Ua Qauv Qhia

Caw Tibneeg Tuaj Ua Kevcai Nco Txog Yexus

“Peb coj daim ntawv no tuaj caw koj thiab koj tsev neeg mus nrog peb ua kevcai nco txog Yexus txojkev tuag rau lub 3 Hlis, tim 26. Hnub ntawd yuav muaj ib zaj lus qhuab qhia piav txog seb Yexus txojkev tuag pab tau peb li cas. Qhia dawb xwb tsis sau nyiaj. Daim ntawv no muaj qhov chaw nyob thiab lub sijhawm uas peb yuav sib txoos ua ke.”

Tseb Phau Ntawv Qhov Tseeb Txog Yexus Khetos

“Coob leej ntau tus tsis paub tias Yexus yog leejtwg. Ib txhia xav tias Vajtswv txib Yexus los cawm noob neej. Ib co ho xav tias nws tsuas yog ib tug neeg zoo xwb. Muaj dua lwm cov hais tias tej lus qhia txog Yexus yog dab neeg xwb. Ua li koj ho xav li cas? [Cia nws teb tas tso.] Phau Vajlugkub qhia tias tseem ceeb heev rau peb paub qhov tseeb txog Yexus. [Nyeem Yauhas 17:3.] Phau ntawv no tham txog tej uas tibneeg nug txog Yexus. Cov lus teb no nyob rau hauv phau Vajlugkub.”

The Watchtower Lub 3 Hlis Ntuj, Tim 1

“Ib txhia xav paub seb Yexus puas tau sawv hauv qhov tuag rov qab los tiag. Koj puas tau xav li ntawd ib zaug li? [Cia nws teb tas tso.] Vim li cas peb yuav tsum paub txog qhov no? Cia wb nyeem 1 Khaulee 15:14. [Nyeem] Phau no qhia txog qhov uas Yexus sawv hauv qhov tuag rov qab los, kom peb thiaj paub tseeb tias zaj no tsis yog lam dag peb xwb.”

Awake! Lub 3 Hlis Ntuj

“Koj puas ntseeg tias tiam no tsis yoojyim rau peb tu tub tu kiv? [Cia nws teb tas tso.] Coob leej niam txiv pom tias phau Vajlugkub pab tau lawv qhuab qhia lawv tej metub menyuam zoo heev. Zoo li nqe Vajlugkub hauv Khaulauxi 3:21 pab tau cov uas yog txiv kom nco ntsoov txhawb thiab qhuas tej menyuam, lawv thiaj tsis poob siab. [Nyeem Khaulauxi 3:21.] Phau ntawv no qhia txog 5 yam uas yuav pab tau cov uas ua txiv.”