GAUDIA EDIA PRAIS IA BADA

Laloa Maoromaoro Karana Abia

Gaudia edia prais be metairametaira idia bada daekau neganai, reana moni gaukara amo pei bada idia abia taudia be do idia lalohekwarahi bada lasi. To ma haida be edia ruma bese naria totona, edia moni be hegeregere lasi. Unai ese idia dekenai lalohekwarahi ia havaraia.

Sitoa bona maketi ai gaudia edia davana idia bada daekau noho karana ita biagua diba lasi. To bema ita laloa maoromaoro do ita lalohekwarahi lasi.

DAHAKA DAINAI UNAI BE MAI ANINA BADA?

Badina laloa maoromaoro taudia be . . .

idia laloa momo lasi. Mai lalo-kehoa ida abia hidi namodia do idia karaia.
mai aonega ida edia moni idia gaukaralaia namonamo. Hegeregere, nega korikori ai, paoa eiava ranu ena davana idia henia.
ruma bese ida moni totona do idia hepapahuahu lasi.
palani do idia karaia, unai amo edia moni be edia dabu gaudia sibona hoia totona do idia gaukaralaia.

OI KARAIA DIBA GAUDIA

Gau haida dekenai senisi karaia. Gaudia edia davana ia bada daekau neganai, iseda moni ita gaukaralaia namonamo. Momokani ruma bese naria totona ita gaukara be gau badana. To danu, haida be idia hekwarahi bada, ma haida ese idia moalelaia mauri namona idia tohoa totona. Unai be hegeregere, ia aru goada sinavai hanaia totona idia hekwarahi kava bona edia goada idia haorea. To gau badana be, emu ruma bese totona nega oi atoa, idia ura emu lalokau bona laloa bada karana idia mamia.

“Oi lalohekwarahilaia gaudia ese emu mauri ia halataia diba, a? Lasi, vaitani!”—Luka 12:25, New Living Translation.

“Kerukeru totona umui lalohekwarahi lasi, badina kerukeru danu be mai ena lalohekwarahi gaudia. Hari dina sibona ena lalohekwarahi gaudia umui laloa.”—Mataio 6:34.

Haida be idia hekwarahi bada, ma haida ese idia moalelaia mauri namona idia tohoa totona. Unai be hegeregere, ia aru goada sinavai hanaia totona idia hekwarahi kava bona edia goada idia haorea.