Koj Coj Puas Tau Lawv Nrog Koj Mus?

Ntau lub koom txoos muaj coob tus tshaj tawm uas mus qhia tsis tau Vajlugkub li yav tas los, vim lawv muaj mob muaj nkeeg lossis laus lawm. (2Khl. 4:16) Yog muaj tej tug uas zoo li no hauv koj lub koom txoos, koj puas coj tau nws nrog koj mus qhia Vajlugkub rau ib tug twg? Yog tus tshaj tawm ntawd mus tsis taus qhov twg, koj kuj coj tus uas kawm Vajlugkub mus kawm hauv nws tsev. Thiab yog muaj ib tug uas mus tsis tshua taus kev, koj coj puas tau nws nrog koj mus qhia Vajlugkub lub tsev rau tsev, pliag puav lossis rov mus xyuas ib tug twg? Tsis tas li ntawd xwb, coob tus tshaj tawm kuj yog cov laus uas txawj qhia Vajlugkub heev. Yog koj coj lawv ib tug twg nrog koj mus, yuav txhawb tau neb ob leeg zog ib yam. (Loos 1:12) Yog koj nqes tes pab lwm tus li no, Yehauvas yuav muab nqe zog rau koj.—P.L. 19:17; 1Yh. 3:17, 18.