Khaws Cia
Koj Puas Siv Cov Ntaub Ntawv No?
Phau Vajlugkub—Txoj Xov Yog Dabtsi?
Sau rau cov uas tsis paub zoo txog phau Vajlugkub, thiab cov uas tsis ntseeg Vajtswv
Tseb li cas: “Koj puas kam kuv nyeem ib nqes Vajlugkub rau koj? [Nyeem Ntawv Nkauj 37:11. Muaj lus qhia ntsig txog nqe no hauv ntu 11.] Thaum nqe Vajlugkub no muaj tiav lawm, koj xav lub ntiajteb no yuav zoo li cas xwb? [Cia nws teb tas tso.] Phau Vajlugkub lo lus cog tseg no yuav pab tau txhua tus, tsis hais haiv neeg twg lossis cov uas coj txoj kevcai twg los xij.” Nyeem thawj nqes nyob rau sab 3, thiab cev phau ntawv rau nws.
Zoo siv rau lub caij no: Yog tias koj tabtom kawm phau ntawv Vajlugkub Qhia nrog ib tug neeg uas tsis ntseeg Vajtswv, ces siv ob peb feeb ua ntej lossis tom qab neb kawm Vajlugkub, los kawm ib ntu hauv phau ntawv no. Yog tias nyeem phau ntawv no nrog thiab, ces yuav pab kom nws to taub tej lus tseem ceeb hauv phau Vajlugkub.
Cov Tuag Tej Plig
Sau rau cov uas ntseeg tias cov tuag mus nyob rau sab yeeb ceeb, thiab tseem pab lossis ua mob tau rau cov ciaj
Tseb li cas: “Coob leej ntau tus coj tej kev lig kevcai los thaiv dab. Yog li koj xav dabtsi thiaj li pab tau peb tiag? [Cia nws teb tas tso.] Phau Vajlugkub qhia meej tias ua li cas rau cov tuag lawm. [Nyeem Laj Lim Tswvyim 9:5, 10.] Phau ntawv no qhia tias ib txhia tau dim ntawm dab txojkev tswjhwm lawm. Thiab qhia tias muaj ib hnub cov neeg peb hlub uas tau tuag lawm, yuav sawv rov qab los hauv lub vaj kaj siab.”
Zoo siv rau lub caij no: Thaum rov qab mus xyuas tus tswv tsev, muab phau ntawv Vajlugkub Qhia rau nws saib thiab piav txog tshooj 6, 7, lossis 10.
Koj Ua Tau Vajtswv Tus Phoojywg!
Sau rau cov uas tsis tau kawm ntaub kawm ntawv lossis tsis paub nyeem ntawv zoo
Tseb li cas: “Raws li koj xav, peb tibneeg puas muaj peevxwm nrog tau Vajtswv ntaus phoojywg? [Cia nws teb tas tso. Ces nyeem Yakaunpau 2:23.] Phau ntawv no yog sau los pab kom peb ua tau Vajtswv tus phoojywg, ib yam li Aplahas.”
Zoo siv rau lub caij no: Nrog tus tswv tsev kawm ib ob nqes ntawm zaj kawm 1, thaum koj xub ntsib nws, lossis thaum koj rov qab mus xyuas nws.