Txhob Laug Sijhawm
Txhua zaus peb tuaj sib txoos mus qhia Vajlugkub, peb tau nrog peb cov kwvtij nkauj muam ua ke. Lub sijhawm ntawd, peb nyiam nrog lawv sib tham heev. Tiamsis nco ntsoov tias tom qab sib txoos tas, yuav tau maj nroos mus qhia Vajlugkub es txhob laug sijhawm. Tes haujlwm tshaj tawm txoj xov zoo tseem ceeb heev, yuav tau kub siab ua. (2Tmt. 4:2) Yog peb pheej tham ntev tham ntau ces peb yuav tsis tshuav sijhawm mus ua Vajtswv tes num. Cia thaum peb mus qhia Vajlugkub tso peb mam siv lub sijhawm ntawd los nrog lawv tham. Yog peb maj nroos mus qhia Vajlugkub es tsis txhob laug sijhawm ces twb yog peb kub siab lug ua Yehauvas thiab nws tus Tub tes haujlwm.—Loos 12:11.