugkub qhia tias, “tsis yog neeg coj tau neeg tshais kauj ruam.” (Yelemi 10:23) Twb yog vim li no, tej nom tswv hauv ntiaj teb thiaj ua tsis tau kom txhob muaj kev tsov kev rog.

XATAS THIAB NWS COV DAB

Phau Vajlugkub qhia tias ‘dab Ntxwg Nyoog yog tus kav cov neeg uas nyob hauv ntiaj teb no.’ (1 Yauhas 5:19) Xatas yog tus dab Ntxwg Nyoog ntawd ntag. Nws siab phem heev thiab nyiam tua neeg. (Yauhas 8:44) Xatas thiab nws cov dab ntxias kom tib neeg ua tsov ua rog thiab ua nruj ua tsiv.​—Tshwmsim 12:9, 12.