Tej Uas Pab Kom Peb Txawj Ua Vajtswv Tes Num​—Rov Mus Xyuas

VIM LI CAS HO TSEEM CEEB: Coob tus uas nyiam txoj xov zoo txog lub Nceeg Vaj yeej xav nrhiav qhov tseev txog Vajtswv. (Yxy. 55:6) Yuav kom lawv kawm tau zoo, peb yuav tsum rov mus xyuas lawv tsis tu ncua. Nyias yeej muaj nyias kev nyuaj siab, yog li ntawd, peb yuav tsum hloov tej peb qhia thiaj raug lawv siab. Yog peb ua tib zoo npaj lub ntsiab uas peb yuav qhia, ces peb yuav qhia tau raug lawv siab. Peb lub hom phiaj yog kawm Vajlugkub nrog lawv.

YUAV TAU UA LI NO:

• Maj nroos rov mus xyuas ob peb hnub tom qab.​—Mth. 13:19

• Hais lus luag ntxhi thiab saib taus lawv. Ua siab tus tus

• Hais lus mos lus muag. Tuav nws npe. Qhia nws tias vim li cas koj thiaj rov mus xyuas nws, tej zaum koj rov mus teb nws lo lus nug, nqa ib phau ntawv tshiab mus rau nws, qhia nws txog peb lub vej xaij, tso ib zaj yeeb yaj kiab rau nws saib, lossis ua qauv qhia nws seb kawm Vajlugkub li cas. Yog nws xav tham txog lwm yam los, nrog nws tham yam ntawd.​—Flp. 2:4

• Ywg dej rau lub noob uas koj tau cog rau hauv nws lub siab lawm uas yog nyeem ib nqes Vajlugkub lossis muab ib phau ntawv rau nws. (1Khl. 3:6) Nrog nws tham kom neb sib paub

• Npaj ib lub ntsiab rov mus xyuas nws