Tej Uas Pab Kom Peb Txawj Ua Vajtswv Tes Num​—Paub Pab Tus Koj Nrog Ua Ke

Vim Li Cas Ho Tseem Ceeb: Thaum Yexus tseem nyob hauv ntiajteb, nws pom tias qhov uas mus tshaj tawm ua ib nkawg ib nkawg tseem ceeb heev. Yog li ntawd, thaum nws txib 70 leej mus tshaj tawm, nws thiaj txib lawv mus ua ib nkawg ib nkawg. (Lk. 10:1) Tseem ceeb heev uas muaj ib tug nrog peb mus qhia Vajlugkub, rau qhov tus ntawd yuav pab tau peb thaum ntsib teeb meem lossis thaum peb tsis paub yuav teb tus tswv tsev li cas. (L.Tsy. 4:9, 10) Tej thaum nws kuj pab qhia peb kom peb hajyam txawj qhia Vajlugkub ntxiv. (P.L. 27:17) Thiab nws kuj txhawb tau peb thaum mus ib lub tsev rau tsev.​—Flp. 4:8.