June Ena Hesiai Hebou
June 3 Purana
Ane 181
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Papua New Guinea ena bona kongregesen ena haroro ripoti oi herevalaia.
15 min: “Edia Abidadama Do Umui Tohotohoa.” Henanadai bona haere. September 15, 1991 Gima Kohorona, rau 13 ai ia noho abidadama idia hahedinaraia kara edia maua oi herevalaia. Pablisa ta o rua oi henanadai henia dahaka ese idia ia durua lagani momo lalonai Basileia gaukarana idia karaia noho totona.
20 min: “Mauri Dekenai Ita Ia Hakaua Lao Dibana Ita Hariharilaia.” (Paragraf 1-3) Paragraf 1 oi herevalaia. (January 15, 1996, Gima Kohorona, rau 12, paragraf 11-12 oi herevalaia danu.) Oi hadibaia Iseda Basileia Gaukara pepana ena rau ginigabena be dala matamatana ai idia karaia, lou-henia gaukara dekenai ita hegaegae namonamo totona. Ita naria daudau lasi, to ia be aonega dalana lou-henia be dina tamona o dina rua murinai ita karaia, unai dainai haroro herevadia ruma-ta-ruma-ta gaukara bona lou-henia totona be Hesiai Hebou tamona lalonai do ita herevalaia. Nega sisina lalonai paragraf 2 bona 3 oi herevalaia, bona unai paragraf ruaosi dekenai haheitalai oi karaia. Unai hereva ena haroro hereva oredia be murina Hesiai Hebou rua lalonai do ita herevalaia.
Ane 143 bona guriguri.
June 10 Purana
Ane 63
7 min: Kongregesen ena hadibaia herevadia. Akauns ripotina.
8 min: Haroro Gaukara Hadibaia Natudia Dekenai. Elda ta ese hereva ia henia. Idia maragi negana amo, iseda natudia be ita ida haroro gaukara idia karaia be namo. Idia abia dibana bona manada karana be murina laganidia lalonai edia abidadama bona goada edia badina aukana ai do idia lao. Gau badana be idia lalo-parara haroro gaukara idia laloa bada bona kara namo idia hahedinaraia be namo. Natudia idia boiboi momo be namo lasi; haroro be gadara negana lasi. Tatau bona hahine badadia ida idia gaukara be namo. Namona be heduru idia abia edia diba hegeregerena do idia haroro totona. (March 1, 1989, Gima Kohorona, rau 16, paragraf 20 oi itaia.) Tama sina edia maduna be natudia idia naria; namo lasi natudia idia siaia haroro hebou dekenai bema naria tauna be lasi. Natudia idia kara namo neganai oi hanamoa.
10 min: “Mauri Dekenai Ita Ia Hakaua Lao Dibana Ita Hariharilaia.” (Paragraf 4-5) Hamatamaia hereva kwadogina murinai, paragraf 4 bona 5 ai idia noho nega ginigunana bona lou-henia edia haroro herevadia dekenai haheitalai oi karaia. Pablisa taudia oi hagoadaia Diba bukana idia hariharilaia murinai, lou-henia idia karaia haraga.
20 min: “Diba Bukana amo Hahediba Taudia Halaoa Dalana.” Hamatamaia hereva kwadogina lalonai paragraf 1-2 oi herevalaia. Paragraf 3-11 be henanadai bona haere dalanai oi karaia. Oi hahedinaraia paragraf oredia be July bona August ena Hesiai Heboudia lalonai do ita herevalaia. Iboudiai oi hagoadaia do idia negea lasi.
Ane 92 bona guriguri.
June 17 Purana
Ane 157
10 min: Kongregesen ena hadibaia herevadia. Henanadai Mauana.
15 min: “Hetura Dalanai Herevahereva Karana ese Kudouna Ia Veria Diba.” Henanadai bona haere. Pablisa ta o rua oi boiria edia ekspiriens namona idia herevalaia edena bamona hetura dalanai idia herevahereva neganai taunimanima idia kamonai.
20 min: “Mauri Dekenai Ita Ia Hakaua Lao Dibana Ita Hariharilaia.” (Paragraf 7) Lou-henia lalonai ita ura karaia gaudia oi hadibaia namonamo: Edia ura habadaia, stadi hamatamaia, giroa lou totona hegaegae. Nega sisina paragraf 6 bona 7 ena haroro herevadia oi herevalaia murinai, unai paragraf ta ta dekenai haheitalai oi karaia stadi hamatamaia dalana hahedinaraia totona. January 15, 1996, Gima Kohorona, rau 14 ena paragraf 17 oi duahia.
Ane 211 bona guriguri.
June 24 Purana
Ane 6
5 min: Kongregesen ena hadibaia herevadia.
20 min: Kongregesen durua herevana. (Eiava January 1, 1996, Gima Kohorona, rau 29-31 ena hereva ladana “Hereva Momokani Do Oi Hadibaia Maoromaoro” amo hereva ta karaia.)
20 min: “Manoka Taudia Oi Durua Do Idia Goada Lou Totona.” Elda ta ese hereva ia henia bona ia kikilaia. Oi hagoadaia August 1, 1992, Gima Kohorona ena hereva ladana “Lau Dekenai Umui Giroa, Bena Umui Dekenai Do Lau Giroa” do idia gaukaralaia, manoka taudia do idia hagoadaia totona. Hereva badadia haida oi gwauraia.
Ane 71 bona guriguri.